ਅਮਰੀਕਾ ’ਚ ਅਦਾਲਤ ਦੇ ਬਾਹਰ ਗੋਲੀਬਾਰੀ, ਮਾਂ-ਧੀ ਦੀ ਮੌਤ

ਇੰਟਰਨੈਸ਼ਨਲ ਡੈਸਕ : ਕੈਨਟਕੀ ਵਿਚ ਇਕ ਬੰਦੂਕਧਾਰੀ ਨੇ ਇਕ ਅਦਾਲਤ ਦੇ ਬਾਹਰ ਇਕ ਮਾਂ ਅਤੇ ਧੀ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿਤੀ ਅਤੇ ਇਕ ਹੋਰ ਵਿਅਕਤੀ ਨੂੰ ਜ਼ਖਮੀ ਕਰ ਦਿਤਾ ਹੈ। ਪੁਲਸ ਦਾ ਪਿੱਛਾ ਕਰਨ ਦੌਰਾਨ ਉਸ ਨੇ ਹਾਈਵੇਅ ’ਤੇ ਖੁਦ ਨੂੰ ਵੀ ਗੋਲੀ ਮਾਰ ਲਈ। ਪੁਲਸ ਨੇ ਇਹ ਜਾਣਕਾਰੀ ਦਿਤੀ। ਐਲਿਜ਼ਾਬੈਥ ਸਿਟੀ ਪੁਲਸ ਨੇ ਦਸਿਆ ਕਿ ਸ਼ੱਕੀ ਕ੍ਰਿਸਟੋਫਰ ਏਲਡਰ (46) ਦੀ ਹਾਲਤ ਗੰਭੀਰ ਹੈ। ਉਸ ਨੇ ਖੁਦ ਨੂੰ ਗੋਲੀ ਮਾਰ ਲਈ।

ਪੁਲਸ ਮੁਤਾਬਕ ਐਲੀਜ਼ਾਬੈਥਟਾਊਨ ਦੀ ਵਸਨੀਕ ਏਰਿਕਾ ਰਿਲੇ (37) ਸੋਮਵਾਰ ਸਵੇਰੇ ਹਾਰਡਿਨ ਕਾਊਂਟੀ ਦੀ ਅਦਾਲਤ ਦੀ ਸੁਣਵਾਈ ਲਈ ਏਲਡਰ ਦੇ ਨਾਲ ਸੀ। ਐਲਿਜ਼ਾਬੈਥ ਟਾਊਨ ਦੇ ਪੁਲਸ ਮੁਖੀ ਜੇਰੇਮੀ ਥਾਮਸਨ ਨੇ ਕਿਹਾ ਕਿ ਦੋਹਾਂ ਵਿਚਕਾਰ ਸਬੰਧ ਸਨ। ਪੁਲਸ ਨੇ ਇਕ ਪ੍ਰੈਸ ਬਿਆਨ ਵਿਚ ਕਿਹਾ ਕਿ ਹਾਰਡਿੰਗਬਰਗ ਦੀ ਰਹਿਣ ਵਾਲੀ ਰਿਲੇ ਦੀ ਮਾਂ ਜੈਨੇਟ ਰੇਲੀ (71) ਨੂੰ ਵੀ ਗੋਲੀ ਲੱਗੀ ਅਤੇ ਹਸਪਤਾਲ ਲਿਜਾਣ ਤੋਂ ਬਾਅਦ ਉਸ ਦੀ ਮੌਤ ਹੋ ਗਈ।

ਥਾਮਸਨ ਨੇ ਦਸਿਆ ਕਿ ਗੋਲੀਬਾਰੀ ਪਾਰਕਿੰਗ ’ਚ ਹੋਈ ਅਤੇ ਇਕ ਬਜ਼ੁਰਗ ਮੌਕੇ ਤੋਂ ਫਰਾਰ ਹੋ ਗਿਆ। ਥਾਮਸਨ ਨੇ ਦੱਸਿਆ ਕਿ ਪੁਲਸ ਨੂੰ ਪਛਮੀ ਕੇਨਟਕੀ ’ਚ ਇਕ ਹਾਈਵੇਅ ’ਤੇ ਬਜ਼ੁਰਗ ਦੀ ਗੱਡੀ ਮਿਲੀ ਅਤੇ ਉਨ੍ਹਾਂ ਦਾ ਪਿੱਛਾ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਰੋਕਿਆ ਗਿਆ। ਉਸ ਨੇ ਕਿਹਾ ਕਿ ਪੁਲਸ ਵਾਰਤਾਕਾਰ ਏਲਡਰ ਨਾਲ ਗੱਲ ਕਰ ਰਿਹਾ ਸੀ ਜਦੋਂ ਉਸ ਨੇ ਅਪਣੇ ਆਪ ’ਤੇ ਬੰਦੂਕ ਤਾਣ ਦਿੱਤੀ।

ਐਲਿਜ਼ਾਬੈਥਟਾਊਨ ਲੁਈਸਵਿਲੇ ਤੋਂ ਲਗਭਗ 72.4 ਕਿਲੋਮੀਟਰ ਦੱਖਣ ’ਚ ਹੈ। ਥਾਮਸਨ ਨੇ ਕਿਹਾ ਕਿ ਜਿਸ ਵਿਅਕਤੀ ਨੂੰ ਗੋਲੀ ਮਾਰੀ ਗਈ ਉਹ ਰਿਲੇ ਦਾ ਰਿਸ਼ਤੇਦਾਰ ਵੀ ਸੀ। ਪੁਲਸ ਨੇ ਦਸਿਆ ਕਿ ਉਸ ਦੀ ਹਾਲਤ ਸਥਿਰ ਹੈ। ਥਾਮਸਨ ਨੇ ਦਸਿਆ ਕਿ ਗੋਲੀਬਾਰੀ ਤੋਂ ਬਾਅਦ ਆਲੇ-ਦੁਆਲੇ ਦੇ ਇਲਾਕੇ ’ਚ ‘ਹਲਕਾ ਕਰਫਿਊ’ ਲਗਾਇਆ ਸੀ, ਜਿਸ ਨੂੰ ਬਾਅਦ ’ਚ ਹਟਾ ਦਿਤਾ ਗਿਆ।