ਜਾਣੋ ਕੇਲੇ ਦੇ ਪੱਤਿਆਂ ਦੇ ਹੈਰਾਨੀਜਨਕ ਫਾਇਦੇ, ਸਿਕਰੀ ਤੋਂ ਲੈ ਕੇ ਬੁਖਾਰ ਦੀ ਹੋਵੇਗੀ ਛੁੱਟੀ

ਇਕ ਕੇਲਾ ਖਾਣ ਨਾਲ ਸਾਡੇ ਸਰੀਰ ਨੂੰ ਰੋਜ਼ਾਨਾ ਜਿੰਨਾ ਲਾਭ ਮਿਲਦਾ ਹੈ ਓਨਾ ਹੀ ਲਾਭ ਕੇਲੇ ਦੇ ਪੱਤੇ ਤੋਂ ਵੀ ਮਿਲਦਾ ਹੈ | ਇਹ ਫਾਇਦੇ ਕੇਲੇ ਦੇ ਪੱਤੇ ਖਾਣ ਨਾਲ ਹੀ ਨਹੀਂ ਸਗੋਂ ਵੱਖ-ਵੱਖ ਤਰ੍ਹਾਂ ਨਾਲ ਵਰਤੋਂ ਕਰਨ 'ਤੇ ਮਿਲਦੇ ਹਾਂ | ਇਹ ਪੱਤੇ ਨਾ ਸਿਰਫ ਬੀਮਾਰੀਆਂ ਦੂਰ ਕਰਨ 'ਚ ਮਦਦ ਕਰਦੇ ਹਨ ਸਗੋਂ ਇਸ ਨਾਲ ਤੁਹਾਡੀ ਸਕਿਨ ਨੂੰ ਵੀ ਕਈ ਤਰ੍ਹਾਂ ਦੇ ਫਾਇਦੇ ਮਿਲਣਗੇ | ਚੱਲੋ ਦੱਸਦੇ ਹਾਂ ਤੁਹਾਨੂੰ ਤੁਸੀਂ ਕਿਸ ਤਰ੍ਹਾਂ ਨਾਲ ਇਨ੍ਹਾਂ ਪੱਤਿਆਂ ਦੀ ਵਰਤੋਂ ਕਰ ਸਕਦੇ ਹੋ |

ਸਿਕਰੀ
ਕੇਲੇ ਦੇ ਪੱਤੇ ਸਿਕਰੀ ਨੂੰ ਦੂਰ ਕਰਨ 'ਚ ਕਾਫੀ ਮਦਦ ਕਰਦੇ ਹਨ | ਇਸ ਲਈ ਸਭ ਤੋਂ ਪਹਿਲਾਂ ਕੇਲੇ ਦੇ ਪੱਤਿਆਂ ਨੂੰ ਛੋਟੇ ਟੁੱਕੜਿਆਂ 'ਚ ਕੱਟ ਲਓ, ਉਸ ਦੇ ਬਾਅਦ ਪੀਸ ਕੇ ਪਾਣੀ 'ਚ ਮਿਕਸ ਕਰਕੇ ਪੇਸਟ ਬਣਾ ਲਓ | ਇਸ ਪੇਸਟ ਨੂੰ 15 ਮਿੰਟ ਤੱਕ ਵਾਲਾਂ 'ਚ ਲਗਾ ਕੇ ਧੋ ਲਓ | ਇਸ ਦੇ ਬਾਅਦ ਵਾਲਾਂ 'ਚ ਮਾਈਲਡ ਹੇਅਰ ਆਇਲ ਲਗਾ ਲਓ, ਇਸ ਨਾਲ ਸਿਕਰ ਕਾਫੀ ਘਟ ਹੋ ਜਾਵੇਗੀ | ਇਸ ਦੀ ਹਫਤੇ 'ਚ 2 ਵਾਰ ਵਰਤੋਂ ਕਰੋ | 

