ਅਫਗਾਨਿਸਤਾਨ-ਪਾਕਿ ਸਰਹੱਦ ਫਿਰ ਬਣਿਆ ਦੁਨੀਆ ਦੀ ਨੰਬਰ-1 ਅੱਤਵਾਦੀ ਅੱਡਾ
10/16/2021 9:54:58 PM
ਇਸਲਾਮਾਬਾਦ (ਏ. ਐੱਨ. ਆਈ.) : ਤਾਲਿਬਾਨ ’ਤੇ ਕਬਜ਼ੇ ਤੋਂ ਬਾਅਦ ਅਫਗਾਨਿਸਤਾਨ-ਪਾਕਿਸਤਾਨ ਸਰਹੱਦ ’ਤੇ ਵਿਸ਼ਾਲ ਅਤੇ ਉੱਚਾ-ਨੀਵਾਂ ਇਲਾਕਾ ਫਿਰ ਤੋਂ ਦੁਨੀਆ ਦਾ ਨੰਬਰ ਇਕ ਅੱਤਵਾਦੀ ਅੱਡਾ ਬਣ ਗਿਆ ਹੈ। ਗ੍ਰੀਕ ਸਿਟੀ ਟਾਈਮਸ ਵਿਚ ਇਰਾਕਲਿਸ ਵੋਰੀਡਿਸ ਨੇ ਲਿਖਿਆ ਕਿ ਪਾਕਿਸਤਾਨ ਦੇ ਅੜੀਅਲ ਰਵਈਏ ਨਾਲ ਸਮੱਸਿਆ ਕਈ ਗੁਣਾ ਵਧ ਗਈ ਹੈ ਜੋ ਤਾਲਿਬਾਨ ਦਾ ਜ਼ੋਰਦਾਰ ਸਮਰਥਨ ਕਰ ਰਿਹਾ ਹੈ ਅਤੇ ਮਨੁੱਖੀ ਸੰਕਟ ਅਤੇ ਅਫਗਾਨ ਲੋਕਾਂ ਦੇ ਦੁੱਖ ਦਾ ਹਵਾਲਾ ਦਿੰਦੇ ਵਿਸ਼ਵ ਭਾਈਚਾਰੇ ’ਤੇ ਉਸਨੂੰ ਮਾਨਤਾ ਦੇਣ ਦਾ ਦਬਾਅ ਪੈ ਰਿਹਾ ਹੈ। ਵੋਰੀਡਿਸ ਨੇ ਕਿਹਾ ਕਿ ਅਫਗਾਨਿਸਤਾਨ-ਪਾਕਿਸਤਾਨ ਸਰਹੱਦ ’ਤੇ ਵਿਸ਼ੇਸ਼ ਤੌਰ ’ਤੇ ਸਪਿਨ ਬੋਲਡਕ ਅਤੇ ਕੰਧਾਰ ਵਿਚ ਅਤੇ ਉਸਦੇ ਨੇੜੇ-ਤੇੜੇ ਹਿੰਸਾ ਦੀਆਂ ਖਬਰਾਂ ਨੂੰ ਦਬਾਇਆ ਜਾ ਰਿਹਾ ਹੈ ਕਿਉਂਕਿ ਪ੍ਰੇਸ਼ਾਨ ਅਫਗਾਨ ਦੇਸ਼ ਵਿਚ ਭੱਜਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਵੋਰੀਡਿਸ ਨੇ ਕਿਹਾ ਕਿ ਆਪਣੇ ਘਰ ਵਿਚ ਹੀ ਅੱਤਵਾਦੀਆਂ ਨਾਲ ਨਜਿੱਠਣ ਦਾ ਪਾਕਿਸਤਾਨ ਦਾ ਆਪਣਾ ਹੀ ਰਿਕਾਰਡ ਹੈਰਾਨ ਕਰਨ ਵਾਲਾ ਅਤੇ ਅਜੀਬੋ-ਗਰੀਬ ਹੈ।
ਉਨ੍ਹਾਂ ਨਾਲ ਲੜਨ ਅਤੇ ਉਨ੍ਹਾਂ ’ਤੇ ਰੋਕ ਲਗਾਉਣ ਦੀ ਥਾਂ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਸਰਕਾਰ ਉਨ੍ਹਾਂ ਨੂੰ ਖੁਸ਼ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਘਰੇਲੂ ਸਮੂਹਾਂ ਵਿਚੋਂ ਉਸਨੇ ਤਹਿਰੀਕ-ਏ-ਲਬੈਕ ਪਾਕਿਸਤਾਨ (ਟੀ. ਐੱਲ. ਪੀ.) ’ਤੇ ਪਾਬੰਦੀ ਲਗਾ ਦਿੱਤੀ ਹੈ ਪਰ ਨਾਲ ਹੀ ਸਮਝੌਤਾ ਕਰ ਕੇ ਟੀ. ਐੱਲ. ਪੀ. ਦੇ ਨੌਜਵਾਨ ਪ੍ਰਮੁੱਖ ਹਫੀਜ ਸਾਦ ਰਿਜਵੀ ਨੂੰ ਰਿਹਾਅ ਕੀਤਾ ਗਿਆ ਪਰ ਹੁਣ ਉਸਨੂੰ ਬੰਦੀ ਬਣਾਉਣ ਲਈ ਸੰਘਰਸ਼ ਕਰਨਾ ਪੈ ਰਿਹਾ ਹੈ। ਸਭ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀ. ਟੀ. ਪੀ.) ਦੇ ਅੱਤਵਾਦੀਆਂ ਨੂੰ ਫੜ੍ਹਨ ਲਈ ਫੌਜ ਦੀ ਮੁਹਿੰਮ ਨੋ-ਮੈਨਸ ਕਬਾਇਲੀ ਜ਼ਮੀਨ ਪਾਰ ਕਰ ਗਿਆ ਹੈ ਜਿਥੋਂ ਅੱਤਵਾਦੀ ਪਾਕਿਸਤਾਨ ’ਤੇ ਹਮਲੇ ਕਰ ਰਹੇ ਹਨ। ਤਾਲਿਬਾਨ ਦੋਨੋਂ ਸਮੂਹ ਅਫਗਾਨ ਅਤੇ ਟੀ. ਟੀ. ਪੀ. ਵੈਚਾਰਿਕ ਰੂਪ ਨਾਲ ਨੇੜੇ ਹਨ ਅਤੇ ਸਹਿਯੋਗੀ ਹਨ। ਤਾਲਿਬਾਨ ਟੀ. ਟੀ. ਪੀ. ਨੂੰ ਲੈਕੇ ਪਾਕਿਸਤਾਨ ਨਾਲ ਸਹਿਯੋਗ ਨਹੀਂ ਕਰ ਰਿਹਾ ਹੈ।
