ਸਾਈਬਰ ਠੱਗੀ ਦਾ ਅੱਡਾ ਬਣਿਆ ਇਹ ‘App’ ! ਕੇਂਦਰ ਸਰਕਾਰ ਨੇ ਕਰ''ਤੀ ਵੱਡੀ ਕਾਰਵਾਈ, ਐਂਡਰਾਇਡ ਯੂਜ਼ਰਸ...

ਗੈਜੇਟ ਡੈਸਕ : ਕੇਂਦਰ ਸਰਕਾਰ ਨੇ ਐਂਡਰਾਇਡ ਯੂਜ਼ਰਸ ਨੂੰ ਨਿਸ਼ਾਨਾ ਬਣਾਉਣ ਵਾਲੇ 'Wingo App' ਰਾਹੀਂ ਚੱਲ ਰਹੇ ਸਾਈਬਰ ਫਰੌਡ ਨੈੱਟਵਰਕ 'ਤੇ ਵੱਡੀ ਕਾਰਵਾਈ ਕੀਤੀ ਹੈ। ਇਹ ਐਪ ਯੂਜ਼ਰਸ ਦੀ ਜਾਣਕਾਰੀ ਤੋਂ ਬਿਨਾਂ ਉਨ੍ਹਾਂ ਦੇ ਫੋਨ ਤੋਂ ਧੋਖਾਧੜੀ ਵਾਲੇ SMS ਭੇਜ ਰਹੀ ਸੀ ਅਤੇ ਪੈਸੇ ਕਮਾਉਣ ਦਾ ਲਾਲਚ ਦੇ ਕੇ ਡਾਟਾ ਦੀ ਦੁਰਵਰਤੋਂ ਕਰ ਰਹੀ ਸੀ। ਸਰਕਾਰ ਨੇ ਇਸ ਐਪ ਦੇ ਡਿਜੀਟਲ ਇਨਫਰਾਸਟਰਕਚਰ ਅਤੇ ਸਾਰੇ ਆਨਲਾਈਨ ਚੈਨਲਾਂ ਨੂੰ ਬਲੌਕ ਕਰ ਦਿੱਤਾ ਹੈ।

ਗ੍ਰਹਿ ਮੰਤਰਾਲੇ ਦੀ ਵੱਡੀ ਕਾਰਵਾਈ
 ਇਸ ਐਪ ਨੂੰ ਲੈ ਕੇ ਲਗਾਤਾਰ ਮਿਲ ਰਹੀਆਂ ਸ਼ਿਕਾਇਤਾਂ ਤੋਂ ਬਾਅਦ ਕੇਂਦਰੀ ਗ੍ਰਹਿ ਮੰਤਰਾਲੇ ਦੇ 'ਇੰਡੀਅਨ ਸਾਈਬਰ ਕ੍ਰਾਈਮ ਕੋਆਰਡੀਨੇਸ਼ਨ ਸੈਂਟਰ' ਨੇ ਇਸ ਸਕੈਮ ਈਕੋਸਿਸਟਮ ਨੂੰ ਖਤਮ ਕਰਨ ਲਈ ਤੁਰੰਤ ਕਾਰਵਾਈ ਕੀਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਐਪ ਨਾਲ ਜੁੜੇ ਕਮਾਂਡ ਅਤੇ ਕੰਟਰੋਲ ਸਰਵਰਾਂ ਨੂੰ ਜੀਓ-ਬਲੌਕ (Geo-block) ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ ਵਿੰਗੋ ਨਾਲ ਜੁੜੇ 4 ਟੈਲੀਗ੍ਰਾਮ ਚੈਨਲਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ, ਜਿਨ੍ਹਾਂ ਵਿੱਚ ਲਗਭਗ 1.53 ਲੱਖ ਯੂਜ਼ਰਸ ਸ਼ਾਮਲ ਸਨ। ਇੰਨਾ ਹੀ ਨਹੀਂ, ਯੂਟਿਊਬ ਤੋਂ ਇਸ ਐਪ ਨਾਲ ਸਬੰਧਤ 53 ਤੋਂ ਵੱਧ ਵੀਡੀਓਜ਼ ਵੀ ਹਟਾ ਦਿੱਤੀਆਂ ਗਈਆਂ ਹਨ।

