ਸਸਤੇ ਨਹੀਂ ਬਲਕਿ ਇਸ ਕੀਮਤ ਦੇ ਸਮਾਰਟਫੋਨ ਖਰੀਦਦੇ ਨੇ ਲੋਕ, ਰਿਪੋਰਟ 'ਚ ਖੁਲਾਸਾ

ਨੈਸ਼ਨਲ ਡੈਸਕ : ਸਾਲ 2024 ਦੀ ਪਹਿਲੀ ਛਿਮਾਹੀ 'ਚ ਭਾਰਤ 'ਚ ਸਮਾਰਟਫੋਨ ਦੀ ਸ਼ਿਪਮੈਂਟ 'ਚ 7.2 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਸਮੇਂ ਦੌਰਾਨ 6.9 ਕਰੋੜ ਉਪਕਰਨ ਭੇਜੇ ਗਏ ਹਨ। ਇਹ ਜਾਣਕਾਰੀ ਮਾਰਕੀਟ ਰਿਸਰਚ ਫਰਮ ਆਈਡੀਸੀ ਨੇ ਦਿੱਤੀ ਹੈ। ਸਾਲ ਦੀ ਦੂਜੀ ਤਿਮਾਹੀ 'ਚ 3.5 ਕਰੋੜ ਸਮਾਰਟਫੋਨ ਭੇਜੇ ਗਏ, ਜੋ ਪਿਛਲੇ ਸਾਲ ਦੀ ਇਸ ਤਿਮਾਹੀ ਦੇ ਮੁਕਾਬਲੇ 3.2 ਫੀਸਦੀ ਜ਼ਿਆਦਾ ਹੈ।

ਦੂਜੀ ਤਿਮਾਹੀ 'ਚ ਕਈ ਕੰਪਨੀਆਂ ਨੇ ਕਈ ਨਵੇਂ ਸਮਾਰਟਫੋਨ ਲਾਂਚ ਕੀਤੇ ਹਨ, ਜਿਨ੍ਹਾਂ ਦਾ ਫਾਇਦਾ ਸ਼ਿਪਮੈਂਟ 'ਚ ਸਾਫ ਨਜ਼ਰ ਆ ਰਿਹਾ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਸਾਲ ਦੇ ਦੂਜੇ ਅੱਧ 'ਚ ਵੀ ਵਿਕਰੀ ਵਧੇਗੀ। ਤਿਉਹਾਰੀ ਸੀਜ਼ਨ ਕਾਰਨ ਇਸ ਛਿਮਾਹੀ 'ਚ ਜ਼ਿਆਦਾ ਵਿਕਰੀ ਹੋਣ ਦੀ ਉਮੀਦ ਹੈ। ਹਾਲਾਂਕਿ ਇਸ ਛਮਾਈ 'ਚ ਪ੍ਰੀਮੀਅਮ ਫੋਨਾਂ ਦੀ ਗਿਣਤੀ ਵਧੇਗੀ।

ਘਟੀ ਐਂਟਰੀ ਲੈਵਲ ਸੈਗਮੈਂਟ ਦੀ ਸੇਲ
ਆਈਸੀਡੀ ਦੀ ਰਿਪੋਰਟ ਮੁਤਾਬਕ ਐਂਟਰੀ ਲੈਵਲ ਸਮਾਰਟਫੋਨ ਦੀ ਵਿਕਰੀ ਘੱਟ ਹੋਈ ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਤਿਮਾਹੀ 'ਚ ਸ਼ਿਪਮੈਂਟ 'ਚ 36 ਫੀਸਦੀ ਦੀ ਕਮੀ ਆਈ ਹੈ। ਇਹ ਗਿਰਾਵਟ 8,400 ਰੁਪਏ ਤੋਂ ਲੈ ਕੇ 16,800 ਰੁਪਏ ਤੱਕ ਦੇ ਬਜਟ ਯਾਨੀ ਐਂਟਰੀ ਲੈਵਲ ਸੈਗਮੈਂਟ ਵਾਲੇ ਫੋਨਾਂ 'ਚ ਦੇਖਣ ਨੂੰ ਮਿਲੀ ਹੈ। ਵਰਤਮਾਨ ਵਿਚ ਐਂਟਰੀ ਲੈਵਲ ਫੋਨਾਂ ਦੀ ਕੁੱਲ ਮਾਰਕੀਟ ਹਿੱਸੇਦਾਰੀ ਦਾ 14 ਪ੍ਰਤੀਸ਼ਤ ਹੈ।

