ਯੂਕ੍ਰੇਨ ਲਈ ਸਵਿਟਜ਼ਰਲੈਂਡ ’ਚ ਇਕ ਮੰਚ ’ਤੇ ਆਏ ਦੁਨੀਆ ਦੇ 80 ਦੇਸ਼, ਰੱਖਿਆ ਇਹ ਪ੍ਰਸਤਾਵ

ਓਬਬੁਰਗੇਨ (ਭਾਸ਼ਾ) : ਸਵਿਸ ਸੰਮੇਲਨ ਵਿਚ ਦੁਨੀਆ ਦੇ 80 ਦੇਸ਼ਾਂ ਨੇ ਸੰਯੁਕਤ ਰੂਪ ਵਿਚ ਐਲਾਨ ਕੀਤਾ ਹੈ ਕਿ ਰੂਸ-ਯੂਕ੍ਰੇਨ ਲੜਾਈ ਨੂੰ ਖ਼ਤਮ ਕਰਨ ਲਈ ਕਿਸੇ ਵੀ ਸ਼ਾਂਤੀ ਸਮਝੌਤੇ ਲਈ ਯੂਕ੍ਰੇਨ ਦੀ ‘ਖੇਤਰੀ ਅਖੰਡਤਾ’ ਨੂੰ ਆਧਾਰ ਬਣਾਇਆ ਜਾਵੇ , ਹਾਲਾਂਕਿ ਸੰਮੇਲਨ ਵਿਚ ਕੁੱਝ ਪ੍ਰਮੁੱਖ ਵਿਕਾਸਸ਼ੀਲ ਦੇਸ਼ ਸ਼ਾਮਲ ਨਹੀਂ ਹੋਏ।

ਸਵਿਟਜ਼ਰਲੈਂਡ ਦੇ ਬਰਗੇਨਸਟਾਕ ਰਿਜ਼ਾਰਟ ਵਿਚ 2 ਦਿਨਾ ਸੰਮੇਲਨ ਚੱਲ ਰਿਹਾ ਹੈ । ਹਾਲਾਂਕਿ ਇਸ ਵਿਚ ਰੂਸ ਮੌਜੂਦ ਨਹੀਂ ਸੀ। ਰੂਸ ਨੂੰ ਸੰਮੇਲਨ ਵਿਚ ਸੱਦਿਆ ਵੀ ਨਹੀਂ ਗਿਆ ਸੀ ਪਰ ਹਾਜ਼ਰ ਕਈ ਲੋਕਾਂ ਨੇ ਆਸ ਜਤਾਈ ਕਿ ਉਹ ਸ਼ਾਂਤੀ ਦੇ ਰੋਡਮੈਪ ’ਤੇ ਸ਼ਾਮਲ ਹੋ ਸਕਦਾ ਹੈ।

ਐਤਵਾਰ ਵੱਖ-ਵੱਖ ਦੇਸ਼ਾਂ ਨੇ ਇਸ ਗੱਲ ’ਤੇ ਗੱਲਬਾਤ ਫਿਰ ਸ਼ੁਰੂ ਕੀਤੀ ਕਿ ਰੂਸ ਦੇ 2 ਸਾਲ ਦੇ ਯੁੱਧ ਕਾਰਨ ਯੂਕ੍ਰੇਨ ਵਲੋਂ ਪ੍ਰਮਾਣੁ ਸੁਰੱਖਿਆ, ਕੈਦੀਆਂ ਦੇ ਅਾਦਾਨ-ਪ੍ਰਦਾਨ ਅਤੇ ਖਾਦ ਨਿਰਧਾਰਤ ਮੁੱਦਿਆਂ ਨੂੰ ਕਿਵੇਂ ਸੁਲਝਾਇਆ ਜਾਵੇ।

ਇਹ ਵੀ ਪੜ੍ਹੋ :     'ਕੇਂਦਰ ਨਾਲ ਖ਼ਤਮ ਕਰਾਂਗਾ ਪੰਜਾਬੀਆਂ ਦੀ ਕੁੜੱਤਣ ਤੇ ਅੱਗੇ ਰੱਖਿਆ ਜਾਵੇਗਾ ਪੰਜਾਬ ਦਾ ਹਰ ਮੁੱਦਾ'

