ਸ਼ਖਸ ਨੇ ਘਰ ਦੀ ਛੱਤ 'ਤੇ ਬਣਾ ਦਿੱਤਾ ਐਫਿਲ ਟਾਵਰ, ਤਸਵੀਰਾਂ ਅਤੇ ਵੀਡੀਓ

ਹਵਾਨਾ (ਬਿਊਰੋ): ਕਿਊਬਾ ਦੀ ਰਾਜਧਾਨੀ ਹਵਾਨਾ ਵਿਚ ਇਕ ਅਨੋਖਾ ਨਜ਼ਾਰਾ ਦੇਖਣ ਲਈ ਮਿਲਿਆ। ਇੱਥੇ ਇਕ ਸ਼ਖਸ ਨੇ ਆਪਣੇ ਬੇਟੇ ਦੇ ਵਾਈ-ਫਾਈ ਸਿਗਨਲ ਦੀ ਸਮੱਸਿਆ ਦਾ ਹੱਲ ਕਰਨ ਦੌਰਾਨ ਘਰ ਦੀ ਛੱਤ 'ਤੇ ਹੀ ਐਫਿਲ ਟਾਵਰ ਬਣਾ ਦਿੱਤਾ। 52 ਸਾਲਾ ਸ਼ਖਸ ਐਨਰਿਕ ਸੈਲਗੋਡੋ ਦੇ ਬੇਟੇ ਨੇ ਉਹਨਾਂ ਨੂੰ ਵਾਈ-ਫਾਈ ਸਿਗਨਲ ਦੀ ਸਮੱਸਿਆ ਦੇ ਲਈ ਐਂਟੀਨਾ ਬਣਾਉਣ ਲਈ ਕਿਹਾ ਸੀ ਪਰ ਉਹਨਾਂ ਨੇ ਘਰ ਦੀ ਛੱਤ 'ਤੇ 13 ਫੁੱਟ ਲੰਬਾ ਐਫਿਲ ਟਾਵਰ ਬਣਾ ਦਿੱਤਾ।

ਐਨਰਿਕ ਸੈਲਗੋਡੋ ਦੇ ਇਸ ਕੰਮ ਨੂੰ ਦੇਖ ਕੇ ਲੋਕ ਹੈਰਾਨ ਹਨ। ਸੋਸ਼ਲ ਮੀਡੀਆ 'ਤੇ ਲੋਕ ਉਸ ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਸੈਲਗੋਡੋ ਪੇਸ਼ੇ ਤੋਂ ਅਕਾਊਂਟੈਟ ਹਨ ਪਰ ਲੋਹੇ ਦਾ ਇਹ ਕੰਮ ਉਹਨਾਂ ਨੇ ਆਪਣੇ ਪਿਤਾ ਤੋਂ ਸਿੱਖਿਆ ਸੀ। ਕਿਊਬਾ ਦੀ ਸਥਾਨਕ ਮੀਡੀਆ ਦੇ ਮੁਤਾਬਕ ਉਹ ਕਦੇ ਪੈਰਿਸ ਨਹੀਂ ਗਏ। ਉਹਨਾਂ ਨੇ ਐਫਿਲ ਟਾਵਰ ਨੂੰ ਸਿਰਫ ਫਿਲਮਾਂ ਅਤੇ ਤਸਵੀਰਾਂ ਵਿਚ ਦੇਖਿਆ ਸੀ। ਸੈਲਗੋਡੋ ਦੇ ਬੇਟੇ ਨੇ ਜਦੋਂ ਵਾਈ-ਫਾਈ ਐਂਟੀਨਾ ਬਣਾਉਣ ਲਈ ਕਿਹਾ ਉਦੋਂ ਉਹਨਾਂ ਦੇ ਮਨ ਵਿਚ ਇਹ ਖਿਆਲ ਆਇਆ ਕਿ ਕਿਉਂ ਨਾ ਐਫਿਲ ਟਾਵਰ ਹੀ ਬਣਾਇਆ ਜਾਵੇ, ਜਿਸ ਦੀ ਵਰਤੋਂ ਐਂਟੀਨਾ ਦੀ ਤਰ੍ਹਾਂ ਕੀਤੀ ਜਾ ਸਕਦੀ ਹੋਵੇ। 