Xiaomi ਤੇ Poco ਫੋਨ ਇਸ ਬਜਟ 'ਤੇ ਹਾਵੀ ਹਨ। ਜੇਕਰ ਮਾਸ ਮਾਰਕੀਟ ਹਿੱਸੇ ਦੀ ਗੱਲ ਕਰੀਏ ਤਾਂ ਇੱਥੇ 8 ਫੀਸਦੀ ਦਾ ਵਾਧਾ ਹੋਇਆ ਹੈ। 8,400 ਰੁਪਏ ਤੋਂ ਲੈ ਕੇ 16,800 ਰੁਪਏ ਤੱਕ ਦੇ ਫੋਨਾਂ ਦਾ ਬਾਜ਼ਾਰ 8 ਫੀਸਦੀ ਵਧਿਆ ਹੈ। ਇਸ ਸੈਗਮੈਂਟ 'ਚ ਵੀ Xiaomi ਟਾਪ 'ਤੇ ਹੈ।

ਇਸ ਸੈਗਮੈਂਟ ਨੂੰ ਪਸੰਦ ਕਰ ਰਹੇ ਲੋਕ
ਐਂਟਰੀ ਲੈਵਲ ਪ੍ਰੀਮੀਅਮ ਸੈਗਮੈਂਟ ਜਾਂ ਮਿਡ ਰੇਂਜ ਸੈਗਮੈਂਟ 'ਚ 42 ਫੀਸਦੀ ਦਾ ਵਾਧਾ ਹੋਇਆ ਹੈ। 16,800 ਰੁਪਏ ਤੋਂ ਲੈ ਕੇ 33,500 ਰੁਪਏ ਤੱਕ ਦੀ ਕੀਮਤ ਵਾਲੇ ਫੋਨਾਂ ਦੀ ਸ਼ਿਪਮੈਂਟ ਵਿੱਚ ਕਾਫੀ ਵਾਧਾ ਹੋਇਆ ਹੈ। ਓਪੋ, ਵੀਵੋ ਅਤੇ ਸੈਮਸੰਗ ਇਸ ਹਿੱਸੇ 'ਤੇ ਹਾਵੀ ਹਨ। ਹਾਲਾਂਕਿ, ਪ੍ਰੀਮੀਅਮ ਮਿਡ-ਰੇਂਜ ਮਾਰਕੀਟ (33,500 ਤੋਂ 50,400 ਰੁਪਏ) ਦੀ ਵਾਧਾ ਦਰ 25 ਪ੍ਰਤੀਸ਼ਤ ਘਟੀ ਹੈ। ਵੀਵੋ ਅਤੇ ਵਨਪਲੱਸ ਇਸ ਹਿੱਸੇ ਵਿਚ ਚੋਟੀ ਦੇ ਖਿਡਾਰੀ ਹਨ।

ਇਸ ਦੇ ਨਾਲ ਹੀ ਪ੍ਰੀਮੀਅਮ (50,400 ਤੋਂ 67,100 ਰੁਪਏ) ਹੈਂਡਸੈੱਟਾਂ ਦੀ ਸ਼ਿਪਮੈਂਟ ਵੀ 37 ਫੀਸਦੀ ਘਟੀ ਹੈ। ਸੁਪਰ ਪ੍ਰੀਮੀਅਮ ਸਮਾਰਟਫੋਨ ਸੈਗਮੈਂਟ ਦੂਜੀ ਤਿਮਾਹੀ 'ਚ 22 ਫੀਸਦੀ ਵਧੀ ਹੈ। ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਵਾਰ ਸ਼ਿਪਮੈਂਟ ਵਿੱਚ 22 ਫੀਸਦੀ ਦਾ ਵਾਧਾ ਹੋਇਆ ਹੈ ਅਤੇ ਕੁੱਲ ਬਾਜ਼ਾਰ ਵਿੱਚ ਇਸ ਸ਼੍ਰੇਣੀ ਦੀ ਹਿੱਸੇਦਾਰੀ 7 ਫੀਸਦੀ ਤੱਕ ਪਹੁੰਚ ਗਈ ਹੈ।