ਸਖ਼ਤ ਕਾਰਵਾਈ: ਯੂਟਿਊਬ ਨੇ 8.30 ਕਰੋੜ ਵੀਡੀਓ, 700 ਕਰੋੜ ਕੁਮੈਂਟ ਹਟਾਏ

ਗੈਜੇਟ ਡੈਸਕ– ਸਾਲ 2018 ਤੋਂ ਹੁਣ ਤਕ ਯੂਟਿਊਬ ਆਪਣੇ ਪਲੇਟਫਾਰਮ ਤੋਂ 8.30 ਕਰੋੜ ਵੀਡੀਓ ਹਟਾ ਚੁੱਕਾ ਹੈ। ਇਨ੍ਹਾਂ ਦਾ ਕੰਟੈਂਟ ਇਤਰਾਜ਼ਯੋਗ, ਕਾਪੀਰਾਈਟ ਦੇ ਖ਼ਿਲਾਫ਼ ਜਾਂ ਪੋਰਨੋਗ੍ਰਾਫੀ ਸੀ। 700 ਕਰੋੜ ਕੁਮੈਂਟ ਵੀ ਇਸ ਦੌਰਾਨ ਹਟਾਏ ਗਏ ਹਨ। ਕੰਪਨੀ ਨੇ ਦੱਸਿਆ ਕਿ ਹਰ 10 ਹਜ਼ਾਰ ਵੀਡੀਓ ’ਚ ਇਤਰਾਜ਼ਯੋਗ ਵੀਡੀਓ ਦੀ ਗਿਣਤੀ 16 ਤੋਂ 18 ਰਹਿੰਦੀ ਹੈ। ਕੰਪਨੀ ’ਚ ਸੁਰੱਖਿਆ ਅਤੇ ਭਰੋਸੇਯੋਗਤਾ ਟੀਮ ਦੀ ਨਿਰਦੇਸ਼ਕ ਜੈਨੀਫਰ ਓ ਕਾਨਰ ਮੁਤਾਬਕ, ਇਤਰਾਜ਼ਯੋਗ ਵੀਡੀਓ ਦਾ ਫੀਸਦੀ ਬਹੁਤ ਘੱਟ ਹੈ। ਉਨ੍ਹਾਂ ਦਾ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਸਿਸਟਮ 94 ਫੀਸਦੀ ਇਤਰਾਜ਼ਯੋਗ ਵੀਡੀਓ ਕਿਸੇ ਦੇ ਵੇਖਣ ਤੋਂ ਪਹਿਲਾਂ ਹਟਾ ਦਿੰਦਾ ਹੈ। 

ਫਿਰ ਵੀ ਜਦੋਂ ਕਰੋੜਾਂ ਵੀਡੀਓ ਅਪਲੋਡ ਹੋ ਰਹੀਆਂ ਹੋਣ, ਬੱਚੇ ਇਤਰਾਜ਼ਯੋਗ ਵੀਡੀਓ ਦਾ ਮਾਮੂਲੀ ਫੀਸਦੀ ਵੀ ਇਕ ਬਹੁਤ ਵੱਡੀ ਗਿਣਤੀ ਬਣ ਜਾਂਦਾ ਹੈ। ਤਿੰਨ ਸਾਲ ਪਹਿਲਾਂ ਤਕ ਇਨ੍ਹਾਂ ਦਾ ਅਨੁਪਾਤ 63 ਤੋਂ 72 ਵੀਡੀਓ 10 ਹਜ਼ਾਰ ਹੁੰਦਾ ਸੀ ਯੂਜ਼ਰ ਦੁਆਰਾ ਅਪਲੋਡ ਇਨ੍ਹਾਂ ਵੀਡੀਓਜ਼ ’ਚੋਂ ਹੀ ਯੂਟਿਊਬ ਅਤੇ ਫੇਸਬੁੱਕ ਇਨ੍ਹੀ ਦਿਨੀਂ ਵੱਡੀ ਗਿਣਤੀ ’ਚ ਬਾਕੀ ਯੂਜ਼ਰਸ ਨੂੰ ਕੰਟੈਂਟ ਪਰੋਸ ਰਹੇ ਹਨ।