Havana gets its own Eiffel Tower thanks to Cuban blacksmith Jorge Enrique Salgado, who created a 13-foot-high replica of the famous monument based on plans, models, photos and other details via the internet https://t.co/O6FPIzdiSX pic.twitter.com/aQ7cEECTzq

— Reuters (@Reuters) August 11, 2020

ਭਾਵੇਂਕਿ ਜਦੋਂ ਉਹਨਾਂ ਨੇ ਉਸ ਨੂੰ ਪੂਰਾ ਬਣਾ ਲਿਆ ਤਾਂ ਆਪਣਾ ਇਰਾਦਾ ਬਦਲ ਦਿੱਤਾ। ਕਿਉਂਕਿ ਉਹਨਾਂ ਨੂੰ ਲੱਗਦਾ ਸੀ ਕਿ ਟਾਵਰ ਨੂੰ ਐਂਟੀਨਾ ਦੀ ਤਰ੍ਹਾਂ ਵਰਤਣ 'ਤੇ ਉਸ ਦੀ ਖੂਬਸੂਰਤੀ ਖਤਮ ਹੋ ਜਾਵੇਗੀ ਅਤੇ ਉਹਨਾਂ ਦੀ ਮਹੀਨਿਆਂ ਦੀ ਮਿਹਨਤ ਵੀ ਬੇਕਾਰ ਚਲੀ ਜਾਵੇਗੀ। ਇਸ ਟਾਵਰ ਨੂੰ ਬਣਾਉਣ ਵਿਚ ਐਨਰਿਕ ਸੈਲਗੋਡੋ ਦੇ ਬੇਟੇ ਨੇ ਉਹਨਾਂ ਦੀ ਕਾਫੀ ਮਦਦ ਕੀਤੀ। ਉਹਨਾਂ ਨੇ ਦੱਸਿਆ ਕਿ ਐਫਿਲ ਟਾਵਰ ਦਾ ਮਾਡਲ ਅਤੇ ਤਸਵੀਰ ਉਹੀ ਲੈ ਕੇ ਆਇਆ ਸੀ। ਉਸ ਨੇ ਹੀ ਲੋੜ ਦਾ ਸਾਰਾ ਸਾਮਾਨ ਇਕੱਠਾ ਕੀਤਾ। ਫਿਰ ਉਸ ਵਿਚ ਲਾਈਟ ਲਗਾਉਣ ਲਈ ਉਹਨਾਂ ਨੇ ਕਾਰ ਦੇ ਹੈਲੋਜਨ ਦੀ ਵਰਤੋਂ ਕੀਤੀ।

ਪੜ੍ਹੋ ਇਹ ਅਹਿਮ ਖਬਰ- ਡਾਕਟਰ ਫੌਸੀ ਦਾ ਦਾਅਵਾ, ਘੱਟ ਅਸਰਦਾਰ ਵੈਕਸੀਨ ਨਾਲ ਵੀ ਕੋਰੋਨਾ ਹੋ ਸਕਦਾ ਹੈ ਕੰਟਰੋਲ

ਹਵਾਨਾ ਨੂੰ ਉਂਝ ਤਾਂ ਉਸ ਦੀ ਖੂਬਸੂਰਤੀ, ਵਾਸਤੂਕਲਾ ਅਤੇ ਨਾਈਟਕਲੱਬ ਦੇ ਲਈ 'ਪੈਰਿਸ ਆਫ ਦੀ ਕੈਰੀਬੀਅਨ' ਦੇ ਤੌਰ 'ਤੇ ਜਾਣਿਆ ਜਾਂਦਾ ਹੈ। ਪਰ ਇੱਥੇ ਪੈਰਿਸ ਦੀ ਸਿਰਫ ਇਕ ਚੀਜ਼ ਦੀ ਕਮੀ ਸੀ ਅਤੇ ਉਹ ਐਫਿਲ ਟਾਵਰ ਸੀ। ਹੁਣ ਇਹ ਕਮੀ ਵੀ ਪੂਰੀ ਹੋ ਗਈ ਹੈ। ਹਵਾਨਾ ਨੂੰ ਛੋਟਾ ਹੀ ਸਹੀ ਪਰ ਐਫਿਲ ਟਾਵਰ ਤਾਂ ਮਿਲ ਹੀ ਗਿਆ ਹੈ।