ਲਗਾਤਾਰ ਵਧ ਰਿਹੈ Weight ਤਾਂ ਇਸ ਨੂੰ ਨਾ ਕਰੋ Ignore! ਹੋ ਸਕਦੇ ਨੇ ਇਹ ਕਾਰਨ

ਹੈਲਥ ਡੈਸਕ - ਅੱਜਕੱਲ੍ਹ ਜ਼ਿਆਦਾਤਰ ਲੋਕ ਵਧਦੇ ਭਾਰ ਨਾਲ ਜੂਝ ਰਹੇ ਹਨ। ਕਈ ਵਾਰ ਅਸੀਂ ਸੋਚਦੇ ਹਾਂ ਕਿ ਇਹ ਸਿਰਫ਼ ਓਵਰਈਟਿੰਗ ਜਾਂ ਕਸਰਤ ਨਾ ਕਰਨ ਦਾ ਨਤੀਜਾ ਹੈ ਪਰ ਅਸਲ ’ਚ ਪਿੱਛੇ ਹੋ ਸਕਦੇ ਹਨ ਕੁਝ ਅਜਿਹੇ ਕਾਰਨ ਜੋ ਸਰੀਰ ’ਚ ਹੌਲੀ-ਹੌਲੀ ਵੱਡੀ ਸਮੱਸਿਆ ਬਣ ਰਹੇ ਹੁੰਦੇ ਹਨ। ਇਹ ਖ਼ਬਰ ਤੁਹਾਨੂੰ ਦੱਸੇਗੀ ਕਿ ਕਿਸ ਤਰ੍ਹਾਂ ਦਿਨਚਰੀ, ਮਨੋਦਸ਼ਾ, ਹਾਰਮੋਨ ਅਤੇ ਹੋਰ ਅਣਜਾਣ ਗੱਲਾਂ ਤੁਹਾਡੇ ਭਾਰ ਨੂੰ ਪ੍ਰਭਾਵਿਤ ਕਰ ਰਹੀਆਂ ਹਨ।

ਕਿਹੜੇ ਹਨ ਕਾਰਨ :- 

ਬੈਠਣ ਵਾਲੀ ਜ਼ਿੰਦਗੀ 
- ਦਿਨ ਭਰ ਲੈਪਟਾਪ, ਮੋਬਾਈਲ ਜਾਂ ਟੀਵੀ ਅੱਗੇ ਬੈਠ ਕੇ ਸਰੀਰ ਦੀ ਗਤਿਵਿਧੀ ਘੱਟ ਹੋ ਜਾਂਦੀ ਹੈ।

ਸਹੀ ਖੁਰਾਕ ਨਾ ਲੈਣਾ
- ਜੰਕ ਫੂਡ, ਮਿਠਾਈਆਂ, ਕੋਲਡ ਡ੍ਰਿੰਕਸ ਅਤੇ ਫਾਸਟ ਫੂਡ ਭਾਰ ਵਧਾਉਣ ਦੇ ਸਭ ਤੋਂ ਵੱਡੇ ਗੁਨਾਹਗਾਰ ਹਨ।

ਮਨੋਵਿਗਿਆਨਿਕ ਦਬਾਅ 
- ਜ਼ਿਆਦਾ ਤਣਾਅ ਕਾਰਨ ਕੋਰਟੀਸੋਲ ਨਾਮਕ ਹਾਰਮੋਨ ਵਧਦਾ ਹੈ, ਜੋ ਭੁੱਖ ਵਧਾ ਕੇ ਮੋਟਾਪਾ ਲਿਆਉਂਦਾ ਹੈ।

ਨੀਂਦ ਦੀ ਘਾਟ 
- ਘੱਟ ਨੀਂਦ ਸਰੀਰ ਦੇ ਹਾਰਮੋਨ ਸਿਸਟਮ ਨੂੰ ਬੇਤੁਕਾ ਕਰ ਦਿੰਦੀ ਹੈ, ਜਿਸ ਨਾਲ ਭੁੱਖ ਵਧਦੀ ਹੈ।

ਹਾਰਮੋਨ ਦੀ ਅਸਮਤੋਲਤਾ 
- ਥਾਇਰਾਇਡ ਜਾਂ ਪੀ. ਸੀ. ਓ. ਐੱਸ. ਵਰਗੀਆਂ ਹਾਰਮੋਨ ਸੰਬੰਧੀ ਸਮੱਸਿਆਵਾਂ ਭਾਰ ਵਧਾਉਣ ’ਚ ਵੱਡਾ ਰੋਲ ਨਿਭਾਉਂਦੀਆਂ ਹਨ।

ਦਵਾਈਆਂ ਦਾ ਸਾਈਡ ਇਫੈਕਟ
- ਕਈ ਐਂਟੀ-ਡਿਪ੍ਰੈਸ਼ਨ, ਸਟੀਰੋਇਡ ਜਾਂ ਬਲੱਡ ਪ੍ਰੈਸ਼ਰ ਦੀਆਂ ਦਵਾਈਆਂ ਭਾਰ ਵਧਾਉਣ ਲਈ ਜ਼ਿੰਮੇਵਾਰ ਹੋ ਸਕਦੀਆਂ ਹਨ।

ਜੈਨੇਟਿਕ ਕਾਰਨ 
- ਜੇਕਰ ਪਰਿਵਾਰ ’ਚ ਕਿਸੇ ਨੂੰ ਮੋਟਾਪਾ ਹੈ, ਤਾਂ ਤੁਹਾਡੇ ’ਚ ਵੀ ਇਹ ਹੋਣ ਦੀ ਸੰਭਾਵਨਾ ਵਧ ਜਾਂਦੀ ਹੈ।