LGBTQ ਲਈ ਸਮਰਥਨ ਦਿਖਾਉਣ ਵਾਲੇ ਕੱਪੜੇ ਪਹਿਨਣ ਲਈ 70 ਸਾਲਾ ਭਾਰਤੀ ਨੂੰ ਜੁਰਮਾਨਾ

ਸਿੰਗਾਪੁਰ (ਭਾਸ਼ਾ)- ਮਲੇਸ਼ੀਆ ਦੀ ਇਕ ਅਦਾਲਤ ਨੇ ਸੋਮਵਾਰ ਨੂੰ ਇਕ 70 ਸਾਲਾ ਭਾਰਤੀ ਵਿਅਕਤੀ ਨੂੰ ਅਸ਼ਲੀਲਤਾ ਦੇ ਦੋਸ਼ ਵਿਚ 1,000 ਅਮਰੀਕੀ ਡਾਲਰ ਤੋਂ ਵੱਧ ਦਾ ਜੁਰਮਾਨਾ ਲਗਾਇਆ ਹੈ। ਉਸਨੇ LGBTQ ਕਮਿਊਨਿਟੀ ਲਈ ਸਮਰਥਨ ਦਿਖਾਉਣ ਵਾਲੇ ਕੱਪੜੇ ਪਹਿਨ ਕੇ ਸੇਰੇਬ੍ਰਲ ਪਾਲਸੀ (ਦਿਮਾਗ ਦਾ ਲਕਵਾ) ਤੋਂ ਪੀੜਤ ਬੱਚਿਆਂ ਲਈ ਫੰਡ ਇਕੱਠਾ ਕਰਨ ਲਈ ਇੱਕ ਸਮਾਗਮ ਵਿੱਚ ਹਿੱਸਾ ਲਿਆ ਸੀ। ਸਤਿਆਨਾਰਾਇਣ ਪ੍ਰਸਾਦ ਪਾਪੋਲੀ ਅਤੇ  ਤਾਈਵਾਨ ਦੇ 66 ਸਾਲਾ ਆਰਥਰ ਵਾਂਗ ਨੂੰ ਜੋਹੋਰ ਦੇ 'ਸਪਾਸਟਿਕ ਚਿਲਡਰਨ ਐਸੋਸੀਏਸ਼ਨ' ਲਈ ਫੰਡ ਇਕੱਠਾ ਕਰਨ ਲਈ ਆਯੋਜਿਤ ਦੌੜ ਵਿੱਚ ਅਣਉਚਿਤ ਪਹਿਰਾਵਾ ਪਹਿਨਣ ਲਈ 1,168 ਅਮਰੀਕੀ ਡਾਲਰ ਦਾ ਜੁਰਮਾਨਾ ਲਗਾਇਆ ਗਿਆ।

