ਟਰੰਪ ਨੇ ਮੂਲਰ ਦੀ ਰਿਪੋਰਟ ''ਤੇ ਕਿਹਾ- ''ਗੇਮ ਓਵਰ''
Friday, Apr 19, 2019 - 11:50 AM (IST)
ਵਾਸ਼ਿੰਗਟਨ (ਭਾਸ਼ਾ)— ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵਿਸ਼ੇਸ਼ ਵਕੀਲ ਰੌਬਰਟ ਮੂਲਰ ਦੀ ਜਾਂਚ ਵਿਚ ਆਪਣੇ ਵਿਰੁੱਧ ਕੁਝ ਸਾਬਤ ਨਾ ਹੋਣ 'ਤੇ ਐੱਚ.ਬੀ.ਓ. ਦੀ ਮਸ਼ਹੂਰ ਫੰਤਾਸੀ ਸੀਰੀਜ਼ 'ਗੇਮ ਆਫ ਥ੍ਰੋਨਸ' ਦੇ ਸਟਾਈਲ ਵਿਚ ਫਿਰ ਇਕ ਪੋਸਟਰ ਜਾਰੀ ਕੀਤਾ। ਉਨ੍ਹਾਂ ਨੇ ਟਵੀਟ ਕਰ ਕੇ ਕਿਹਾ,''ਗੇਮ ਓਵਰ''।
— Donald J. Trump (@realDonaldTrump) April 18, 2019
ਇਸ ਪੋਸਟਰ ਵਿਚ ਟਰੰਪ ਨੂੰ ਪਿੱਛਿਓਂ ਦੀ ਦਿਖਾਇਆ ਗਿਆ ਹੈ। ਇਸ ਵਿਚ ਉਹ ਆਪਣਾ ਟਰੇਡਮਾਰਕ ਕਾਲਾ ਓਵਰਕੋਟ ਪਹਿਨੇ ਦਿੱਸ ਰਹੇ ਹਨ। ਪਿੱਠਭੂਮੀ ਵਿਚ ਹਲਕੀ ਧੁੰਦ ਹੈ। ਪੋਸਟਰ ਵਿਚ ਲਿਖਿਆ ਹੈ,''ਕੋਈ ਮਿਲੀਭਗਤ ਨਹੀਂ, ਕੋਈ ਰੁਕਾਵਟ ਨਹੀਂ। ਨਫਰਤ ਕਰਨ ਵਾਲਿਆਂ ਅਤੇ ਕੱਟੜਵਾਦੀ ਖੱਬੇ ਪੱਖੀ ਡੈਮੋਕ੍ਰੇਟਸ ਲਈ ਖੇਲ ਖਤਮ।'' ਇਸ ਤੋਂ ਪਹਿਲਾਂ ਟਰੰਪ ਨੇ ਈਰਾਨ ਵਿਰੁੱਧ ਪਾਬੰਦੀਆਂ ਦੇ ਐਲਾਨ ਵਾਲਾ ਅਜਿਹਾ ਹੀ ਇਕ ਪੋਸਟਰ ਜਾਰੀ ਕੀਤਾ ਸੀ।
