ਇਸ ਮਹੀਨੇ ਸੈਮਸੰਗ ਕਰ ਸਕਦੈ ਆਪਣਾ ਫੋਲਡੇਬਲ ਸਮਾਰਟਫੋਨ ਲਾਂਚ

Wednesday, Sep 05, 2018 - 08:24 PM (IST)

ਇਸ ਮਹੀਨੇ ਸੈਮਸੰਗ ਕਰ ਸਕਦੈ ਆਪਣਾ ਫੋਲਡੇਬਲ ਸਮਾਰਟਫੋਨ ਲਾਂਚ

ਜਲੰਧਰ—ਸਾਊਥ ਕੋਰੀਅਨ ਟੈੱਕ ਜੁਆਇੰਟ ਸੈਮਸੰਗ ਆਪਣੇ ਫੋਲਡੇਬਲ ਡਿਸਪਲੇਅ ਸਮਾਰਟਫੋਨ ਨੂੰ ਬਣਾਉਣ 'ਚ ਲੱਗਿਆ ਹੋਇਆ ਹੈ। ਪਰ ਅਜੇ ਤੱਕ ਇਸ ਦੇ ਬਾਰੇ 'ਚ ਕੋਈ ਜਾਣਕਾਰੀ ਨਹੀਂ ਆਈ ਹੈ ਕਿ ਇਸ ਫੋਨ ਨੂੰ ਕਿਹੜੇ ਮਹੀਨੇ ਲਾਂਚ ਕੀਤਾ ਜਾਵੇਗਾ। ਇਕ ਰਿਪੋਰਟ 'ਚ ਇਸ ਗੱਲ ਦਾ ਖੁਲਾਸਾ ਕੀਤਾ ਗਿਆ ਹੈ ਕਿ ਫੋਨ ਨੂੰ ਇਸ ਸਾਲ ਨਵੰਬਰ ਮਹੀਨੇ 'ਚ ਲਾਂਚ ਕੀਤਾ ਜਾਵੇਗਾ।

PunjabKesari
 

ਸੈਮਸੰਗ ਦੇ ਸੀ.ਈ.ਓ. ਡੀਜੇ ਕੋਹ ਨੇ ਕਿਹਾ ਕਿ ਸੈਮਸੰਗ ਦੇ ਇਸ ਸਮਾਰਟਫੋਨ ਨੂੰ ਬਣਾਉਣਾ ਥੋੜਾ ਮੁਸ਼ਕਲ ਸੀ ਪਰ ਅਸੀਂ ਇਹ ਪ੍ਰੋਸੈੱਸ ਤਕਰੀਬਨ ਪੂਰਾ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਕੰਪਨੀ ਇਸ ਸਮਾਰਟਫੋਨ ਦਾ ਐਲਾਨ ਨਵੰਬਰ 'ਚ ਹੋਣ ਵਾਲੇ ਸੈਮਸੰਗ ਦੇ ਡਿਵੈੱਲਪਰ ਕਾਨਫਰੰਸ ਦੌਰਾਨ ਕਰ ਸਕਦੀ ਹੈ। ਹਾਲਾਂਕਿ ਡਿਵਾਈਸ ਸੇਲ ਲਈ ਉਪਲੱਬਧ ਹੋਵੇਗਾ। ਇਸ ਦੇ ਬਾਰੇ 'ਚ ਫਿਲਹਾਲ ਕੋਈ ਜਾਣਕਾਰੀ ਨਹੀਂ ਹੈ।

PunjabKesari

ਫੋਨ ਦੇ ਨਾਂ ਦੀ ਗੱਲ ਕਰੀਏ ਤਾਂ ਫੋਨ ਦਾ ਨਾਂ ਗਲੈਕਸੀ ਐਕਸ ਸਮਾਰਟਫੋਨ ਹੋ ਸਕਦਾ ਹੈ। ਇਸ ਫੋਨ ਦੇ ਲਾਂਚ ਤੋਂ ਬਾਅਦ ਇਕ ਗੱਲ ਤਾਂ ਤੈਅ ਹੈ ਕਿ ਸਮਾਰਟਫੋਨ ਮਾਰਕੀਟ 'ਚ ਇਹ ਕਈ ਹੈਂਡਸੈੱਟ ਮੈਕਰਸ ਨੂੰ ਝਟਕਾ ਦੇ ਸਕਦਾ ਹੈ। ਕੋਹ ਨੇ ਹਾਲਾਂਕਿ ਸਮਾਰਟਫੋਨ ਦੇ ਬਾਰੇ 'ਚ ਜ਼ਿਆਦਾ ਜਾਣਕਾਰੀ ਨਹੀਂ ਦਿੱਤੀ ਹੈ ਪਰ ਇੰਨਾਂ ਜ਼ਰੂਰ ਦੱਸਿਆ ਹੈ ਕਿ ਸਮਾਰਟਫੋਨ ਕਿਵੇਂ ਕੰਮ ਕਰੇਗਾ।