ਇਹ ਵੀ ਪੜ੍ਹੋ: ਹੈਰਾਨੀਜਨਕ; 48 ਸਾਲ ਪਹਿਲਾਂ ਨੌਕਰੀ ਲਈ ਕੀਤਾ ਸੀ ਅਪਲਾਈ, ਹੁਣ ਮਿਲਿਆ ਜਵਾਬ

ਸਾਬਕਾ ਵਕੀਲ ਪਾਪੋਲੀ ਨੇ ਮੁਆਫੀ ਮੰਗੀ ਅਤੇ ਜੁਰਮਾਨਾ ਘਟਾਉਣ ਦੀ ਬੇਨਤੀ ਕੀਤੀ। ਉਸਨੇ ਅੱਗੇ ਬੇਨਤੀ ਕੀਤੀ ਕਿ ਜੁਰਮਾਨੇ ਨੂੰ ਇਸ ਆਧਾਰ 'ਤੇ ਘਟਾਇਆ ਜਾਵੇ ਕਿ ਉਹ ਪਹਿਲਾਂ ਤੋਂ ਹੀ 70 ਸਾਲ ਦਾ ਹੈ, ਉਸਦੀ ਪਤਨੀ ਇੱਕ ਡਾਕਟਰ ਹੈ ਅਤੇ ਉਹ ਇੱਥੇ ਇੱਕ ਚੈਰਿਟੀ ਸਮਾਗਮ ਵਿੱਚ ਹਿੱਸਾ ਲੈਣ ਲਈ ਆਇਆ ਹੈ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਮਲੇਸ਼ੀਆ ਵਿੱਚ LGBTQ ਗਤੀਵਿਧੀਆਂ ਨੂੰ ਅਸਵੀਕਾਰ ਕਰ ਦਿੱਤਾ ਗਿਆ ਹੈ। ਪਾਪੋਲੀ ਅਤੇ ਵਾਂਗ ਨੇ ਜੋਹੋਰ ਦੀ ਅਦਾਲਤ ਵਿੱਚ ਜਨਤਕ ਤੌਰ 'ਤੇ ਅਸ਼ਲੀਲ ਹਰਕਤ ਕਰਨ ਦੇ ਦੋਸ਼ਾਂ ਨੂੰ ਸਵੀਕਾਰ ਕੀਤਾ। ਇਸ ਤਹਿਤ ਦੋਸ਼ੀ ਪਾਏ ਜਾਣ 'ਤੇ ਵੱਧ ਤੋਂ ਵੱਧ ਤਿੰਨ ਮਹੀਨੇ ਦੀ ਕੈਦ ਜਾਂ ਜੁਰਮਾਨਾ ਜਾਂ ਦੋਵਾਂ ਦੀ ਵਿਵਸਥਾ ਹੈ। ਉਸ ਨੂੰ ਸ਼ਨੀਵਾਰ ਨੂੰ ਇੱਕ ਹੋਰ ਸਥਾਨਕ ਪ੍ਰਤੀਭਾਗੀ ਦੇ ਨਾਲ ਦੌੜ  ਦੌਰਾਨ ਸ਼ੱਕੀ ਅਸ਼ਲੀਲ ਵਿਵਹਾਰ ਲਈ ਇੱਕ ਹੋਟਲ ਵਿੱਚ ਹਿਰਾਸਤ ਵਿੱਚ ਲਿਆ ਗਿਆ ਸੀ।

ਇਹ ਵੀ ਪੜ੍ਹੋ: ਪਾਕਿ ਦੀ ਪੰਜਾਬ ਸਰਕਾਰ ਦਾ ਵੱਡਾ ਫੈਸਲਾ; ਪਤਨੀ, ਵਕੀਲ ਤੇ ਪਾਰਟੀ ਨੇਤਾਵਾਂ ਨੂੰ ਨਹੀਂ ਮਿਲ ਸਕਣਗੇ ਇਮਰਾਨ

ਵਾਂਗ (ਜੋ ਇੱਕ ਸੇਵਾਮੁਕਤ ਅਤੇ ਕਾਰਕੁਨ ਹੈ) ਨੇ ਇਸ ਆਧਾਰ 'ਤੇ ਸਜ਼ਾ ਘਟਾਉਣ ਦੀ ਅਪੀਲ ਕੀਤੀ ਕਿ ਉਹ ਦੇਸ਼ ਦੇ ਸੱਭਿਆਚਾਰ ਤੋਂ ਜਾਣੂ ਨਹੀਂ ਸੀ ਅਤੇ ਪੂਰੀ ਤਰ੍ਹਾਂ ਨਹੀਂ ਸਮਝਦਾ ਸੀ। ਉਸ ਨੇ ਕਿਹਾ, "ਮੈਂ ਇਸ ਗਲਤੀ ਲਈ ਮਲੇਸ਼ੀਆ ਦੀ ਸਰਕਾਰ ਅਤੇ ਲੋਕਾਂ ਤੋਂ ਮੁਆਫੀ ਮੰਗਦਾ ਹਾਂ, ਜਿਸ ਨਾਲ ਦੇਸ਼ ਦੇ ਲੋਕਾਂ ਨੂੰ ਠੇਸ ਪਹੁੰਚੀ ਹੈ ਅਤੇ ਵਾਅਦਾ ਕਰਦਾ ਹਾਂ ਕਿ ਮੈਂ ਅਜਿਹੀ ਗਲਤੀ ਦੁਬਾਰਾ ਨਹੀਂ ਕਰਾਂਗਾ।"

ਇਹ ਵੀ ਪੜ੍ਹੋ: ਅਹੁਦਾ ਸੰਭਾਲਣ ਤੋਂ 6 ਦਿਨਾਂ ਬਾਅਦ ਮੇਅਰ ਦਾ ਕਤਲ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8