ਕਿਵੇਂ ਹੁੰਦੀ ਸੀ ਧੋਖਾਧੜੀ? 
ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਹ ਐਪ ਯੂਜ਼ਰਸ ਨੂੰ ਘੱਟ ਸਮੇਂ ਵਿੱਚ ਜ਼ਿਆਦਾ ਰਿਟਰਨ ਅਤੇ ਜਲਦੀ ਕਮਾਈ ਦਾ ਭਰੋਸਾ ਦਿਵਾ ਕੇ ਲੁਭਾਉਂਦੀ ਸੀ। ਯੂਜ਼ਰਸ ਨੂੰ ਛੋਟੇ-ਮੋਟੇ ਕੰਮ ਪੂਰੇ ਕਰਨ ਜਾਂ ਨਿਵੇਸ਼ ਕਰਨ ਦੇ ਬਹਾਨੇ ਪੈਸੇ ਜਮ੍ਹਾਂ ਕਰਵਾਉਣ ਲਈ ਕਿਹਾ ਜਾਂਦਾ ਸੀ, ਜਿਸ ਤੋਂ ਬਾਅਦ ਐਪ ਬੰਦ ਹੋ ਜਾਂਦੀ ਸੀ ਜਾਂ ਯੂਜ਼ਰ ਦਾ ਅਕਾਊਂਟ ਬਲੌਕ ਕਰ ਦਿੱਤਾ ਜਾਂਦਾ ਸੀ। ਪੈਸਿਆਂ ਦਾ ਲੈਣ-ਦੇਣ ਸੁਰੱਖਿਅਤ ਬੈਂਕਿੰਗ ਚੈਨਲਾਂ ਦੀ ਬਜਾਏ UPI ਜਾਂ ਨਿੱਜੀ ਵਾਲਿਟ ਰਾਹੀਂ ਕੀਤਾ ਜਾਂਦਾ ਸੀ, ਤਾਂ ਜੋ ਟ੍ਰਾਂਜੈਕਸ਼ਨ ਨੂੰ ਟ੍ਰੈਕ ਕਰਨਾ ਮੁਸ਼ਕਲ ਹੋਵੇ।

ਡਾਟਾ ਚੋਰੀ ਦਾ ਗੰਭੀਰ ਖਤਰਾ 
ਇਹ ਐਪ ਯੂਜ਼ਰਸ ਤੋਂ ਉਨ੍ਹਾਂ ਦੇ ਕੰਟੈਕਟਸ, ਗੈਲਰੀ ਅਤੇ ਲੋਕੇਸ਼ਨ ਡਾਟਾ ਤੱਕ ਪਹੁੰਚ (Access) ਮੰਗਦੀ ਸੀ, ਜਿਸ ਨਾਲ ਨਿੱਜੀ ਜਾਣਕਾਰੀ ਚੋਰੀ ਹੋਣ ਦਾ ਵੱਡਾ ਖਤਰਾ ਪੈਦਾ ਹੋ ਗਿਆ ਸੀ। ਸਰਕਾਰ ਨੇ ਐਂਡਰਾਇਡ ਯੂਜ਼ਰਸ ਨੂੰ ਅਲਰਟ ਜਾਰੀ ਕਰਦਿਆਂ ਅਜਿਹੇ ਸਕੈਮਾਂ ਤੋਂ ਸਾਵਧਾਨ ਰਹਿਣ ਅਤੇ ਅਣਜਾਣ ਐਪਸ ਨੂੰ ਨਿੱਜੀ ਡਾਟਾ ਦੀ ਇਜਾਜ਼ਤ ਨਾ ਦੇਣ ਦੀ ਸਲਾਹ ਦਿੱਤੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e