Hyundai ਦੀ ਇਸ ਨਵੀਂ ਗੱਡੀ ਨੂੰ ਟੁੱਟ ਕੇ ਪਏ ਗਏ ਲੋਕ! 80,000 ਤੋਂ ਵੱਧ ਨੇ ਕਰਵਾਈ ਬੁਕਿੰਗ, ਜਾਣੋ ਕੀ ਹੈ ਖਾਸ

ਗੈਜੇਟ ਡੈਸਕ : ਭਾਰਤੀ ਆਟੋਮੋਬਾਈਲ ਬਾਜ਼ਾਰ ਵਿੱਚ ਹੁੰਡਈ ਦੀ ਸਬ-ਕੋਮਪੈਕਟ ਐਸ.ਯੂ.ਵੀ. (SUV) ਵੇਨਿਊ (Venue) ਆਪਣੀ ਲੋਕਪ੍ਰਿਯਤਾ ਦੇ ਨਵੇਂ ਝੰਡੇ ਗੱਡ ਰਹੀ ਹੈ। ਨਵੰਬਰ 2025 ਤੋਂ ਲੈ ਕੇ ਹੁਣ ਤੱਕ ਇਸ ਗੱਡੀ ਨੂੰ 80,000 ਤੋਂ ਵੱਧ ਬੁਕਿੰਗਾਂ ਮਿਲ ਚੁੱਕੀਆਂ ਹਨ। ਇਸ ਐਸ.ਯੂ.ਵੀ. ਦੇ ਡਿਜ਼ਾਈਨ ਅਤੇ ਫੀਚਰਸ ਵਿੱਚ ਕੀਤੇ ਗਏ ਵੱਡੇ ਬਦਲਾਅ ਗਾਹਕਾਂ ਨੂੰ ਆਪਣੇ ਵੱਲ ਖਿੱਚ ਰਹੇ ਹਨ।

ਲੋਕਪ੍ਰਿਯਤਾ ਦੇ 5 ਮੁੱਖ ਕਾਰਨ:
1. ਸ਼ਾਨਦਾਰ ਅਤੇ ਕੌਮਪੈਕਟ ਡਿਜ਼ਾਈਨ: ਹੁੰਡਈ ਵੇਨਿਊ ਆਪਣੇ ਦਮਦਾਰ ਅਤੇ ਕੌਮਪੈਕਟ ਡਿਜ਼ਾਈਨ ਕਾਰਨ ਸ਼ਹਿਰਾਂ ਵਿੱਚ ਡਰਾਈਵ ਕਰਨ ਲਈ ਇੱਕ ਬਿਹਤਰੀਨ ਵਿਕਲਪ ਹੈ। ਇਸ ਦਾ ਬਾਕਸੀ ਲੁੱਕ, ਡਾਰਕ ਕ੍ਰੋਮ ਰੇਡੀਏਟਰ ਗ੍ਰਿਲ ਅਤੇ ਐਲ.ਈ.ਡੀ. ਟੇਲ ਲੈਂਪ ਇਸ ਨੂੰ ਬੇਹੱਦ ਆਕਰਸ਼ਕ ਬਣਾਉਂਦੇ ਹਨ।

2. ਆਧੁਨਿਕ ਇੰਟੀਰੀਅਰ ਅਤੇ ਫੀਚਰਸ: ਇਸ ਦੇ ਕੇਬਿਨ ਵਿੱਚ ਡਿਊਲ 12.3-ਇੰਚ ਦੀ ਫੁੱਲੀ ਡਿਜੀਟਲ ਸਕ੍ਰੀਨ, ਵੈਂਟੀਲੇਟਿਡ ਸੀਟਾਂ ਅਤੇ ਸਨਰੂਫ ਵਰਗੀਆਂ ਪ੍ਰੀਮੀਅਮ ਸੁਵਿਧਾਵਾਂ ਮਿਲਦੀਆਂ ਹਨ। ਇਸ ਤੋਂ ਇਲਾਵਾ, 8-ਸਪੀਕਰ ਵਾਲਾ ਪ੍ਰੀਮੀਅਮ ਬੋਸ (Bose) ਸਾਊਂਡ ਸਿਸਟਮ ਸਫਰ ਨੂੰ ਹੋਰ ਵੀ ਯਾਦਗਾਰ ਬਣਾਉਂਦਾ ਹੈ।

3. ਸੁਰੱਖਿਆ ਲਈ ਲੈਵਲ 2 ADAS: ਸੁਰੱਖਿਆ ਦੇ ਪੱਖੋਂ ਇਸ ਵਿੱਚ ਲੈਵਲ 2 ADAS (Advanced Driver Assistance Systems) ਸੂਟ ਦਿੱਤਾ ਗਿਆ ਹੈ, ਜੋ ਡਰਾਈਵਿੰਗ ਨੂੰ ਸੁਰੱਖਿਅਤ ਬਣਾਉਂਦਾ ਹੈ। ਇਸ ਦੇ ਨਾਲ ਹੀ ਇਸ ਵਿੱਚ ਬਲੂ ਲਿੰਕ ਕਨੈਕਟਡ-ਕਾਰ ਟੈਕਨਾਲੋਜੀ ਵੀ ਮੌਜੂਦ ਹੈ।

4. ਦਮਦਾਰ ਇੰਜਣ ਵਿਕਲਪ: ਇਹ ਗੱਡੀ ਕਈ ਭਰੋਸੇਮੰਦ ਇੰਜਣ ਵਿਕਲਪਾਂ ਦੇ ਨਾਲ ਆਉਂਦੀ ਹੈ, ਜਿਸ ਵਿੱਚ 1.5-ਲੀਟਰ ਡੀਜ਼ਲ ਇੰਜਣ (6-ਸਪੀਡ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੇ ਨਾਲ) ਵੀ ਸ਼ਾਮਲ ਹੈ।

5. ਆਰਾਮਦਾਇਕ ਸਫਰ: ਵੇਨਿਊ ਵਿੱਚ ਰਿਕਲਾਈਨਿੰਗ ਰੀਅਰ ਸੀਟਾਂ ਅਤੇ ਵੱਡਾ ਅੰਦਰੂਨੀ ਹਿੱਸਾ ਦਿੱਤਾ ਗਿਆ ਹੈ, ਜੋ ਯਾਤਰੀਆਂ ਦੇ ਆਰਾਮ ਨੂੰ ਮੁੱਖ ਰੱਖ ਕੇ ਤਿਆਰ ਕੀਤਾ ਗਿਆ ਹੈ। ਇਹ ਸਬ-ਕੋਮਪੈਕਟ ਐਸ.ਯੂ.ਵੀ. ਨਾ ਸਿਰਫ ਆਪਣੇ ਸੈਗਮੈਂਟ ਵਿੱਚ ਬਲਕਿ ਦੇਸ਼ ਦੇ ਪੂਰੇ ਪੈਸੰਜਰ ਵਹੀਕਲ ਸੈਗਮੈਂਟ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੇ ਮਾਡਲਾਂ ਵਿੱਚੋਂ ਇੱਕ ਬਣ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e