ਆਸਟ੍ਰੇਲੀਆ ''ਚ 50 ਸਾਲ ਤੋਂ ਵੱਧ ਉਮਰ ਦੇ ਲੋਕ ਕੰਮ ਕਰਨ ਦੇ ਚਾਹਵਾਨ
Sunday, Jun 27, 2021 - 05:14 PM (IST)
ਕੈਨਬਰਾ (ਭਾਸ਼ਾ): ਆਸਟ੍ਰੇਲੀਆ ਵਿਚ ਕੰਮ ਕਰਨ ਦੇ ਰੁਝਾਨ ਸੰਬੰਧੀ ਇਕ ਸਰਵੇਖਣ ਕਰਵਾਇਆ ਗਿਆ। ਇਸ ਸਰਵੇ ਵਿਚ ਪਤਾ ਚੱਲਿਆ ਕਿ 50 ਸਾਲ ਤੋਂ ਵੱਧ ਉਮਰ ਦੇ ਚਾਰ ਆਸਟ੍ਰੇਲੀਆਈ ਲੋਕਾਂ ਵਿਚੋਂ ਇੱਕ ਨੂੰ ਵਿਸ਼ਵਾਸ ਨਹੀਂ ਹੈ ਕਿ ਉਹ ਵਿੱਤੀ ਅਤੇ ਸਮਾਜਿਕ ਕਾਰਨਾਂ ਕਰਕੇ ਕਦੇ ਸੇਵਾਮੁਕਤ ਹੋਣਗੇ।ਇਕ ਸਰਵੇ ਵਿਚ ਇਹ ਜਾਣਕਾਰੀ ਸਾਹਮਣੇ ਆਈ ਹੈ।
ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਮੁਤਾਬਕ ਨਿਊਗੇਟ ਰਿਸਰਚ ਫੌਰ ਦੀ COTA ਫੈਡਰੇਸ਼ਨ (Councils on the Ageing) ਦੁਆਰਾ ਕੀਤੇ ਗਏ ਸਰਵੇ ਵਿਚ ਪਾਇਆ ਗਿਆ ਕਿ ਬਜ਼ੁਰਗ ਆਸਟ੍ਰੇਲੀਆਈ ਕੰਮ ਕਰਨਾ ਜਾਰੀ ਰੱਖਣ ਦੀ ਯੋਜਨਾ ਬਣਾ ਰਹੇ ਹਨ।ਸਰਵੇ ਵਿਚ ਇਹ ਵੀ ਖੁਲਾਸਾ ਹੋਇਆ ਹੈ ਕਿ 65 ਸਾਲ ਦੀ ਉਮਰ ਦੇ 49 ਫ਼ੀਸਦੀ ਆਸਟ੍ਰੇਲੀਆਈ ਸੇਵਾਮੁਕਤ ਹੋ ਗਏ ਹਨ, ਜੋ ਕਿ 2018 ਵਿਚ 60 ਫ਼ੀਸਦੀ ਤੋਂ ਘੱਟ ਹਨ। 2018 ਤੋਂ ਸੇਵਾਮੁਕਤ ਹੋਏ 66-74 ਉਮਰ ਵਰਗ ਦੇ ਲੋਕਾਂ ਦੀ ਗਿਣਤੀ ਵਿਚ ਵਾਧਾ ਹੋਇਆ ਹੈ ਪਰ ਰਿਪੋਰਟ ਨੇ ਇਸ ਸਥਿਤੀ ਲਈ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਵਾਧੇ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ ਜਿਸ ਨੇ ਲੋਕਾਂ ਨੂੰ ਛੇਤੀ ਰਿਟਾਇਰਮੈਂਟ ਲੈਣ ਲਈ ਮਜਬੂਰ ਕੀਤਾ।
ਪੜ੍ਹੋ ਇਹ ਅਹਿਮ ਖਬਰ- ਬ੍ਰਿਟੇਨ 'ਚ 11 ਸਾਲ ਦੀ ਕੁੜੀ ਨੇ ਦਿੱਤਾ ਬੱਚੇ ਨੂੰ ਜਨਮ, ਸਦਮੇ 'ਚ ਪਰਿਵਾਰ
ਕੋਟਾ (COTA)ਫੈਡਰੇਸ਼ਨ ਦੇ ਚੇਅਰਪਰਸਨ, ਜੋਆਨ ਹਿਊਜੇਸ ਨੇ ਕਿਹਾ ਕਿ ਵਿੱਤ ਇੱਕ ਵੱਡਾ ਕਾਰਕ ਸੀ ਉੱਥੇ ਬਹੁਤ ਸਾਰੇ ਬਜ਼ੁਰਗ ਆਸਟ੍ਰੇਲੀਆਈ ਲੋਕ ਸਮਾਜਿਕ ਸੰਪਰਕ ਲਈ ਕੰਮ ਕਰਨਾ ਜਾਰੀ ਰੱਖਣਾ ਪਸੰਦ ਕਰ ਰਹੇ ਸਨ।ਆਸਟ੍ਰੇਲੀਆਈ 60 ਸਾਲ ਦੀ ਉਮਰ ਤੋਂ ਆਪਣੀ ਲਾਜ਼ਮੀ ਰਿਟਾਇਰਮੈਂਟ ਫੰਡ ਪ੍ਰਣਾਲੀ ਦੀ ਵਰਤੋਂ ਕਰ ਸਕਦੇ ਹਨ।ਹਾਲਾਂਕਿ, ਔਰਤ-ਮੁਖੀ ਚੈਰਿਟੀ ਗੁੱਡ ਸ਼ੈਫਰਡ ਦੀ ਸਟੈਲਾ ਅਵਰਾਮੋਪਲੋਸ ਨੇ ਕਿਹਾ ਕਿ ਔਰਤਾਂ ਦੇ ਸੇਵਾਮੁਕਤ ਹੋਣ ਦੀ ਬਾਕੀ ਰਾਸ਼ੀ ਪੁਰਸ਼ਾਂ ਦੇ ਮੁਕਾਬਲੇ ਔਸਤਨ 40 ਪ੍ਰਤੀਸ਼ਤ ਘੱਟ ਸੀ, ਜਿਸ ਨਾਲ ਬਜ਼ੁਰਗ ਔਰਤਾਂ ਨੂੰ 60 ਸਾਲ ਦੀ ਉਮਰ ਤੋਂ ਬਾਅਦ ਵੀ ਕੰਮ ਕਰਨ ਲਈ ਮਜਬੂਰ ਹੋਣਾ ਪਿਆ।
