ਆਸਟ੍ਰੇਲੀਆ ਨੇ ਘੱਟ ਨਿਕਾਸੀ ਵਾਲੀਆਂ ਤਕਨਾਲੋਜੀਆਂ ਲਈ ਨਿਵੇਸ਼ ਫੰਡ ਕੀਤਾ ਲਾਂਚ

ਕੈਨਬਰਾ (ਏਪੀ)- ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੇ ਬੁੱਧਵਾਰ ਨੂੰ ਘੱਟ ਨਿਕਾਸੀ ਵਾਲੀਆਂ ਤਕਨਾਲੋਜੀਆਂ ਲਈ 1 ਅਰਬ ਆਸਟ੍ਰੇਲੀਅਨ ਡਾਲਰ (738 ਮਿਲੀਅਨ ਡਾਲਰ) ਦਾ ਨਿਵੇਸ਼ ਫੰਡ ਲਾਂਚ ਕੀਤਾ। ਮੌਰੀਸਨ ਨੂੰ ਆਸ ਹੈ ਕਿ ਪ੍ਰਾਈਵੇਟ ਸੈਕਟਰ ਤੋਂ ਘੱਟੋ-ਘੱਟ 50 ਕਰੋੜ ਆਸਟ੍ਰੇਲੀਅਨ ਡਾਲਰ (36.9 ਕਰੋੜ ਅਮਰੀਕੀ ਡਾਲਰ) ਦਾ ਯੋਗਦਾਨ ਆਵੇਗਾ। ਮੌਰੀਸਨ ਨੇ ਇੱਕ ਬਿਆਨ ਵਿੱਚ ਕਿਹਾ,"ਆਸਟ੍ਰੇਲੀਆ ਘੱਟ ਨਿਕਾਸੀ ਨਾਲ ਕਿਫਾਇਤੀ ਅਤੇ ਪਹੁੰਚਯੋਗ ਤਕਨਾਲੋਜੀ ਬਣਾਉਣ ਵਿੱਚ ਇੱਕ ਵਿਸ਼ਵ ਨੇਤਾ ਬਣ ਸਕਦਾ ਹੈ।" ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸੱਤਾਧਾਰੀ ਗਠਜੋੜ ਚਾਹੁੰਦਾ ਹੈ ਕਿ ਫੰਡ ਦਾ ਪ੍ਰਬੰਧਨ ਕਲੀਨ ਐਨਰਜੀ ਫਾਈਨਾਂਸ ਕਾਰਪੋਰੇਸ਼ਨ ਦੁਆਰਾ ਕੀਤਾ ਜਾਵੇ। 

ਇਹ ਕਾਰਪੋਰੇਸ਼ਨ ਇਕ ਸਰਕਾਰੀ ਮਲਕੀਅਤ ਵਾਲਾ 'ਗਰੀਨ ਬੈਂਕ' ਹੈ, ਜਿਸ ਦੀ ਸਥਾਪਨਾ ਸਵੱਛ ਊਰਜਾ ਖੇਤਰ ਵਿੱਚ ਨਿਵੇਸ਼ ਵਧਾਉਣ ਲਈ ਕੀਤੀ ਗਈ ਸੀ। ਹਾਲਾਂਕਿ, ਇਸ ਲਈ ਕਾਨੂੰਨ ਵਿੱਚ ਤਬਦੀਲੀ ਦੀ ਲੋੜ ਪਵੇਗੀ ਕਿਉਂਕਿ ਕਾਰਪੋਰੇਸ਼ਨਾਂ ਸਿਰਫ ਉਸ ਤਕਨਾਲੋਜੀ ਵਿੱਚ ਨਿਵੇਸ਼ ਕਰ ਸਕਦੀਆਂ ਹਨ ਜੋ ਥੋੜ੍ਹੇ ਸਮੇਂ ਵਿੱਚ ਲਾਭਦਾਇਕ ਸਾਬਤ ਹੋਈ ਹੈ, ਜਿਵੇਂ ਕਿ ਹਵਾ ਅਤੇ ਸੂਰਜੀ ਊਰਜਾ। ਇਹ 'ਕਾਰਬਨ ਕੈਪਚਰ' ਅਤੇ 'ਸਟੋਰੇਜ' (ਕਾਰਬਨ ਸਟੋਰੇਜ) ਵਰਗੀਆਂ ਲੰਬੀ ਮਿਆਦ ਦੀਆਂ ਸੰਭਾਵਨਾਵਾਂ ਵਾਲੀਆਂ ਹੋਰ ਪ੍ਰਯੋਗਾਤਮਕ ਤਕਨੀਕਾਂ ਵਿੱਚ ਨਿਵੇਸ਼ ਨਹੀਂ ਕਰ ਸਕਦਾ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ- ਆਸਟ੍ਰੇਲੀਅਨ ਮਹਿਲਾ 'ਤੇ ਨੇਤਾ ਨੇ ਕੀਤੀ ਸੀ ਭੱਦੀ ਟਿੱਪਣੀ, ਸਬਕ ਸਿਖਾਉਣ ਲਈ ਹੁਣ ਲੜੇਗੀ ਚੋਣ

ਬਿਆਨ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਨਵਾਂ ਫੰਡ ਆਸਟ੍ਰੇਲੀਆਈ ਬਾਜ਼ਾਰ ਵਿੱਚ ਵਿੱਤ ਦੀ ਘਾਟ ਨੂੰ ਪੂਰਾ ਕਰੇਗਾ ਜਿੱਥੇ ਛੋਟੇ, ਗੁੰਝਲਦਾਰ, ਤਕਨਾਲੋਜੀ-ਕੇਂਦ੍ਰਿਤ ਸਟਾਰਟ-ਅਪਸ ਨੂੰ ਵਿੱਤ ਲਈ ਬਹੁਤ ਜੋਖਮ ਭਰਿਆ ਮੰਨਿਆ ਜਾਂਦਾ ਹੈ। ਉਦਯੋਗ ਅਤੇ ਊਰਜਾ ਮੰਤਰੀ ਐਂਗਸ ਟੇਲਰ ਨੇ ਕਿਹਾ ਕਿ ਆਸਟ੍ਰੇਲੀਆ ਨੂੰ 2050 ਤੱਕ ਆਪਣੇ 'ਨੈੱਟ ਜ਼ੀਰੋ' ਨਿਕਾਸੀ ਟੀਚੇ ਨੂੰ ਹਾਸਲ ਕਰਨ ਲਈ ਕਾਨੂੰਨ ਨੂੰ ਬਦਲਣ ਦੀ ਲੋੜ ਹੈ। ਆਸਟ੍ਰੇਲੀਆ ਦਾ ਟੀਚਾ 2005 ਦੇ ਪੱਧਰ ਤੋਂ 26 ਪ੍ਰਤੀਸ਼ਤ ਤੋਂ 28 ਪ੍ਰਤੀਸ਼ਤ ਤੱਕ ਨਿਕਾਸੀ ਘੱਟ ਕਰਨ ਦਾ ਹੈ।