ਸ਼ਾਹੀ ਜੋੜੇ ਨੇ ਬ੍ਰੈਡਫੋਰਡ ਸਥਿਤ ਰੈਸਟੋਰੈਂਟ 'ਚ ਬਣਾਇਆ ਮੈਂਗੋ ਸ਼ੇਕ ਤੇ ਕੁਲਫੀ
01/17/2020 11:28:42 AM
ਲੰਡਨ (ਬਿਊਰੋ): ਬ੍ਰਿਟੇਨ ਦੇ ਪ੍ਰਿੰਸ ਵਿਲੀਅਮ ਆਪਣੀ ਪਤਨੀ ਕੇਟ ਮਿਡਲਟਨ ਦੇ ਨਾਲ ਬੁੱਧਵਾਰ ਨੂੰ ਬ੍ਰੈਡਫੋਰਡ ਸਥਿਤ ਪਾਕਿਸਤਾਨੀ ਰੈਸਟੋਰੈਂਟ ਪਹੁੰਚੇ। ਇੱਥੇ ਉਹਨਾਂ ਨੇ ਪਹਿਲਾਂ ਰੈਸਟੋਰੈਂਟ ਦਾ ਨਿਰੀਖਣ ਕੀਤਾ ਅਤੇ ਫਿਰ ਮੈਂਗੋ ਸ਼ੇਕ ਅਤੇ ਕੁਲਫੀ ਬਣਾਉਣ ਦੇ ਅਨੁਭਵ ਦਾ ਆਨੰਦ ਲਿਆ।
ਇੰਨਾ ਹੀ ਨਹੀਂ ਸ਼ਾਹੀ ਜੋੜੇ ਨੇ ਇਹ ਦੋਵੇਂ ਚੀਜ਼ਾਂ ਉੱਥੇ ਆਏ ਲੋਕਾਂ ਨੂੰ ਵੀ ਖਵਾਈਆਂ। ਇਸ ਦੌਰਾਨ ਉਹਨਾਂ ਨੇ ਰੈਸਟੋਰੈਂਟ ਦੇ ਕਰਮਚਾਰੀਆਂ ਨਾਲ ਗੱਲਬਾਤ ਵੀ ਕੀਤੀ। ਸ਼ਾਹੀ ਜੋੜੇ ਦੀ ਲਾਹੌਰ ਯਾਤਰਾ ਦੀਆਂ ਯਾਦਾਂ ਨੂੰ ਕੇਸਿੰਗਟਨ ਰੋਇਲ ਦੇ ਇੰਸਟਾਗ੍ਰਾਮ ਪੇਜ ਅਤੇ ਮਾਈ ਲਾਹੌਰ ਪੇਜ 'ਤੇ ਵੀ ਸ਼ੇਅਰ ਕੀਤਾ ਗਿਆ ਹੈ।
ਕੇਸਿੰਗਟਨ ਰੋਇਲ ਨੇ ਪੋਸਟ ਦੇ ਕੈਪਸ਼ਨ ਵਿਚ ਲਿਖਿਆ,''ਲਾਹੌਰ ਦਾ ਬ੍ਰਿਟਿਸ਼ ਏਸ਼ੀਆਈ ਰੈਸਟੋਰੈਂਟ ਚੈਨ ਜਿਸ ਨੇ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ।'' ਇਹ ਪਾਕਿਸਤਾਨ ਦੀ ਫੂਡ ਕੈਪੀਟਲ ਲਾਹੌਰ ਤੋਂ ਦੇ ਰੂਪ ਵਿਚ ਜਾਣਿਆ ਜਾਂਦਾ ਹੈ।
ਡਿਊਕ ਅਤੇ ਡਚੇਸ ਨੇ ਅਕਤੂਬਰ 2019 ਵਿਚ ਪਾਕਿਸਤਾਨ ਦੀ 5 ਦਿਨ ਦੀ ਯਾਤਰਾ ਕੀਤੀ ਸੀ। ਇਸ ਦੌਰਾਨ ਸ਼ਾਹੀ ਜੋੜਾ ਚਿਤਰਾਲ ਜ਼ਿਲੇ ਦੀ ਕਲਸ਼ ਘਾਟੀ ਅਤੇ ਲਾਹੌਰ ਦੀ ਬਾਦਸ਼ਾਹੀ ਮਸਜਿਦ ਵੀ ਗਿਆ ਸੀ।
ਆਪਣੇ ਰੈਸਟੋਰੈਂਟ ਦੌਰੇ ਦੌਰਾਨ ਸ਼ਾਹੀ ਜੋੜੇ ਨੇ ਬ੍ਰੈਡਫੋਰਡ ਕਾਲਜ ਦੇ ਵਿਦਿਆਰਥੀਆਂ ਨਾਲ ਮੁਲਾਕਾਤ ਕੀਤੀ। ਇਸ ਦੇ ਬਾਅਦ ਯੂਕੇ ਮਹਿਲਾ ਮੁਸਲਿਮ ਕੌਂਸਲ ਦੇ ਪ੍ਰਤੀਨਿਧੀਆਂ ਦੇ ਨਾਲ ਇਕ ਬੈਠਕ ਵਿਚ ਵੀ ਹਿੱਸਾ ਲਿਆ।
ਇਸ ਵਿਚ ਪਾਕਿਸਤਾਨੀ ਬ੍ਰਿਟਿਸ਼ ਬਾਕਸਰ ਆਮਿਰ ਖਾਨ ਨੇ ਵੀ ਜੋੜੇ ਨਾਲ ਮੁਲਾਕਾਤ ਕੀਤੀ।