2028 ਤੋਂ ਪੈਟਰੋਲ ਬਾਈਕਾਂ ਦੀ ਵਿਕਰੀ ਹੋਵੇਗੀ ਬੰਦ ! ਦਿੱਲੀ ''ਚ ਸਿਰਫ਼ E-Bikes ਹੀ ਮਿਲਣਗੀਆਂ, EV ਡਰਾਫਟ ਜਾਰੀ

ਨੈਸ਼ਨਲ ਡੈਸਕ : ਦਿੱਲੀ ਸਰਕਾਰ ਨੇ ਪ੍ਰਦੂਸ਼ਣ ਨੂੰ ਘਟਾਉਣ ਤੇ ਇਲੈਕਟ੍ਰਿਕ ਵਾਹਨਾਂ (EV) ਨੂੰ ਉਤਸ਼ਾਹਿਤ ਕਰਨ ਲਈ ਆਪਣੀ 'ਦਿੱਲੀ ਇਲੈਕਟ੍ਰਿਕ ਵਾਹਨ ਨੀਤੀ 2026' ਦਾ ਡਰਾਫਟ ਪੇਸ਼ ਕਰ ਦਿੱਤਾ ਹੈ। ਇਹ ਨੀਤੀ ਸਾਲ 2026 ਤੋਂ 2030 ਤੱਕ ਪ੍ਰਭਾਵੀ ਰਹੇਗੀ ਅਤੇ ਇਸ ਦੇ ਤਹਿਤ ਆਉਣ ਵਾਲੇ ਸਾਲਾਂ ਵਿੱਚ ਪੈਟਰੋਲ-ਡੀਜ਼ਲ ਵਾਹਨਾਂ 'ਤੇ ਵੱਡੀ ਪਾਬੰਦੀ ਲਗਾਈ ਜਾ ਰਹੀ ਹੈ।

ਪੈਟਰੋਲ ਵਾਹਨਾਂ ਦੀ ਰਜਿਸਟ੍ਰੇਸ਼ਨ ਹੋਵੇਗੀ ਬੰਦ
ਨਵੀਂ ਪਾਲਿਸੀ ਦੇ ਅਨੁਸਾਰ, ਦਿੱਲੀ ਵਿੱਚ ਸਾਲ 2027 ਤੋਂ ਸਿਰਫ਼ ਈ-ਆਟੋ (Three-Wheelers) ਅਤੇ 2028 ਤੋਂ ਸਿਰਫ਼ ਇਲੈਕਟ੍ਰਿਕ ਦੋਪਹੀਆ ਵਾਹਨਾਂ ਦੀ ਰਜਿਸਟ੍ਰੇਸ਼ਨ ਦੀ ਇਜਾਜ਼ਤ ਹੋਵੇਗੀ। ਸਰਕਾਰ ਦਾ ਟੀਚਾ ਹੈ ਕਿ 2030 ਤੱਕ ਕੁੱਲ ਨਵੇਂ ਵਾਹਨਾਂ ਦੀ ਵਿਕਰੀ ਵਿੱਚ 25% ਤੋਂ 30% ਹਿੱਸਾ ਇਲੈਕਟ੍ਰਿਕ ਵਾਹਨਾਂ ਦਾ ਹੋਵੇ।

