ਅਮਰੀਕੀ-ਰੂਸੀ ਚਾਲਕ ਦਲ ਦੇ 3 ਮੈਂਬਰ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਲਈ ਰਵਾਨਾ

ਮਾਸਕੋ (ਭਾਸ਼ਾ) - ਅਮਰੀਕੀ-ਰੂਸੀ ਚਾਲਕ ਦਲ ਦੇ 3 ਮੈਂਬਰ ਵੀਰਵਾਰ ਨੂੰ ਰੂਸੀ ਰਾਕੇਟ ਸੋਯੂਜ਼ ਰਾਹੀਂ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਲਈ ਰਵਾਨਾ ਹੋ ਗਏ। ਨਾਸਾ ਦੇ ਪੁਲਾੜ ਯਾਤਰੀ ਕ੍ਰਿਸ ਵਿਲੀਅਮਜ਼ ਅਤੇ ਉਨ੍ਹਾਂ ਦੇ 2 ਰੂਸੀ ਸਾਥੀਆਂ ਸਰਗੇਈ ਮਿਕਾਯੇਵ ਅਤੇ ਸਰਗੇਈ ਕੁਦ-ਸਵੇਰਚਕੋਵ ਨੇ​ ਰੂਸ​ ਵੱਲੋਂ ਕਜ਼ਾਕਿਸਤਾਨ ’ਚ ਕਿਰਾਏ ’ਤੇ ਲਏ ਗਏ ਬੈਕੋਨੂਰ ਲਾਂਚ ਸਾਈਟ ਤੋਂ ਉਡਾਣ ਭਰੀ। ਤਿੰਨੋਂ ਯਾਤਰੀ ਸਪੇਸ ਸਟੇਸ਼ਨ ’ਤੇ ਲੱਗਭਗ 8 ਮਹੀਨੇ ਬਿਤਾਉਣਗੇ। ਸੋਯੂਜ਼ ਐੱਮ.ਐੱਸ.-28 ਪੁਲਾੜ ਜਹਾਜ਼ ਲਾਂਚ ਹੋਣ ਤੋਂ ਲੱਗਭਗ 3 ਘੰਟੇ ਬਾਅਦ ਸਟੇਸ਼ਨ ’ਤੇ ‘ਡਾਕ’ ਕਰਨਾ ਨਿਰਧਾਰਿਤ ਹੈ।