ਸਕਿਨ 
ਆਯੁਰਵੈਦ 'ਚ ਦੱਸਿਆ ਗਿਆ ਹੈ ਕਿ ਕੇਲੇ ਦੇ ਪੱਤੇ ਚਿਹਰੇ ਦੇ ਲਈ ਕਾਫੀ ਵਧੀਆ ਹੁੰਦੇ ਹਨ | ਇਹ ਡਾਰਕ ਸਪਾਟਸ, ਝੁਰੜੀਆਂ, ਕਿੱਲ, ਸਕਿਨ 'ਚ ਜਲਨ ਦੀ ਸਮੱਸਿਆ ਨੂੰ ਦੂਰ ਕਰਨ 'ਚ ਕਾਫੀ ਮਦਦ ਕਰਦੇ ਹਨ | ਇਸ ਦੇ ਕੇਲੇ ਦੀਆਂ ਤਾਜ਼ੀਆਂ ਪੱਤੀਆਂ ਨੂੰ ਪਾਣੀ ਦੇ ਨਾਲ ਮਿਕਸ ਕਰਕੇ ਪੇਸਟ ਬਣਾ ਲਓ | ਇਸ ਨੂੰ ਮੂੰਹ ਜਾਂ ਚਮੜੀ ਰੋਗ ਵਾਲੀ ਥਾਂ 'ਤੇ 10 ਤੋਂ 15 ਮਿੰਟ ਲਗਾ ਲਓ | ਇਸ 'ਚ ਐਾਟੀਆਕਸੀਡੈਂਟਸ ਅਤੇ ਮਾਈਸਚੁਰਾਈਜ਼ਰ ਤੱਤ ਪਾਏ ਜਾਂਦੇ ਹਨ ਜੋ ਕਿ ਸਕਿਨ ਨੂੰ ਸਿਹਤਮੰਦ ਰੱਖਦੇ ਹਨ | ਇਸ ਨਾਲ ਏਜਿੰਗ ਦੀ ਸਮੱਸਿਆ ਵੀ ਘਟ ਹੁੰਦੀ ਹੈ | 

ਸੱਟ
ਸੱਟ ਲੱਗਣ ਜਾਂ ਸਕਿਨ ਕੱਟਣ 'ਤੇ ਵੀ ਤੁਸੀਂ ਕੇਲੇ ਦੇ ਪੱਤਿਆਂ ਦੀ ਵਰਤੋਂ ਕਰ ਸਕਦੇ ਹੋ | ਇਸ ਨਾਲ ਜ਼ਖਮ ਬਹੁਤ ਹੀ ਛੇਤੀ ਠੀਕ ਹੋ ਜਾਂਦੇ ਹਨ | ਕੇਲੇ ਦੇ ਪੱਤਿਆਂ ਨੂੰ ਧੋ ਕੇ ਪੀਸ ਕੇ ਜ਼ਖਮ 'ਤੇ ਲਗਾ ਲਓ | ਇਸ ਨਾਲ ਦਰਦ ਤਾਂ ਘਟ ਹੁੰਦਾ ਹੀ ਹੈ ਨਾਲ ਹੀ ਜ਼ਖਮ ਵੀ ਛੇਤੀ ਭਰ ਜਾਵੇਗਾ |

ਬੁਖਾਰ
ਜਦੋਂ ਬੁਖਾਰ ਹੋਵੇ ਉਸ ਸਮੇਂ ਇਨ੍ਹਾਂ ਪੱਤਿਆਂ ਨੂੰ ਕੱਟ ਕੇ ਨਾਰੀਅਲ ਤੇਲ 'ਚ ਪਾ ਕੇ ਥੋੜ੍ਹੀ ਦੇਰ ਗਰਮ ਕਰ ਲਓ | ਇਸ ਦੇ ਬਾਅਦ ਇਸ ਤੇਲ ਨਾਲ ਮੱਥੇ 'ਤੇ ਮਾਲਿਸ਼ ਕਰ ਲਓ | ਇਸ ਨਾਲ ਤੁਹਾਨੂੰ ਬੁਖਾਰ 'ਚ ਬਹੁਤ ਹੀ ਛੇਤੀ ਰਾਹਤ ਮਿਲੇਗੀ |