ਟੈਕਸ ਵਿੱਚ 100% ਛੋਟ ਅਤੇ ਸਬਸਿਡੀ ਦਾ ਤੋਹਫ਼ਾ
 ਸਰਕਾਰ ਵੱਲੋਂ ਇਲੈਕਟ੍ਰਿਕ ਵਾਹਨ ਖਰੀਦਣ ਵਾਲਿਆਂ ਨੂੰ ਰੋਡ ਟੈਕਸ ਅਤੇ ਰਜਿਸਟ੍ਰੇਸ਼ਨ ਫੀਸ ਵਿੱਚ 100% ਦੀ ਪੂਰੀ ਛੋਟ ਦਿੱਤੀ ਜਾ ਰਹੀ ਹੈ। ਇਹ ਛੋਟ 30 ਲੱਖ ਰੁਪਏ ਤੱਕ ਦੀ ਕੀਮਤ ਵਾਲੀਆਂ ਇਲੈਕਟ੍ਰਿਕ ਕਾਰਾਂ 'ਤੇ ਵੀ ਲਾਗੂ ਹੋਵੇਗੀ। 
•ਦੋਪਹੀਆ ਵਾਹਨ: ਪਹਿਲੇ ਸਾਲ ਵਿੱਚ 10,000 ਰੁਪਏ ਪ੍ਰਤੀ kWh ਦੀ ਦਰ ਨਾਲ ਵੱਧ ਤੋਂ ਵੱਧ 30,000 ਰੁਪਏ ਤੱਕ ਦੀ ਸਬਸਿਡੀ ਮਿਲੇਗੀ।
•ਈ-ਆਟੋ: ਪਹਿਲੇ ਸਾਲ ਵਿੱਚ 50,000 ਰੁਪਏ ਦੀ ਨਕਦ ਸਬਸਿਡੀ ਦਾ ਪ੍ਰਸਤਾਵ ਹੈ।
•ਮਾਲ ਢੋਣ ਵਾਲੇ ਵਾਹਨ: ਇਲੈਕਟ੍ਰਿਕ ਗੁਡਸ ਵਹੀਕਲ ਖਰੀਦਣ 'ਤੇ ਪਹਿਲੇ ਸਾਲ 1,00,000 ਰੁਪਏ ਦੀ ਭਾਰੀ ਸਬਸਿਡੀ ਮਿਲੇਗੀ।
ਧਿਆਨ ਰਹੇ ਕਿ ਇਹ ਸਬਸਿਡੀ ਹਰ ਸਾਲ ਘਟਦੀ ਜਾਵੇਗੀ, ਇਸ ਲਈ ਜਲਦੀ ਖਰੀਦ ਕਰਨ ਵਾਲਿਆਂ ਨੂੰ ਵੱਧ ਫਾਇਦਾ ਹੋਵੇਗਾ।

ਪੁਰਾਣੀ ਗੱਡੀ ਕਬਾੜ ਕਰਨ 'ਤੇ ਵੀ ਮਿਲੇਗਾ ਬੋਨਸ
 ਜੇਕਰ ਤੁਸੀਂ ਆਪਣਾ ਪੁਰਾਣਾ ਪ੍ਰਦੂਸ਼ਣ ਫੈਲਾਉਣ ਵਾਲਾ ਵਾਹਨ ਸਕ੍ਰੈਪ ਕਰਕੇ ਨਵਾਂ ਈਵੀ ਲੈਂਦੇ ਹੋ, ਤਾਂ ਸਰਕਾਰ 'ਸਕ੍ਰੈਪਿੰਗ ਇੰਸੈਂਟਿਵ' ਵੀ ਦੇਵੇਗੀ। ਪੁਰਾਣੀ ਕਾਰ ਸਕ੍ਰੈਪ ਕਰਨ 'ਤੇ 1,00,000 ਰੁਪਏ, ਮਾਲ ਢੋਣ ਵਾਲੇ ਵਾਹਨਾਂ ਲਈ 50,000 ਰੁਪਏ ਤੇ ਦੋਪਹੀਆ ਵਾਹਨਾਂ ਲਈ 10,000 ਰੁਪਏ ਦਾ ਵਾਧੂ ਲਾਭ ਦਿੱਤਾ ਜਾਵੇਗਾ।

ਹਾਈਬ੍ਰਿਡ ਵਾਹਨਾਂ ਨੂੰ ਵੀ ਰਾਹਤ
 ਵਾਤਾਵਰਣ ਅਨੁਕੂਲ ਸਟ੍ਰੌਂਗ ਹਾਈਬ੍ਰਿਡ ਵਾਹਨਾਂ ਨੂੰ ਟੈਕਸ ਅਤੇ ਰਜਿਸਟ੍ਰੇਸ਼ਨ ਫੀਸ ਵਿੱਚ 50% ਦੀ ਰਾਹਤ ਦਿੱਤੀ ਜਾਵੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e