ਪਹਾੜ ਤੋਂ ਡਿੱਗਣ ਨਾਲ 3 ਪਰਬਤਾਰੋਹੀਆਂ ਦੀ ਮੌਤ, ਹੈਲੀਕਾਪਟਰ ਬਚਾਅ ਟੀਮਾਂ ਨੇ ਕੱਢੀਆਂ ਲਾਸ਼ਾਂ

ਇੰਟਰਨੈਸ਼ਨਲ ਡੈਸਕ: ਅਮਰੀਕਾ ਦੇ ਵਾਸ਼ਿੰਗਟਨ ਦੇ ਨੌਰਥ ਕੈਸਕੇਡਸ ਨੈਸ਼ਨਲ ਪਾਰਕ 'ਚ ਸੀਏਟਲ ਦੇ ਤਿੰਨ ਪਰਬਤਾਰੋਹੀਆਂ ਦੀ ਮੌਤ ਹੋ ਗਈ। ਸ਼ੈਰਿਫ ਦੇ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਓਕਾਨੋਗਨ ਕਾਉਂਟੀ ਸ਼ੈਰਿਫ਼ ਦੇ ਦਫ਼ਤਰ ਨੇ ਸੋਮਵਾਰ ਨੂੰ ਇੱਕ ਸੋਸ਼ਲ ਮੀਡੀਆ ਪੋਸਟ 'ਚ ਕਿਹਾ ਕਿ ਮਜ਼ਾਮਾ ਤੋਂ ਲਗਭਗ 26 ਕਿਲੋਮੀਟਰ ਪੱਛਮ 'ਚ ਇੱਕ ਪਹਾੜੀ ਖੇਤਰ ਵਿੱਚ ਹਾਦਸੇ ਦੀਆਂ ਰਿਪੋਰਟਾਂ ਮਿਲਣ ਤੋਂ ਬਾਅਦ ਐਤਵਾਰ ਸਵੇਰੇ ਬਚਾਅ ਦਲ ਘਟਨਾ ਸਥਾਨ 'ਤੇ ਪਹੁੰਚ ਰਹੇ ਸਨ। ਇਹ ਖੇਤਰ ਪਰਬਤਾਰੋਹੀਆਂ 'ਚ ਬਹੁਤ ਮਸ਼ਹੂਰ ਹੈ। ਰੈਂਟਨ ਦੇ ਚਾਰ ਪਰਬਤਾਰੋਹੀਆਂ ਦਾ ਇੱਕ ਸਮੂਹ ਨੌਰਥ ਅਰਲੀ ਵਿੰਟਰਜ਼ ਸਪਾਇਰ ਦੇ ਖੇਤਰ ਵਿੱਚ ਉਤਰਦੇ ਸਮੇਂ ਡਿੱਗ ਪਿਆ।

ਇਹ ਵੀ ਪੜ੍ਹੋ..ਕਿਸਾਨਾਂ ਲਈ ਵੱਡੀ ਖ਼ਬਰ, ਹੁਣ 4 ਰੁਪਏ ਪ੍ਰਤੀ ਯੂਨਿਟ ਮਿਲੇਗੀ ਬਿਜਲੀ ਦੀ ਸਬਸਿਡੀ

ਪੋਸਟ 'ਚ ਕਿਹਾ ਗਿਆ ਹੈ ਕਿ ਤਿੰਨ ਪਰਬਤਾਰੋਹੀਆਂ, ਜਿਨ੍ਹਾਂ ਦੀ ਉਮਰ 36, 47 ਅਤੇ 63 ਸਾਲ ਸੀ, ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਓਕਾਨੋਗਨ ਕਾਉਂਟੀ ਅੰਡਰਸ਼ੈਰਿਫ ਡੇਵਿਡ ਯਾਰਨੇਲ ਨੇ ਸੀਏਟਲ ਟਾਈਮਜ਼ ਨੂੰ ਦੱਸਿਆ ਕਿ ਇੱਕ ਪਰਬਤਾਰੋਹੀ ਡਿੱਗਣ ਕਾਰਨ ਅੰਦਰੂਨੀ ਅਤੇ ਸਿਰ ਵਿੱਚ ਸੱਟਾਂ ਨਾਲ ਜ਼ਖਮੀ ਹੋ ਗਿਆ ਸੀ ਪਰ ਉਹ ਆਪਣੀ ਕਾਰ ਤੱਕ ਪਹੁੰਚਣ ਵਿੱਚ ਕਾਮਯਾਬ ਹੋ ਗਿਆ ਅਤੇ ਇੱਕ ਟੈਲੀਫੋਨ ਬੂਥ ਤੋਂ ਮਦਦ ਲਈ ਬੁਲਾਇਆ। ਫਿਰ ਉਸ ਆਦਮੀ ਨੂੰ ਸੀਏਟਲ ਦੇ ਹਾਰਬਰਵਿਊ ਮੈਡੀਕਲ ਸੈਂਟਰ ਲਿਜਾਇਆ ਗਿਆ। ਹੈਲੀਕਾਪਟਰ ਬਚਾਅ ਟੀਮਾਂ ਨੇ ਪਹਾੜੀ ਇਲਾਕਿਆਂ ਤੋਂ ਲਾਸ਼ਾਂ ਕੱਢਣ ਵਿੱਚ ਮਦਦ ਕੀਤੀ। ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ ਹਾਦਸਾ ਸੰਭਾਵਤ ਤੌਰ 'ਤੇ ਉਤਰਨ ਦੌਰਾਨ ਐਂਕਰ ਦੇ ਟੁੱਟਣ ਕਾਰਨ ਹੋਇਆ ਸੀ। ਮਾਮਲੇ ਦੀ ਜਾਂਚ ਜਾਰੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8