ਅਰਜਨਟੀਨਾ ''ਚ ਜਾਸੂਸੀ ਦੇ ਦੋਸ਼ ਵਿਚ 22 ਲੋਕ ਗ੍ਰਿਫਤਾਰ
Wednesday, Jul 01, 2020 - 12:47 PM (IST)
ਬਿਊਨਸ ਆਇਰਜ਼- ਅਰਜਨਟੀਨਾ ਦੀ ਪੁਲਸ ਨੇ ਸਾਬਕਾ ਰਾਸ਼ਟਰਪਤੀ ਮੌਰਿਸੀਓ ਮੈਕਰੀ ਦੇ ਪ੍ਰੋਗਰਾਮ ਦੌਰਾਨ ਨੇਤਾਵਾਂ ਅਤੇ ਪੱਤਰਕਾਰਾਂ ਦੀ ਗੈਰ-ਕਾਨੂੰਨੀ ਰੂਪ ਤੋਂ ਜਾਸੂਸੀ ਕਰਨ ਦੇ ਮਾਮਲੇ ਵਿਚ 22 ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ ਹੈ।
ਸਥਾਨਕ ਮੀਡੀਆ ਮੁਤਾਬਕ ਨੇ ਮੰਗਲਵਾਰ ਨੂੰ ਆਪਣੀ ਇਕ ਰਿਪੋਰਟ ਵਿਚ ਇਹ ਜਾਣਕਾਰੀ ਦਿੱਤੀ। ਇਸ ਤੋਂ ਪਹਿਲਾਂ ਮਈ ਵਿਚ ਅਰਜਨਟੀਨਾ ਨੇ ਮੈਕਰੀ ਦੇ ਕਾਰਜਕਾਲ ਦੌਰਾਨ ਸੈਂਕੜੇ ਨੇਤਾਵਾਂ, ਪੱਤਰਕਾਰਾਂ, ਵਪਾਰੀਆਂ ਅਤੇ ਸੱਭਿਆਚਾਰ ਹਸਤੀਆਂ ਦੀ ਜਾਸੂਸੀ ਕਰਾਉਣ ਦੇ ਮਾਮਲੇ ਵਿਚ ਉਨ੍ਹਾਂ ਦੀ ਭੂਮਿਕਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਰਿਪੋਰਟ ਮੁਤਾਬਕ ਹਿਰਾਸਤ ਵਿਚ ਲਏ ਗਏ ਲੋਕਾਂ ਵਿਚ ਅਰਜਨਟੀਨਾ ਦੀ ਸੰਘੀ ਜਾਂਚ ਏਜੰਸੀ ਦੇ ਸਾਬਕਾ ਕਰਮਚਾਰੀਆਂ ਦੇ ਇਲਾਵਾ ਰਾਸ਼ਟਰਪਤੀ ਦੀ ਸਾਬਕਾ ਅਧਿਕਾਰੀ ਸੁਜਾਨਾ ਮਾਟਿਰਨੇਂਗਾ ਵੀ ਸ਼ਾਮਲ ਹੈ।
