TRAI ਦੀ ਇਸ ਐਪ ਨਾਲ ਖੁੱਲ੍ਹੇਗੀ ਟੈਲੀਕਾਮ ਆਪ੍ਰੇਟਰਾਂ ਦੀ ਪੋਲ

ਜਲੰਧਰ : ਟੈਲੀਕਾਮ ਰੈਗੂਲੇਟਰੀ ਅਥਾਰਿਟੀ ਆਫ ਇੰਡਿਆ (ਟ੍ਰਾਈ) ਨੇ ਮਾਈਸਪੀਡ ਨਾਮਕ ਨਵੇਂ ਐਪ ਨੂੰ ਲਾਂਚ ਕੀਤਾ ਹੈ। ਇਹ ਐਪ ਯੂਜ਼ਰਜ਼ ਦੁਆਰਾ ਇਸਤੇਮਾਲ ਕੀਤੇ ਜਾ ਰਹੇ ਇੰਟਰਨੈਟ ਦੀ ਸਪੀਡ ਨੂੰ ਟੈਸਟ ਕਰੇਗਾ ਅਤੇ ਇਸ ਦਾ ਨਤੀਜਾ ਟ੍ਰਾਈ ਨੂੰ ਸੈਂਡ ਕਰੇਗਾ । ਇਸ ਤੋਂ ਟੈਲੀਕਾਮ ਆਪ੍ਰੇਟਰਾਂ ਦੀ ਪੋਲ ਖੁੱਲ੍ਹੇਗੀ ਅਤੇ ਲੋਕਾਂ ਨੂੰ ਪਤਾ ਚੱਲੇਗਾ ਕਿ ਕੰਪਨੀਆਂ ਕਿੰਨੀ ਇੰਟਰਨੈੱਟ ਸਪੀਡ ਦੱਸ ਕੇ ਕਿੰਨੀ ਇੰਟਰਨੈੱਟ ਸਪੀਡ  ਦੇ ਰਹੀਆਂ ਹਨ । ਇਹ ਐਪ ਐਂਡ੍ਰਾਇਡ ਸਮਾਰਟਫੋਂਸ ਅਤੇ ਆਈਫੋਨ ਆਪ੍ਰੇਟਿੰਗ ਸਿਸਟਮ (ਆਈ. ਓ. ਐੱਸ.) ਉੱਤੇ ਫ੍ਰੀ ਵਿਚ ਉਪਲੱਬਧ ਹੈ। ਮਾਈਸਪੀਡ ਐਪ ਦੀ ਮਦਦ ਨਾਲ ਐਂਡ੍ਰਾਇਡ ਅਤੇ ਆਈ. ਓ. ਐੱਸ. ਡਿਵਾਇਸ ਇਸਤੇਮਾਲ ਕਰਨ ਵਾਲਾ ਯੂਜ਼ਰ ਸੈਲਿਊਲਰ ਡਾਟਾ ਅਤੇ ਵਾਈ-ਫਾਈ  ਦੇ ਜ਼ਰੀਏ ਮਿਲਣ ਵਾਲੀ ਇੰਟਰਨੈੱਟ ਸਪੀਡ ਦੇ ਬਾਰੇ ਵਿਚ ਠੀਕ ਜਾਣਕਾਰੀ ਪ੍ਰਦਾਨ ਕਰ ਪਾਵੇਗਾ।

3ਜੀ  ਦੇ ਬਦਲੇ ਮਿਲ ਰਹੀ 2ਜੀ ਸਪੀਡ

ਇਸ ਨੂੰ ਟੈਸਟ ਕਰਨ ਦੇ ਦੌਰਾਨ ਟ੍ਰਾਈ ਨੇ ਪਾਇਆ ਹੈ ਕਿ ਦੇਸ਼ ਦੇ ਚੁਨਿੰਦਾ ਸ਼ਹਿਰਾਂ ਵਿਚ ਕੁਝ ਉਪਭੋਕਤਾਵਾਂ ਨੂੰ 3ਜੀ ਸਰਵਿਸ ਦੇ ਬਦਲੇ 2ਜੀ ਦੀ ਸਪੀਡ ਮਿਲ ਰਹੀ ਹੈ । ਨਿਊਜ਼ ਰਿਪੋਰਟ ਦੇ ਮੁਤਾਬਕ ਟ੍ਰਾਈ ਦਾ ਕਹਿਣਾ ਹੈ ਕਿਉ ਪਭੋਕਤਾਵਾਂ ਨੂੰ ਮਿਲ ਰਹੀ ਇੰਟਰਨੈੱਟ ਸਪੀਡ ਨਾਲ ਉਹ ਸੰਤੁਸ਼ਟ ਨਹੀਂ ਹੈ ਅਤੇ ਇਸ ਦਾ ਕਾਰਨ ਇਹ ਹੈ ਕਿ ਇੰਟਰਨੈੱਟ ਪੈਕ ਐਕਟੀਵੇਟ ਕਰਵਾਉਂਦੇ ਸਮੇਂ ਦੱਸੀ ਗਈ ਨੈੱਟ ਸਪੀਡ ਅਤੇ ਅਸਲ ਸਪੀਡ ਵਿਚ ਕਾਫ਼ੀ ਫਰਕ ਹੈ।

