ਬੋਲੀਵੀਆ ’ਚ ਤਖਤਾ ਪਲਟ ਦੀ ਸਾਜ਼ਿਸ਼ ’ਚ 17 ਹੋਰ ਲੋਕ ਗ੍ਰਿਫਤਾਰ : ਸਰਕਾਰ

ਲਾ ਪਾਜ਼ - ਬੋਲੀਵੀਆ ਦੀ ਸਰਕਾਰ ਨੇ ਵੀਰਵਾਰ ਨੂੰ ਤਖ਼ਤਾ ਪਲਟ ਦੀ ਸਾਜ਼ਿਸ਼ ਵਿਚ ਕਥਿਤ ਸ਼ਮੂਲੀਅਤ ਦੇ ਦੋਸ਼ ’ਚ 17 ਹੋਰ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਦਾ ਐਲਾਨ ਕੀਤਾ। ਕੈਬਨਿਟ ਦੇ ਸੀਨੀਅਰ ਮੈਂਬਰ ਐਡੁਆਰਡੋ ਡੇਲ ਕੈਸਿਟਲੋ ਨੇ ਗ੍ਰਿਫਤਾਰ ਕੀਤੇ ਗਏ 17 ਹੋਰ ਲੋਕਾਂ ਬਾਰੇ ਵਿਸਤਾਰ ਨਾਲ ਜਾਣਕਾਰੀ ਨਹੀਂ ਦਿੱਤੀ। 

ਹਾਲਾਂਕਿ ਗ੍ਰਿਫਤਾਰ ਕੀਤੇ ਗਏ ਇਕ ਵਿਅਕਤੀ ਬਾਰੇ ਉਨ੍ਹਾਂ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਉਹ ਇਕ ਆਮ ਨਾਗਰਿਕ ਸੀ, ਜਿਸ ਦੀ ਪਛਾਣ ਅਨੀਬਲ ਐਗੂਈਲਰ ਗੋਮੇਜ ਵਜੋਂ ਹੋਈ ਹੈ। ਉਨ੍ਹਾਂ ਗੋਮੇਜ਼ ਨੂੰ ਇਸ ਪੂਰੀ ਘਟਨਾ ਦਾ ‘ਮੁੱਖ ਸਾਜ਼ਿਸ਼ਕਾਰ’ ਦੱਸਿਆ। ਡੇਲ ਕੈਸਟੀਲੋ ਨੇ ਕਿਹਾ ਕਿ ਸਰਕਾਰ ਹੋਰ ਸ਼ੱਕੀਆਂ ਦੀ ਭਾਲ ਕਰ ਰਹੀ ਹੈ ਅਤੇ ਕਿਹਾ ਕਿ ਕਥਿਤ ਸਾਜ਼ਿਸ਼ਕਾਰਾਂ ਨੇ ਮਈ ਵਿੱਚ ਸਾਜ਼ਿਸ਼ ਰਚਣੀ ਸ਼ੁਰੂ ਕਰ ਦਿੱਤੀ ਸੀ। ਬੋਲੀਵੀਆ ਦੀ ਰਾਜਧਾਨੀ ਵਿੱਚ, ਫੌਜ ਦੇ ਇੱਕ ਚੋਟੀ ਦੇ ਜਨਰਲ ਦੀ ਅਗਵਾਈ ਵਿੱਚ ਸੈਨਿਕਾਂ ਨੇ ਰਾਸ਼ਟਰਪਤੀ ਮਹਿਲ 'ਤੇ ਹਮਲਾ ਕੀਤਾ ਅਤੇ ਫਿਰ ਤੁਰੰਤ ਪਿੱਛੇ ਹਟ ਗਏ। ਇਸ ਪੂਰੀ ਘਟਨਾ ਨੂੰ ਦੇਸ਼ ’ਚ ਫੌਜੀ ਤਖ਼ਤਾ ਪਲਟ ਦੀ ਅਸਫਲ ਕੋਸ਼ਿਸ਼ ਵਜੋਂ ਦੇਖਿਆ ਜਾ ਰਿਹਾ ਹੈ।

ਰਾਜਧਾਨੀ ਵਿੱਚ ਕੁਝ ਅਸ਼ਾਂਤੀ ਤੋਂ ਬਾਅਦ ਹੌਲੀ ਹੌਲੀ ਸ਼ਾਂਤੀ ਪਰਤ ਰਹੀ ਹੈ। ਇਸ ਘਟਨਾ ਕਾਰਨ ਲੰਬੇ ਸਮੇਂ ਤੋਂ ਪ੍ਰੇਸ਼ਾਨ ਦੱਖਣੀ ਅਮਰੀਕੀ ਦੇਸ਼ ਵਿੱਚ ਅਰਾਜਕਤਾ ਫੈਲਣ ਦਾ ਖਤਰਾ ਪੈਦਾ ਹੋ ਗਿਆ ਸੀ। 12 ਮਿਲੀਅਨ ਦੀ ਕੌਮ ਬੁੱਧਵਾਰ ਨੂੰ ਸਦਮੇ ਅਤੇ ਅਚੰਭੇ ਵਿੱਚ ਰਹਿ ਗਈ ਸੀ ਕਿਉਂਕਿ ਬਖਤਰਬੰਦ ਵਾਹਨਾਂ ਦੇ ਇੱਕ ਫੌਜੀ ਕਾਫਲੇ ਨੇ ਰਾਸ਼ਟਰਪਤੀ ਲੁਈਸ ਆਰਸ ਦੀ ਸਰਕਾਰ ਨੂੰ ਬੇਦਖਲ ਕਰਕੇ ਤਖਤਾਪਲਟ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਫੌਜ ਨੇ ਬਖਤਰਬੰਦ ਵਾਹਨਾਂ ਨਾਲ ਰਾਜਧਾਨੀ ਦੇ ਮੁੱਖ ਚੌਰਾਹੇ 'ਤੇ ਕਬਜ਼ਾ ਕਰ ਲਿਆ, ਰਾਸ਼ਟਰਪਤੀ ਭਵਨ 'ਤੇ ਟੈਂਕਾਂ ਨਾਲ ਹਮਲਾ ਕੀਤਾ ਅਤੇ ਸੜਕਾਂ 'ਤੇ ਉਤਰੇ ਪ੍ਰਦਰਸ਼ਨਕਾਰੀਆਂ 'ਤੇ ਅੱਥਰੂ ਗੈਸ ਦੇ ਗੋਲੇ ਛੱਡੇ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇                             

https://whatsapp.com/channel/0029Va94hsaHAdNVur4L170e