ਕੀ ਬਦਲਦੇ ਮੌਸਮ ਕਾਰਨ ਤੁਹਾਡਾ ਵੀ ਪੇਟ ਹੋ ਰਿਹੈ ਖਰਾਬ? ਇਹ ਦੇਸੀ ਨੁਸਖ਼ੇ ਦਿਵਾਉਣਗੇ ਰਾਹਤ
Friday, Mar 07, 2025 - 12:56 PM (IST)
ਹੈਲਥ ਡੈਸਕ - ਬਦਲਦੇ ਮੌਸਮ ਕਾਰਨ ਅਕਸਰ ਲੋਕਾਂ ਨੂੰ ਪਾਚਨ ਸਮੱਸਿਆਵਾਂ ਵਾਪਰਦੀਆਂ ਹਨ ਜਿਵੇਂ ਕਿ ਪੇਟ ਦਰਦ, ਗੈਸ, ਅਮਲਤਾ ਜਾਂ ਦਸਤ। ਇਹ ਸਮੱਸਿਆਵਾਂ ਖਾਣ-ਪੀਣ ’ਚ ਥੋੜ੍ਹੇ ਬਹੁਤ ਬਦਲਾਵ ਅਤੇ ਕੁਝ ਘਰੇਲੂ ਨੁਸਖਿਆਂ ਰਾਹੀਂ ਆਸਾਨੀ ਨਾਲ ਠੀਕ ਕੀਤੀਆਂ ਜਾ ਸਕਦੀਆਂ ਹਨ। ਆਓ ਜਾਣੀਏ ਕੁਝ ਪ੍ਰਭਾਵਸ਼ਾਲੀ ਘਰੇਲੂ ਇਲਾਜ ਜੋ ਤੁਹਾਡਾ ਪੇਟ ਠੀਕ ਕਰਨ ’ਚ ਮਦਦ ਕਰ ਸਕਦੇ ਹਨ।
ਅਪਣਾਓ ਇਹ ਨੁਸਖੇ :-
ਜੀਰਾ ਪਾਣੀ
- 1 ਚਮਚ ਜੀਰਾ ਲੈਕੇ 1 ਗਲਾਸ ਪਾਣੀ ’ਚ ਉਬਾਲੋ। ਫਿਰ ਇਸ ਨੂੰ ਠੰਡਾ ਕਰਕੇ ਪੀਓ, ਇਹ ਪਾਚਨ ਤੰਤਰ ਨੂੰ ਮਜ਼ਬੂਤ ਕਰੇਗਾ।
ਬਿਲ ਪੱਤਿਆ ਦਾ ਕਾੜ੍ਹਾ
- ਬਿਲ ਪੱਤਿਆਂ ਨੂੰ ਉਬਾਲ ਕੇ ਉਸ ਦਾ ਕਾੜ੍ਹਾ ਪੀਣ ਨਾਲ ਪੇਟ ਸੰਬੰਧੀ ਸਮੱਸਿਆਵਾਂ ਦੂਰ ਹੁੰਦੀਆਂ ਹਨ।
ਹਲਦੀ ਵਾਲਾ ਦੁੱਧ
- ਸੋਣ ਤੋਂ ਪਹਿਲਾਂ ਹਲਦੀ ਵਾਲਾ ਗਰਮ ਦੁੱਧ ਪੀਣ ਨਾਲ ਪੇਟ ਸਾਫ਼ ਰਹਿੰਦਾ ਹੈ ਅਤੇ ਇਨਫੈਕਸ਼ਨ ਨਹੀਂ ਹੁੰਦੀ।
ਅਜਵਾਇਨ ਅਤੇ ਕਾਲਾ ਨਮਕ
- 1 ਚਮਚ ਅਜਵਾਇਨ ’ਚ ਥੋੜ੍ਹਾ ਕਾਲਾ ਨਮਕ ਮਿਲਾ ਕੇ ਖਾਓ। ਇਹ ਪੇਟ ਦੀ ਗੈਸ ਅਤੇ ਅਪਚ ਦਾ ਇਲਾਜ ਕਰਦਾ ਹੈ।
ਦਹੀਂ ਜਾਂ ਛਾਸ
- ਦਹੀਂ ’ਚ ਜੀਰਾ ਪਾਉਣ ਨਾਲ ਪਾਚਨ ਵਧੀਆ ਹੁੰਦਾ ਹੈ ਅਤੇ ਛਾਸ (ਲੱਸੀ) ਪੀਣ ਨਾਲ ਪੇਟ ਠੀਕ ਰਹਿੰਦਾ ਹੈ।
ਅਦਰਕ ਤੇ ਮਿੱਠਾ ਸੋਡਾ
- ਅਦਰਕ ਦਾ ਰੱਸ 1 ਚਮਚ ਤੇ ਇਕ ਚੁਟਕੀ ਮਿੱਠਾ ਸੋਡਾ ਮਿਲਾ ਕੇ ਪੀਓ। ਇਹ ਪੇਟ ਦੀ ਅਲਸਰ ਅਤੇ ਅਮਲਤਾ ਦੂਰ ਕਰਦਾ ਹੈ।
ਨਿੰਬੂ ਪਾਣੀ
- ਨਿੰਬੂ ਪਾਣੀ ’ਚ ਹਲਕਾ ਨਮਕ ਅਤੇ ਮਿੱਠਾ ਮਿਲਾ ਕੇ ਪੀਓ। ਇਹ ਪੇਟ ਸਾਫ਼ ਕਰਨ ’ਚ ਮਦਦ ਕਰੇਗਾ।
ਗੁੜ ਅਤੇ ਸੌਂਫ
- ਭੋਜਨ ਤੋਂ ਬਾਅਦ ਗੁੜ ਅਤੇ ਸੌਂਫ ਖਾਣਾ ਪਾਚਨ ਤੰਤਰ ਨੂੰ ਮਜ਼ਬੂਤ ਬਣਾਉਂਦਾ ਹੈ।
ਜੇ ਪੇਟ ਖਰਾਬੀ ਜ਼ਿਆਦਾ ਸਮਾਂ ਰਹੇ ਜਾਂ ਭਾਰੀ ਦਸਤ ਹੋਣ ਤਾਂ ਡਾਕਟਰੀ ਸਲਾਹ ਲੈਣੀ ਵਧੀਆ ਰਹੇਗੀ।