ਇਸ ਤਰ੍ਹਾਂ ਕੰਮ ਕਰੇਗਾ ਇਹ ਐਪ

-ਐਪ ਨੂੰ ਡਾਊਨਲੋਡ ਕਰਨ ਦੇ ਬਾਅਦ ਓਪਨ ਕਰੋ।

-ਐਪ ਨੂੰ ਓਪਨ ਕਰਨ ਦੇ ਬਾਅਦ ਮਾਈਸਪੀਡ ਐਪ ਵਾਈ-ਫਾਈ ਜਾਂ ਸੈਲਿਊਲਰ ਡਾਟਾ ਦੇ ਬਾਰੇ ਵਿਚ ਦੱਸੇਗਾ ਅਤੇ ਹੇਠਾਂ ਦੀ ਤਰਫ ਬਿਗਨ ਟੈਸਟ ਦਾ ਆਈਕਨ ਦਿਖਾਏਗਾ।

-ਬਿਗਨ ਟੈਸਟ ''ਤੇ ਕਲਿਕ ਕਰਨ ਦੇ ਬਾਅਦ ਇਹ ਐਪ ਯੂਜ਼ਰ ਨੂੰ ਲੋਕੇਸ਼ਨ ਸਰਵਿਸ ਇਸਤੇਮਾਲ ਕਰਨ ਲਈ ਹਾਂ ਜਾਂ ਨਾ ਦਾ ਵਿਕਲਪ ਚੁਣਨ ਲਈ ਕਹੇਗਾ।

-ਲੋਕੇਸ਼ਨ ਸਰਵਿਸ ਸਲੈਕਟ ਹੋਣ ਤੋਂ ਬਾਅਦ ਇਹ ਐਪ ਸੈਲਿਊਲਰ ਡਾਟਾ ਜਾਂ ਵਾਈ-ਫਾਈ ਦੀ ਡਾਊਨਲੋਡਿੰਗ ਸਪੀਡ ਅਤੇ ਅਪਡੋਟ ਸਪੀਡ ਦਾ ਵਿਸ਼ਲੇਸ਼ਣ ਕਰ ਕੇ ਯੂਜ਼ਰ  ਦੇ ਸਾਹਮਣੇ ਸਾਰੀ ਜਾਣਕਾਰੀ ਰੱਖ ਦੇਵੇਗੀ ।  

-ਅੰਤ ਵਿਚ 2 ਆਪਸ਼ੰਸ ਵਿਖਾਈ ਦੇਣਗੀਆਂ ਜਿਨ੍ਹਾਂ ਵਿਚੋਂ ਇਕ ਟੈਸਟ ਅਗੇਨ ਅਤੇ ਦੂਜਾ ਸੈਂਡ ਟੂ ਟ੍ਰਾਈ ਦਾ ਆਪਸ਼ਨ ਹੋਵੇਗਾ। ਸੈਂਡ ਟੂ ਟ੍ਰਾਈ ਉੱਤੇ ਕਲਿੱਕ ਕਰ ਕੇ ਯੂਜ਼ਰ ਇੰਟਰਨੈੱਟ ਸਪੀਡ ਦੀ ਜਾਣਕਾਰੀ ਟ੍ਰਾਈ ਨੂੰ ਸੈਂਡ ਕਰ ਸਕਦਾ ਹੈ।

ਜ਼ਿਕਰਯੋਗ ਹੈ ਕਿ ਸ਼ਿਕਾਇਤ ਸਿੱਧੇ ਟ੍ਰਾਈ ਦੇ ਕੋਲ ਜਾਵੇਗੀ ਅਤੇ ਪ੍ਰੋਸੈੱਸ ਵਿਚ ਸਰਵਿਸ ਪ੍ਰੋਵਾਈਡਰ ਕੰਪਨੀਆਂ ਦਾ ਕੋਈ ਰੋਲ ਨਹੀਂ ਹੋਵੇਗਾ। ਡਿਜੀਟਲ ਇੰਡਿਆ ਦੇ ਤਹਿਤ ਇਹ ਅਜਿਹਾ ਪਹਿਲਾ ਐਪ ਹੈ ਜੋ ਲੋ-ਡਾਟਾ ਸਪੀਡ ਨੂੰ ਸੁਧਾਰਣ ਵਿਚ ਮਦਦਗਾਰ ਸਾਬਿਤ ਹੋ ਸਕਦਾ ਹੈ।