ਕਈ ਪੱਛਮੀ ਦੇਸ਼ਾਂ ਤੇ ਇਕਵਾਡੋਰ, ਸੋਮਾਲੀਆ ਅਤੇ ਕੀਨੀਆ ਸਮੇਤ ਹੋਰ ਦੇਸ਼ਾਂ ਦੇ ਨੇਤਾ ਬਰਗੇਨਸਟਾਕ ਦੇ ਸਵਿਸ ਰਿਜ਼ਾਰਟ ਵਿਚ ਮਿਲੇ, ਤਾਂ ਕਿ ਯੁਕ੍ਰੇਨ ਵਿਚ ਸ਼ਾਂਤੀ ਕਿਵੇਂ ਦਿਖ ਸਕਦੀ ਹੈ। ਕਈਆਂ ਨੂੰ ਉਮੀਦ ਹੈ ਕਿ ਰੂਸ ਇਕ ਦਿਨ ਇਸ ਵਿਚ ਸ਼ਾਮਲ ਹੋ ਜਾਵੇਗਾ ਪਰ ਕਹਿੰਦੇ ਹਨ ਕਿ ਉਸਨੂੰ ਯੂਕ੍ਰੇਨ ਦੇ ਖੇਤਰ ਦਾ ਸਨਮਾਨ ਕਰਨ ਲਈ ਸਹਿਮਤ ਹੋਣ ਦੀ ਜ਼ਰੂਰਤ ਹੈ, ਜਿਸਦਾ ਇਕ-ਚੌਥਾਈ ਹਿੱਸਾ ਉਸ ਦੇ ਕਬਜ਼ੇ ਵਿਚ ਹੈ।

ਦੋ ਰੋਜ਼ਾ ਸੰਮੇਲਨ ’ਚ ਰੱਖਿਆ ਸ਼ਾਂਤੀ ਪ੍ਰਸਤਾਵ

ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਸਾਈਮਨ ਹੈਰਿਸ ਨੇ ਕਿਹਾ ਕਿ ਜੇਕਰ ਅਸੀਂ ਇਕ ਵਿਸ਼ਵਵਿਆਪੀ ਵਿਵਸਥਾ ਵੱਲ ਮੁੜਦੇ ਹਾਂ, ਜਿੱਥੇ ਸੰਗਠਨ ਦਾ ਸਿਧਾਂਤ ‘ਸ਼ਕਤੀ ਹਾ ਅਧਿਕਾਰ ਹੈ’ ਹੈ, ਤਾਂ ਅਸੀਂ ਅੱਜ ਆਜ਼ਾਦ ਰਾਸ਼ਟਰਾਂ ਵਜੋਂ ਜੋ ਆਜ਼ਾਦੀ ਮਾਣ ਰਹੇ ਹਾਂ, ਉਹ ਗੰਭੀਰ ਖ਼ਤਰੇ ਵਿਚ ਪੈ ਜਾਵੇਗੀ। ਇਹ ਇਕ ਹੋਂਦ ਦਾ ਮੁੱਦਾ ਹੈ।

ਇਹ ਵੀ ਪੜ੍ਹੋ :   ਲਸ਼ਕਰ-ਏ-ਤੋਇਬਾ ਨੇ ਅੰਬਾਲਾ ਰੇਲਵੇ ਪੁਲਸ ਨੂੰ ਭੇਜੀ ਧਮਕੀ ਭਰੀ ਚਿੱਠੀ,  ਧਾਰਮਿਕ ਸਥਾਨਾਂ ਨੂੰ ਉਡਾਉਣ ਦੀ ਧਮਕੀ

ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਦੋ ਦਿਨਾ ਸੰਮੇਲਨ ਦਾ ਯੁੱਧ ਨੂੰ ਖਤਮ ਕਰਨ ਲਈ ਸ਼ਾਇਦ ਹੀ ਕੋਈ ਠੋਸ ਪ੍ਰਭਾਵ ਹੋਵੇਗਾ ਕਿਉਂਕਿ ਇਸ ਦੀ ਅਗਵਾਈ ਕਰਨ ਵਾਲੇ ਅਤੇ ਇਸ ਨੂੰ ਕਾਇਮ ਰੱਖਣ ਵਾਲੇ ਦੇਸ਼ ਰੂਸ ਨੂੰ ਸੱਦਾ ਨਹੀਂ ਦਿੱਤਾ ਗਿਆ ਹੈ। ਇਸ ਦਾ ਮੁੱਖ ਸਹਿਯੋਗੀ ਚੀਨ ਸ਼ਾਮਲ ਨਹੀਂ ਹੋਇਆ।

ਬ੍ਰਾਜ਼ੀਲ, ਜੋ ਕਿ ਇਕ ਨਿਗਰਾਨ ਵਜੋਂ ਮੀਟਿੰਗ ਵਿਚ ਮੌਜੂਦ ਸੀ, ਨੇ ਸਾਂਝੇ ਤੌਰ ’ਤੇ ਸ਼ਾਂਤੀ ਵੱਲ ਬਦਲਵੇਂ ਮਾਰਗਾਂ ਦੀ ਖੋਜ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।

