ਸਿਖਲਾਈ ਦੌਰਾਨ ਹਵਾ 'ਚ ਟਕਰਾਏ ਦੱਖਣੀ ਕੋਰੀਆਈ ਹਵਾਈ ਫ਼ੌਜ ਦੇ 2 ਜਹਾਜ਼, 4 ਮੌਤਾਂ

04/01/2022 4:26:23 PM

ਸਿਓਲ (ਭਾਸ਼ਾ)- ਦੱਖਣੀ ਕੋਰੀਆਈ ਹਵਾਈ ਸੈਨਾ ਦੇ 2 ਜਹਾਜ਼ ਸ਼ੁੱਕਰਵਾਰ ਨੂੰ ਸਿਖਲਾਈ ਦੌਰਾਨ ਹਵਾ ਵਿਚ ਆਪਸ ਵਿਚ ਟਕਰਾ ਗਏ ਅਤੇ ਆਪਣੇ ਬੇਸ ਨੇੜੇ ਹਾਦਸਾਗ੍ਰਸਤ ਹੋ ਗਏ, ਜਿਸ ਨਾਲ ਜਹਾਜ਼ ਵਿਚ ਸਵਾਰ ਸਾਰੇ 4 ਲੋਕਾਂ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਹਵਾਈ ਸੈਨਾ ਨੇ ਇਕ ਬਿਆਨ ਵਿਚ ਕਿਹਾ, ਦੱਖਣੀ ਕੋਰੀਆ ਦੇ ਪਹਿਲੇ ਸਵਦੇਸ਼ੀ-ਨਿਰਮਿਤ ਦੋ KT-1 ਟ੍ਰੇਨਰ ਜਹਾਜ਼ਾਂ ਨੇ ਸਿਖਲਾਈ ਲਈ ਦੱਖਣ-ਪੂਰਬੀ ਸਚਚਿਓਨ ਸ਼ਹਿਰ ਵਿਚ ਇਕ ਏਅਰ ਫੋਰਸ ਬੇਸ ਤੋਂ ਇਕ ਤੋਂ ਬਾਅਦ ਇਕ ਉਡਾਣ ਭਰੀ ਸੀ। ਹਵਾਈ ਸੈਨਾ ਨੇ ਕਿਹਾ ਕਿ ਪਹਿਲੇ ਜਹਾਜ਼ ਦੇ ਉਡਾਣ ਭਰਨ ਤੋਂ ਲਗਭਗ 5 ਮਿੰਟ ਬਾਅਦ ਟੱਕਰ ਹੋਈ ਅਤੇ ਇਹ ਹਾਦਸਾ ਸਚਚਿਓਨ ਬੇਸ ਤੋਂ ਲਗਭਗ 6 ਕਿਲੋਮੀਟਰ ਦੱਖਣ ਵਿਚ ਵਾਪਰਿਆ।

ਇਹ ਵੀ ਪੜ੍ਹੋ: ਮਾਣ ਵਾਲੀ ਗੱਲ, ਭਾਰਤੀ ਮੂਲ ਦੀ ਵਿਦਿਆਰਥਣ ਦੀ ਕਲਾਕ੍ਰਿਤੀ ਅਮਰੀਕੀ ਸੰਸਦ ਭਵਨ 'ਚ ਹੋਵੇਗੀ ਪ੍ਰਦਰਸ਼ਿਤ

PunjabKesari

ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਦੋਵੇਂ KT-1 ਜਹਾਜ਼ਾਂ ਵਿਚ ਕੁੱਲ 4 ਲੋਕ ਸਵਾਰ ਸਨ। ਚਾਰਾਂ ਨੂੰ ਜਹਾਜ਼ ਤੋਂ ਬਾਹਰ ਕੱਢਿਆ ਗਿਆ ਪਰ ਉਹ ਮ੍ਰਿਤਕ ਪਾਏ ਗਏ। ਮ੍ਰਿਤਕਾਂ ਵਿਚ 2 ਲੈਫਟੀਨੈਂਟ ਅਤੇ ਉਨ੍ਹਾਂ ਦੇ ਨਿਰਦੇਸ਼ਕ ਸ਼ਾਮਲ ਹਨ ਜੋ ਹਵਾਈ ਸੈਨਾ ਵਿਚ ਗੈਰ-ਫ਼ੌਜੀ ਕਰਮਚਾਰੀ ਹਨ। ਹਵਾਈ ਸੈਨਾ ਨੇ ਕਿਹਾ ਕਿ ਉਹ ਟੱਕਰ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਇਕ ਟਾਸਕ ਫੋਰਸ ਦਾ ਗਠਨ ਕਰੇਗੀ। ਸਚਚਿਓਨ ਦੇ ਇਕ ਪੁਲਸ ਅਧਿਕਾਰੀ ਲੀ ਸੇਓਂਗ-ਗਯੋਂਗ ਨੇ ਕਿਹਾ ਕਿ ਮਲਬੇ ਨਾਲ ਟਕਰਾਉਣ ਤੋਂ ਬਾਅਦ ਇਕ ਯਾਤਰੀ ਕਾਰ ਨੁਕਸਾਨੀ ਗਈ, ਪਰ ਅਧਿਕਾਰੀਆਂ ਨੇ ਅਜੇ ਤੱਕ ਕਿਸੇ ਹੋਰ ਮਹੱਤਵਪੂਰਨ ਗੈਰ-ਫ਼ੌਜੀ ਸੰਪਤੀ ਨੂੰ ਨੁਕਸਾਨ ਦੀ ਸੂਚਨਾ ਨਹੀਂ ਦਿੱਤੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ 3 ਹੈਲੀਕਾਪਟਰ, 20 ਵਾਹਨਾਂ ਅਤੇ ਦਰਜਨਾਂ ਐਮਰਜੈਂਸੀ ਕਰਮਚਾਰੀਆਂ ਨੂੰ ਘਟਨਾ ਵਾਲੀ ਥਾਂ 'ਤੇ ਭੇਜਿਆ ਗਿਆ ਹੈ। 

ਇਹ ਵੀ ਪੜ੍ਹੋ: ਸ੍ਰੀਲੰਕਾ 'ਚ ਆਰਥਿਕ ਸੰਕਟ ਤੋਂ ਭੜਕੇ ਲੋਕਾਂ ਨੇ ਘੇਰੀ ਰਾਸ਼ਟਰਪਤੀ ਦੀ ਰਿਹਾਇਸ਼, ਬੱਸ ਨੂੰ ਲਾਈ ਅੱਗ

 


cherry

Content Editor

Related News