ਪਤਨੀ ਮਿਸ਼ੇਲ ਨੂੰ ਸਾਬਕਾ ਰਾਸ਼ਟਰਪਤੀ ਨੇ ਇੰਝ ਦਿੱਤੀ ਜਨਮਦਿਨ ਦੀ ਵਧਾਈ
01/18/2020 3:37:55 PM
ਵਾਸ਼ਿੰਗਟਨ- ਅਮਰੀਕਾ ਦੀ ਸਾਬਕਾ ਪਹਿਲੀ ਮਹਿਲਾ ਮਿਸ਼ੇਲ ਓਬਾਮਾ ਦਾ 17 ਜਨਵਰੀ ਨੂੰ ਜਨਮ ਦਿਨ ਸੀ। ਇਸ ਮੌਕੇ ਉਹਨਾਂ ਦੇ ਪਤੀ ਤੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਟਵਿੱਟਰ ਤੇ ਇੰਸਟਾਗ੍ਰਾਮ 'ਤੇ ਤਸਵੀਰਾਂ ਸਾਂਝੀਆਂ ਕਰਕੇ ਉਹਨਾਂ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ ਹੈ। ਬਰਾਕ ਓਬਾਮਾ ਨੇ ਪਤਨੀ ਦੇ ਨਾਲ ਚਾਰ ਤਸਵੀਰਾਂ ਦਾ ਇਕ ਕੋਲਾਜ ਸਾਂਝਾ ਕੀਤਾ ਹੈ। ਇਸ ਤੋਂ ਪਹਿਲਾਂ ਜੋੜੇ ਨੇ ਪਿਛਲੇ ਸਾਲ ਅਕਤੂਬਰ ਮਹੀਨੇ ਆਪਣੇ ਵਿਆਹ ਦੀ 27ਵੀਂ ਵਰ੍ਹੇਗੰਢ ਮਨਾਈ ਸੀ।
In every scene, you are my star, @MichelleObama! Happy birthday, baby!
A post shared by Barack Obama (@barackobama) on Jan 17, 2020 at 6:11am PST
ਤਸਵੀਰਾਂ ਵਿਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਬਰਾਕ ਤੇ ਮਿਸ਼ੇਲ ਕੈਮਰੇ ਦੇ ਸਾਹਮਣੇ ਬਹੁਤ ਮਸਤੀ ਕਰ ਰਹੇ ਹਨ। ਇਕ ਤਸਵੀਰ ਵਿਚ ਬਰਾਕ ਓਬਾਮਾ ਆਪਣੀ ਪਤਨੀ ਦੀਆਂ ਗੱਲ੍ਹਾਂ 'ਤੇ ਕਿੱਸ ਕਰ ਰਹੇ ਹਨ ਤਾਂ ਇਕ ਵਿਚ ਦੋਵੇਂ ਗਲੇ ਲੱਗ ਰਹੇ ਹਨ। ਇਸ ਨੂੰ ਉਹਨਾਂ ਨੇ ਕੈਪਸ਼ਨ ਦਿੱਤਾ ਹੈ ਕਿ 'ਹਰ ਸੀਨ ਵਿਚ ਤੁਸੀਂ ਮੇਰੀ ਸਟਾਰ ਹੋ। ਮਿਸ਼ੇਲ ਓਬਾਮਾ ਜਨਮਦਿਨ ਦੀ ਬਹੁਤ-ਬਹੁਤ ਵਧਾਈ ਬੇਬੀ।' ਹਾਲ ਹੀ ਵਿਚ ਬਰਾਕ ਤੇ ਮਿਸ਼ੇਲ ਦੀ ਬਣਾਈ ਫਿਲਮ ਅਮੇਰੀਕਨ ਫੈਕਟਰੀ ਨੂੰ ਆਸਕਰ ਲਈ ਨਾਮਜ਼ਦ ਕੀਤਾ ਗਿਆ ਹੈ। ਇਹ ਉਹਨਾਂ ਦੇ ਪ੍ਰੋਡਕਸ਼ਨ ਹਾਊਸ ਹਾਇਰ ਗ੍ਰਾਊਂਡ ਪ੍ਰੋਡਕਸ਼ਨ ਦੀ ਪਹਿਲੀ ਫਿਲਮ ਹੈ।
ਮਿਸ਼ੇਲ ਦੇ ਜਨਮਦਿਨ 'ਤੇ ਅਜੇ ਤੱਕ ਆਪਣੇ ਲਈ ਕੋਈ ਤਸਵੀਰ ਜਾਂ ਸੰਦੇਸ਼ ਸਾਂਝਾ ਨਹੀਂ ਕੀਤਾ ਹੈ। ਪਿਛਲੇ ਸਾਲ ਸਾਬਕਾ ਰਾਸ਼ਟਰਪਤੀ ਨੇ ਮਿਸ਼ੇਲ ਦੇ ਜਨਮਦਿਨ ਦੇ ਮੌਕੇ ਆਪਣੀ ਜਵਾਨੀ ਦੀ ਤਸਵੀਰ ਸਾਂਝੀ ਕੀਤੀ ਸੀ। ਜਿਸ ਦੇ ਕੈਪਸ਼ਨ ਵਿਚ ਉਹਨਾਂ ਨੇ ਲਿਖਿਆ ਸੀ ਕਿ ਮੈਨੂੰ ਉਸ ਵੇਲੇ ਵੀ ਪਤਾ ਸੀ ਤੇ ਅੱਜ ਵੀ ਪੂਰਾ ਭਰੋਸਾ ਹੈ ਕਿ ਤੁਸੀਂ ਆਪਣੀ ਤਰ੍ਹਾਂ ਦੀ ਇਕੱਲੀ ਹੋ।