ਇਟਲੀ ਦੀ ਪ੍ਰਧਾਨ ਮੰਤਰੀ ਜਾਰਜੀਆ ਮੇਲੋਨੀ ਨੇ ਇਸ ਮੌਕੇ ਕਿਹਾ ਕਿ ਰੂਸ ਨਾਲ ਗੱਲਬਾਤ ਲਈ ਇਹ ਘੱਟੋ-ਘੱਟ ਸ਼ਰਤਾਂ ਸਨ, ਜੋ ਇਸ ਗੱਲ ਦਾ ਸੰਕੇਤ ਹਨ ਕਿ ਕੀਵ ਅਤੇ ਮਾਸਕੋ ਵਿਚਕਾਰ ਅਸਹਿਮਤੀ ਦੇ ਹੋਰ ਕਿੰਨੇ ਖੇਤਰਾਂ ਨੂੰ ਦੂਰ ਕਰਨਾ ਮੁਸ਼ਕਲ ਹੋਵੇਗਾ।

ਬੱਚਿਆਂ ਨੂੰ ਦੇਸ਼ ਨਿਕਾਲਾ ਦੇਣ ’ਤੇ ਜਤਾਈ ਚਿੰਤਾ

ਕਤਰ ਦੇ ਪ੍ਰਧਾਨ ਮੰਤਰੀ ਸ਼ੇਖ ਮੁਹੰਮਦ ਬਿਨ ਅਬਦੁੱਲਰਹਿਮਾਨ ਅਲ ਥਾਨੀ ਨੇ ਇਕ ਦਿਨ ਪਹਿਲਾਂ ਦੱਸਿਆ ਕਿ ਕਿਵੇਂ ਉਨ੍ਹਾਂ ਦੇ ਅਮੀਰ ਖਾੜੀ ਦੇਸ਼ ਨੇ ਯੂਕ੍ਰੇਨੀ ਬੱਚਿਆਂ ਨੂੰ ਉਨ੍ਹਾਂ ਦੇ ਪਰਿਵਾਰਾਂ ਨਾਲ ਦੁਬਾਰਾ ਮਿਲਾਉਣ ਲਈ ਯੂਕ੍ਰੇਨੀ ਅਤੇ ਰੂਸੀ ਪ੍ਰਤੀਨਿਧੀਆਂ ਨਾਲ ਗੱਲਬਾਤ ਕੀਤੀ, ਜਿਸ ਦੇ ਨਤੀਜੇ ਵਜੋਂ ਹੁਣ ਤਕ 34 ਬੱਚਿਆਂ ਨੂੰ ਦੁਬਾਰਾ ਮਿਲਾਇਆ ਜਾ ਚੁੱਕਾ ਹੈ।

ਇਹ ਵੀ ਪੜ੍ਹੋ :      ਹੁਣ ਨਹੀਂ ਲੱਗੇਗਾ ਮੋਟਾ ਜੁਰਮਾਨਾ, ਪੈਨਸ਼ਨ, PF ਤੇ ਬੀਮਾ ਸਕੀਮ ਨੂੰ ਲੈ ਕੇ EPFO ਨੇ ਬਦਲਿਆ ਨਿਯਮ

ਵ੍ਹਾਈਟ ਹਾਊਸ ਦੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜੇਕ ਸੁਲਿਵਨ ਨੇ ਕਿਹਾ ਕਿ ਇਸ ਲਈ ਕੰਮ ਕਰਨਾ ਪਵੇਗਾ ਅਤੇ ਕਤਰ ਵਰਗੇ ਦੇਸ਼ਾਂ ਦੀਆਂ ਕੋਸ਼ਿਸ਼ਾਂ ਨੂੰ ਅੱਗੇ ਵਧਾਉਣ ਲਈ ਦੇਸ਼ਾਂ ਨੂੰ ਅੱਗੇ ਆਉਣਾ ਪਵੇਗਾ।

ਯੂਕ੍ਰੇਨ ਸਰਕਾਰ ਦਾ ਮੰਨਣਾ ਹੈ ਕਿ 19,546 ਬੱਚਿਆਂ ਨੂੰ ਦੇਸ਼ ਨਿਕਾਲਾ ਦਿੱਤਾ ਗਿਆ ਹੈ ਜਾਂ ਜ਼ਬਰਦਸਤੀ ਕੱਢਿਆ ਗਿਆ ਹੈ ਅਤੇ ਰੂਸੀ ਬਾਲ ਅਧਿਕਾਰ ਕਮਿਸ਼ਨਰ ਮਾਰੀਆ ਲਵੋਵਾ-ਬੇਲੋਵਾ ਨੇ ਪਹਿਲਾਂ ਪੁਸ਼ਟੀ ਕੀਤੀ ਸੀ ਕਿ ਘੱਟੋ-ਘੱਟ 2,000 ਬੱਚਿਆਂ ਨੂੰ ਯੂਕ੍ਰੇਨੀ ਅਨਾਥ ਆਸ਼ਰਮਾਂ ਤੋਂ ਲਿਆ ਗਿਆ ਸੀ।

