''ਦੇਸੀ ਕੱਟਾ'' ਲੈ ਕੇ ਕੈਨੇਡੀਅਨ ਮਾਲ ''ਚ ਗਿਆ ਸੀ 23 ਸਾਲਾ ਭਾਰਤੀ ਗੱਭਰੂ, ਹੁਣ ਭੁਗਤੇਗਾ ਸਜ਼ਾ

ਬ੍ਰਿਟਿਸ਼ ਕੋਲੰਬੀਆ- ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਇੱਕ ਮਾਲ ਵਿੱਚ ਲੋਡਿਡ "ਘੋਸਟ ਗੰਨ" ਲੈ ਕੇ ਜਾਣ ਦੇ ਦੋਸ਼ ਵਿੱਚ ਇੱਕ 23 ਸਾਲਾ ਭਾਰਤੀ-ਕੈਨੇਡੀਅਨ ਨੂੰ 2 ਸਾਲ ਤੋਂ ਵੱਧ ਦੀ ਸਜ਼ਾ ਸੁਣਾਈ ਗਈ ਹੈ। ਓਨਟਾਰੀਓ ਸਥਿਤ ਸੀ.ਟੀ.ਵੀ. ਨਿਊਜ਼ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਅਰੁਣਜੀਤ ਸਿੰਘ ਵਿਰਕ, ਜਿਸ ਨੂੰ ਮਾਰਚ 2021 ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, 'ਤੇ 10 ਸਾਲਾਂ ਲਈ ਕੋਈ ਵੀ ਹਥਿਆਰਬੰਦ, ਵਰਜਿਤ ਹਥਿਆਰ ਜਾਂ ਗੋਲਾ ਬਾਰੂਦ ਰੱਖਣ ਦੀ ਪਾਬੰਦੀ ਲਗਾਈ ਗਈ ਹੈ। ਬ੍ਰਿਟਿਸ਼ ਕੋਲੰਬੀਆ ਪ੍ਰੋਵਿੰਸ਼ੀਅਲ ਕੋਰਟ ਵਿੱਚ ਹਾਲ ਹੀ ਵਿੱਚ ਪੇਸ਼ ਕੀਤੀ ਗਈ ਸਜ਼ਾ ਤੋਂ ਪਹਿਲਾਂ ਦੀ ਰਿਪੋਰਟ ਵਿੱਚ ਵਿਰਕ ਨੇ ਮੰਨਿਆ ਕਿ ਇੱਕ ਵਿਅਸਤ ਮਾਲ ਵਿੱਚ ਇੱਕ ਲੋਡਡ ਬੰਦੂਕ ਲਿਆਉਣਾ ਕਿੰਨਾ ਖਤਰਨਾਕ ਹੋ ਸਕਦਾ ਸੀ। 

ਇਹ ਵੀ ਪੜ੍ਹੋ: ਵਿਆਹੁਤਾ ਆਦਮੀ ਨਾਲ ਚੱਲ ਰਿਹਾ ਸੀ ਅਫੇਅਰ, ਇਸ ਬਿਊਟੀ ਕੂਈਨ ਨੂੰ ਵਾਪਸ ਕਰਨਾ ਪਿਆ 'ਤਾਜ'

ਅਦਾਲਤ ਨੂੰ ਦੱਸਿਆ ਗਿਆ ਕਿ ਇੱਕ ਪੁਲਸ ਅਧਿਕਾਰੀ 28 ਮਾਰਚ 2021 ਨੂੰ ਬਰਨਬੀ ਵਿੱਚ ਮੈਟਰੋਟਾਊਨ ਸ਼ਾਪਿੰਗ ਸੈਂਟਰ ਵਿੱਚ ਗਸ਼ਤ ਕਰ ਰਿਹਾ ਸੀ, ਜਦੋਂ ਉਸਨੇ ਵਿਰਕ ਨੂੰ ਇੱਕ ਸ਼ੱਕੀ ਡਰੱਗ ਦਾ ਸੌਦਾ ਕਰਦੇ ਵੇਖਿਆ। ਵਿਰਕ ਨੇ ਜਦੋਂ ਅਧਿਕਾਰੀ ਨੂੰ ਦੇਖਿਆ ਤਾਂ ਉਹ ਮਾਲ ਵਿਚੋਂ ਬਾਹਰ ਨਿਕਲ ਗਿਆ ਅਤੇ ਇਕ ਟੈਕਸੀ ਵਿਚ ਬੈਠ ਗਿਆ ਪਰ ਪੁਲਸ ਨੇ ਤੁਰੰਤ ਕੈਬ ਰੋਕ ਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਜੱਜ ਰੇਜੀਨਾਲਡ ਪੀ. ਹੈਰਿਸ ਨੇ ਕਿਹਾ ਕਿ ਜਦੋਂ ਪੁਲਸ ਨੇ ਉਸ ਦੇ ਬੈਗ ਦੀ ਤਲਾਸ਼ੀ ਲਈ ਤਾਂ ਉਨ੍ਹਾਂ ਨੂੰ ਇੱਕ ਲੋਡਿਡ ਪੋਲੀਮਰ 80 ਮਾਡਲ PF940CL ਅਰਧ-ਆਟੋਮੈਟਿਕ ਹੈਂਡਗਨ ਮਿਲੀ। ਉਨ੍ਹਾਂ ਕਿਹਾ ਕਿ ਪੁਲਸ ਇਹ ਪਤਾ ਨਹੀਂ ਲਗਾ ਸਕੀ ਕਿ ਇਹ ਬੰਦੂਕ ਕਿੱਥੋਂ ਆਈ, ਕਿਉਂਕਿ ਇਹ ਘੋਸਟ ਗੰਨ ਸੀ। ਘੋਸਟ ਗੰਨ ਦੇਸੀ ਬੰਦੂਕ ਹੁੰਦੀ ਹੈ। ਇਨ੍ਹਾਂ ਵਿੱਚ ਕੋਈ ਸੀਰੀਅਲ ਨੰਬਰ ਨਹੀਂ ਹੁੰਦਾ ਹੈ।

ਇਹ ਵੀ ਪੜ੍ਹੋ: ਹਿੰਦੂ ਮੰਦਿਰ ਦੀ ਪ੍ਰਾਣ-ਪ੍ਰਤਿਸ਼ਠਾ ਦੇ ਲਈ ਆਬੂਧਾਬੀ ਪਹੁੰਚੇ ਸਵਾਮੀ ਮਹਾਰਾਜ, PM ਮੋਦੀ ਕਰਨਗੇ ਉਦਘਾਟਨ

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ।