3 ਦਸੰਬਰ ਨੂੰ ਲਾਂਚ ਹੋ ਸਕਦੈ Xiaomi mi5

ਨਵੀਂ ਦਿੱਲੀ— ਚਾਈਨੀਜ਼ ਐਪਲ ਨਾਂ ਨਾਲ ਮਸ਼ਹੂਰ ਸਮਾਰਟਫੋਨ ਨਿਰਮਾਤਾ ਕੰਪਨੀ Xiaomi ਦੇ mi5 ਹੈਂਡਸੈੱਟ ਨੂੰ ਲੈ ਕੇ ਆਏ ਦਿਨ ਚਰਚਾ ਜਾਰੀ ਹੈ। ਕਦੇ ਫੋਨ ਦੀ ਸਕ੍ਰੀਨ ਸਾਈਜ਼ ਦੇ ਬਾਰੇ ''ਚ ਖਬਰ ਆਉਂਦੀ ਹੈ ਤਾਂ ਕਦੇ ਇਸ ਦੇ ਲਾਂਚ ਦੀ। ਉਥੇ ਹੀ ਅੱਜ ਫਿਰ ਤੋਂ Xiaomi mi5 ਫੋਨ ਦੇ ਬਾਰੇ ''ਚ ਕੁਝ ਜਾਣਕਾਰੀਆਂ ਆਈਆਂ ਹਨ। 
ਜਾਣਕਾਰੀ ਮੁਤਾਬਕ Xiaomi mi5 ਸਮਾਰਟਫੋਨ ਨੂੰ ਇਸ ਸਾਲ 3 ਦਸੰਬਰ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਕੰਪਨੀ ਨੇ ਇਸ ਲਈ ਲਗਭਗ ਸਾਰੀਆਂ ਤਿਆਰੀਆਂ ਕਰ ਲਈਆਂ ਹਨ। ਖਬਰ ਹੈ ਕਿ Xiaomi mi5 ਲਈ ਕਵਾਲਕਾਮ ਦੇ ਨਵੇਂ ਚਿਪਸੈੱਟ 820 ਦਾ ਇੰਤਜ਼ਾਰ ਕਰ ਰਹੀ ਸੀ ਜੋ ਹੁਣ ਖਤਮ ਹੋ ਗਿਆ ਹੈ। 
Xiaomi mi5 ਨਾਲ ਜੁੜੀਆਂ ਖਬਰਾਂ ਮੁਤਾਬਕ ਇਹ ਪਹਿਲਾ ਸਮਾਰਟਫੋਨ ਹੋਵੇਗਾ ਜਿਸ ਵਿਚ ਕਵਾਲਕਾਮ ਦੇ ਨਵੇਂ ਚਿਪਸੈੱਟ ਸਨੈਪਡ੍ਰੈਗ 820 ਚਿਪਸੈੱਟ ਦੀ ਵਰਤੋਂ ਕੀਤੀ ਜਾਵੇਗੀ। ਉਥੇ ਹੀ ਕਵਾਲਕਾਮ ਦਾ ਸਭ ਤੋਂ ਨਵਾਂ ਚਿਪਸੈੱਟ ਸਨੈਪਡ੍ਰੈਗ 820 ਇਸੇ ਸਾਲ 20 ਨਵੰਬਰ ਨੂੰ ਆਫਿਸ਼ੀਅ ਲਾਂਚ ਹੋਵੇਗਾ। ਜਾਣਕਾਰੀ ਮੁਤਾਬਕ Xiaomi ਦੇ ਫਲੈਗਸ਼ਿਪ ਫੋਨ mi5 ''ਚ 5.2 ਇੰਚ ਦਾ ਕਵਾਡ ਐੱਚ.ਡੀ. ਡਿਸਪਲੇ ਹੋ ਸਕਦਾ ਹੈ ਜਿਸ ਵਿਚ ਪ੍ਰੈਸ਼ਰ ਸੈਂਸੀਟਿਵ ਸਕ੍ਰੀਨ ਟਚ ਫੀਚਰ ਦੀ ਵਰਤੋਂ ਹੋਵੇਗੀ। ਇਹ ਤਕਨੀਕ ਹੁਆਵਈ ਮੇਟ ਐੱਸ. ''ਚ ਵਰਤੇ ਗਏ ਫੋਰਸ ਟਚ ਅਤੇ ਆਈਫੋਨ ''ਚ ਉਪਲੱਬਧ 3ਡੀ ਟਚ ਦੇ ਸਮਾਨ ਹੀ ਹੈ। 
ਪਿਛਲੇ ਦਿਨੀਂ ਲੀਕ ਹੋਈ Xiaomi mi5 ਦੀਆਂ ਖਬਰਾਂ ਮੁਤਾਬਕ, ਇਸ ਫੋਨ ''ਚ 3GB ਰੈਮ ਹੋਵੇਗੀ ਅਤੇ ਇਹ 16GB ਅਤੇ 64GB ਦੋ ਮਾਡਲਸ ''ਚ ਉਪਲਬੱਧ ਹੋ ਸਕਦਾ ਹੈ। ਉਮੀਦ ਹੈ ਕਿ ਫੋਟੋਗ੍ਰਾਫੀ ਲਈ 16MP ਰੀਅਰ ਅਤੇ 8MP ਫਰੰਟ ਕੈਮਰਾ ਹੋਵੇਗਾ। ਪਾਵਰ ਬੈਕਅਪ ਲਈ ਫੋਨ ''ਚ 3,6000MAh ਦੀ ਬੈਟਰੀ ਹੋ ਸਕਦੀ ਹੈ।