ਯੂਕ੍ਰੇਨ ਦੇ ਦਬਾਅ ’ਚ ਨਹੀਂ ਆਇਆ ਭਾਰਤ, ਸਵਿਟਜ਼ਰਲੈਂਡ ਸ਼ਾਂਤੀ ਸੰਮੇਲਨ ਦੇ ਸਾਂਝੇ ਬਿਆਨ ’ਚੋਂ ਬਾਹਰ

ਯੂਕ੍ਰੇਨ ਯੁੱਧ ਸਬੰਧੀ ਸਵਿਟਜ਼ਰਲੈਂਡ ਵਿਚ ਹੋਏ ਅੰਤਰਰਾਸ਼ਟਰੀ ਸ਼ਾਂਤੀ ਸੰਮੇਲਨ ਵਿਚ ਭਾਰਤ ਇਕ ਵਾਰ ਫਿਰ ਯੂਕ੍ਰੇਨ ਦੇ ਦਬਾਅ ’ਚ ਨਹੀਂ ਆਇਆ। ਭਾਰਤ ਨੇ ਆਪਣੇ ਪੁਰਾਣੇ ਦੋਸਤ ਰੂਸ ਦਾ ਸਮਰਥਨ ਕਰਦਿਆਂ ਸ਼ਾਂਤੀ ਸੰਮੇਲਨ ਦੇ ਸਾਂਝੇ ਬਿਆਨ ਤੋਂ ਖੁਦ ਨੂੰ ਬਾਹਰ ਕਰ ਲਿਆ ਹੈ। ਸਵਿਸ ਸਰਕਾਰ ਨੇ ਵੀ ਐਤਵਾਰ ਕਿਹਾ ਕਿ ਭਾਰਤ ਨੇ ਸਾਂਝੇ ਬਿਆਨ ’ਤੇ ਦਸਤਖਤ ਨਹੀਂ ਕੀਤੇ ਹਨ।

ਸਿਖਰ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਵਿਦੇਸ਼ ਮੰਤਰਾਲੇ ਦੇ ਸਕੱਤਰ (ਪੱਛਮੀ) ਪਵਨ ਕਪੂਰ ਨੇ ਯੁੱਧ ਸਬੰਧੀ ਭਾਰਤ ਦੇ ਰੁਖ ’ਤੇ ਜ਼ੋਰ ਦਿੰਦਿਆਂ ਕਿਹਾ ਕਿ ਸਾਡੇ ਵਿਚਾਰ ਵਿਚ ਸਿਰਫ ਉਹ ਬਦਲ ਹਨ, ਜੋ ਸਥਾਈ ਸ਼ਾਂਤੀ ਦਾ ਕਾਰਨ ਬਣ ਸਕਦੇ ਹਨ, ਜੋ ਦੋਵਾਂ ਧਿਰਾਂ ਨੂੰ ਸਵੀਕਾਰਯੋਗ ਹਨ।

ਇਸ ਦ੍ਰਿਸ਼ਟੀਕੋਣ ਅਨੁਸਾਰ, ਅਸੀਂ ਸੰਯੁਕਤ ਸੰਚਾਰ ਜਾਂ ਇਸ ਸੰਮੇਲਨ ਤੋਂ ਨਿਕਲਣ ਵਾਲੇ ਕਿਸੇ ਹੋਰ ਦਸਤਾਵੇਜ਼ ਨਾਲ ਜੁੜਨ ਤੋਂ ਗੁਰੇਜ਼ ਕਰਨ ਦਾ ਫੈਸਲਾ ਕੀਤਾ ਹੈ।

ਇਹ ਵੀ ਪੜ੍ਹੋ :    ਹੁਣ ਮੋਬਾਈਲ ’ਤੇ ਦਿਖੇਗਾ ਹਰ ਕਾਲਰ ਦਾ ਨਾਂ, ਇਨ੍ਹਾਂ ਸ਼ਹਿਰਾਂ 'ਚ ਸ਼ੁਰੂ ਹੋਈ ਕਾਲਰ ID ਡਿਸਪਲੇਅ ਸਰਵਿਸ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8