PunjabKesari

ਉਨ੍ਹਾਂ ਨੇ ਕਿਹਾ ਕਿ ਤੁਸੀਂ ਕਈ ਸਾਰੀਆਂ ਚੀਜਾਂ ਫੋਨ ਨੂੰ ਫੋਲਡ ਕਰ, ਕਰ ਸਕਦੇ ਹੋ ਪਰ ਜੇਕਰ ਤੁਹਾਨੂੰ ਕੁਝ ਬ੍ਰਾਊਜ ਕਰਨਾ ਹੈ ਤਾਂ ਤੁਹਾਨੂੰ ਇਸ ਦੇ ਲਈ ਫੋਨ ਨੂੰ ਅਨਫੋਲਡ ਕਰਨਾ ਹੋਵੇਗਾ। ਪਰ ਅਨਫੋਲਡ ਹੋਣ ਤੋਂ ਬਾਅਦ ਕੰਪਨੀ ਫੋਨ 'ਚ ਕੀ ਕੁਝ ਨਵਾਂ ਦੇ ਰਹੀ ਹੈ? ਜੇਕਰ ਅਨਫੋਲਡ ਹੋਣ 'ਤੇ ਵੀ ਇਹ ਇਕ ਟੈਬਲੇਟ ਵਰਗਾ ਅਨੁਭਵ ਦੇਵੇਗੀ ਤਾਂ ਇਸ ਦਾ ਕੀ ਫਾਇਦਾ ਅਤੇ ਕੋਈ ਯੂਜ਼ਰਸ ਇਸ ਨੂੰ ਕਿਉਂ ਖਰੀਦੇਗਾ। ਇਸ ਲਈ ਹਰ ਡਿਵਾਈਸ ਉਸ ਦਾ ਆਕਾਰ ਹਰ ਫੀਚਰ ਅਤੇ ਉਸ ਦਾ ਇਨੋਵੇਸ਼ਨ ਯੂਜ਼ਰਸ ਨੂੰ ਇਕ ਨਵਾਂ ਸੰਦੇਸ਼ ਦੇ ਰੂਪ 'ਚ ਲਗਣਾ ਚਾਹੀਦਾ। 

PunjabKesari

ਗਲੈਕਸੀ ਨੋਟ 9 ਦੇ ਲਾਂਚ ਸਮੇਂ ਡੀਜੇ ਕੋਹ ਨੇ ਕਿਹਾ ਸੀ ਕਿ ਕੰਪਨੀ ਆਪਣਾ ਪਹਿਲਾ ਸਮਾਰਟਫੋਨ 5ਜੀ ਸਪੋਰਟ ਨਾਲ ਲਾਂਚ ਕਰਨ ਵਾਲੀ ਹੈ ਪਰ ਇਹ ਗਲੈਕਸੀ ਐੱਸ10 ਨਹੀਂ ਹੋਵੇਗਾ। ਜਿਸ ਨਾਲ ਇਹ ਅੰਦਾਜਾ ਲਗ ਗਿਆ ਸੀ ਕਿ ਸੈਮਸੰਗ ਆਪਣਾ ਇਹ ਸਮਾਰਟਫੋਨ ਫੋਲਡੇਬਲ ਸਮਾਰਟਫੋਨ ਦੇ ਰੂਪ 'ਚ ਲਾਂਚ ਕਰਨ ਵਾਲੀ ਹੈ। ਗਲੈਕਸੀ ਐਕਸ ਦੀ ਜੇਕਰ ਪਿਛਲੀਆਂ ਲੀਕਸ ਦੇ ਬਾਰੇ 'ਚ ਗੱਲ ਕਰੀਏ ਤਾਂ ਫੋਨ 'ਚ 7 ਇੰਚ ਦੀ ਡਿਸਪਲੇਅ ਦਿੱਤੀ ਜਾ ਸਕਦੀ ਹੈ ਜੋ ਮੁੜ ਕੇ ਅੱਧੀ ਹੋ ਜਾਵੇਗੀ। ਉੱਥੇ ਅਸੀਂ ਪਹਿਲੇ ਵੀ ਕਈ ਅਜਿਹੀਆਂ ਤਸਵੀਰਾਂ ਦੇਖੀਆਂ ਹਨ ਜਿਥੇ ਤਸਵੀਰ ਮੁੜ ਕੇ ਤਿੰਨ ਹਿੱਸਿਆਂ 'ਚ ਹੋ ਗਈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਫੋਨ ਦਾ ਇਕ ਹਿੱਸਾ ਡੇਟ ਅਤੇ ਟਾਈਮ, ਨੋਟੀਫਿਕੇਸ਼ਨ, ਬੈਟਰੀ ਅਤੇ ਦੂਜੀਆਂ ਜ਼ਰੂਰੀ ਚੀਜਾਂ ਦੱਸੇਗਾ।


Related News