ਨੌਜਵਾਨ ਨੇ ਹੈਲੀਕਾਪਟਰ ਥੱਲੇ ਬਾਈਕ ਚਲਾਉਣ ਦਾ ਕੀਤਾ ਸਟੰਟ, ਵੀਡੀਓ ਵਾਇਰਲ
Tuesday, Dec 19, 2017 - 11:42 AM (IST)
ਇਸਲਾਮਾਬਾਦ (ਬਿਊਰੋ)— ਆਮਤੌਰ 'ਤੇ ਮੋਟਰਸਾਈਕਲ ਅਤੇ ਹੈਲੀਕਾਪਟਰ ਨਾਲ ਕੀਤੇ ਜਾਣ ਵਾਲੇ ਸਟੰਟ ਫਿਲਮਾਂ ਵਿਚ ਹੀ ਦੇਖਣ ਨੂੰ ਮਿਲਦੇ ਹਨ। ਹਾਲ ਵਿਚ ਹੀ ਪਾਕਿਸਤਾਨ ਦੇ ਇਕ ਨੌਜਵਾਨ ਨੇ ਹੈਲੀਕਾਪਟਰ ਥੱਲੇ ਬਾਈਕ ਚਲਾਉਣ ਦਾ ਸਟੰਟ ਕੀਤਾ ਹੈ। ਇਸ ਸੰਬੰਧੀ ਨੌਜਵਾਨ ਦਾ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ।
ਪਾਕਿਸਤਾਨ ਦੇ ਰਹਿਣ ਵਾਲੇ 32 ਸਾਲਾ ਸੁਮੈਲ ਬੁਖਾਰੀ ਨੇ ਅਚਾਨਕ ਹੀ ਹੈਲੀਕਾਪਟਰ ਨੂੰ ਦੇਖਦੇ ਹੋਏ ਸੰਟਟ ਕਰਨ ਦਾ ਫੈਸਲਾ ਲਿਆ। ਇਹ ਹੈਲੀਕਾਪਟਰ ਜ਼ਮੀਨ ਤੋਂ ਕਾਫੀ ਥੱਲੇ ਉੱਡ ਰਿਹਾ ਸੀ।
ਸ਼ੁਮੈਲ ਗਵਾਦਰ ਵੱਲ ਆਪਣੀ ਬਾਈਕ ਚਲਾ ਰਹੇ ਸਨ। ਇਸੇ ਦੌਰਾਨ ਉੱਥੋਂ ਦੀ 9 ਫੁੱਟ ਉੱਪਰ ਉੱਡ ਰਹੇ ਹੈਲੀਕਾਪਟਰ ਨੂੰ ਦੇਖ ਕੇ ਉਨ੍ਹਾਂ ਨੇ ਉਸ ਦੇ ਥੱਲੇ ਆਪਣੀ ਬਾਈਕ ਦੌੜਾਉਣ ਦੀ ਸੋਚੀ। ਵੀਡੀਓ ਵਿਚ ਸ਼ੁਮੈਲ ਲਾਲ ਅਤੇ ਸਫੇਦ ਰੰਗ ਦੇ ਹੈਲਮੇਟ ਵਿਚ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਨੇ ਬਾਈਕ ਵਿਚ ਲੱਗੇ ਕੈਮਰੇ ਨਾਲ ਪੂਰਾ ਵੀਡੀਓ ਬਣਾਇਆ ਹੈ।
ਵੀਡੀਓ ਵਿਚ ਦਿਖਾਈ ਦੇ ਰਿਹਾ ਹੈ ਕਿ ਜਿਸ ਸਮੇਂ ਸ਼ੁਮੈਲ ਬਾਈਕ ਚਲਾ ਰਹੇ ਸਨ, ਉਸ ਸਮੇਂ ਹੈਲੀਕਾਪਟਰ ਉਨ੍ਹਾਂ ਤੋਂ ਕੁਝ ਇੰਚ ਹੀ ਉੱਪਰ ਉੱਡ ਰਿਹਾ ਸੀ। ਸ਼ੁਮੈਲ ਦੇ ਇਸ਼ ਵੀਡੀਓ ਨੂੰ ਇੰਟਰਨੈੱਟ 'ਤੇ ਸ਼ੇਅਰ ਅਤੇ ਲਾਈਕ ਕੀਤਾ ਜਾ ਰਿਹਾ ਹੈ।
