ਸਸਤੀਆਂ ਗੱਡੀਆਂ ਦੀ ਮੰਗ ਨੇ ਵਧਾਈ ਬਾਜ਼ਾਰ ਦੀ ਰਫ਼ਤਾਰ, 2026 ’ਚ ਆਟੋ ਸੈਕਟਰ ਨੇ ਬਣਾਇਆ ਰਿਕਾਰਡ

ਨਵੀਂ ਦਿੱਲੀ : ਦੇਸ਼ ਦਾ ਆਟੋਮੋਬਾਈਲ ਸੈਕਟਰ ਮਾਲੀ ਸਾਲ 2026 ’ਚ ਰਿਕਾਰਡ ਉੱਚਾਈ ’ਤੇ ਪਹੁੰਚ ਗਿਆ ਹੈ। ਕਿਫਾਇਤੀ ਗੱਡੀਆਂ ਦੀ ਵਧਦੀ ਮੰਗ ਅਤੇ ਸਰਕਾਰ ਦੀਆਂ ਨੀਤੀਆਂ ਕਾਰਨ ਪੈਸੇਂਜਰ ਵਹੀਕਲ (ਪੀ. ਵੀ.) ਵਿਕਰੀ 4.7 ਮਿਲੀਅਨ ਯੂਨਿਟ ਤੱਕ ਪਹੁੰਚ ਗਈ। ਇਹ ਪਿਛਲੇ ਸਾਲ ਦੇ 4.34 ਮਿਲੀਅਨ ਯੂਨਿਟਸ ਦੇ ਮੁਕਾਬਲੇ ਲੱਗਭਗ 8.3 ਫੀਸਦੀ ਦਾ ਵਾਧਾ ਹੈ। ਉਥੇ ਹੀ ਮਾਰਚ ਮਹੀਨੇ ’ਚ ਹੀ ਵਿਕਰੀ ’ਚ 16 ਫੀਸਦੀ ਦੀ ਤੇਜ਼ੀ ਦੇਖੀ ਗਈ, ਜਿਸ ਨਾਲ ਪੂਰੇ ਉਦਯੋਗ ’ਚ ਉਤਸ਼ਾਹ ਦਾ ਮਾਹੌਲ ਹੈ।

ਜੀ. ਐੱਸ. ਟੀ. ਕਟੌਤੀ ਅਤੇ ਨਵੇਂ ਮਾਡਲ ਬਣੇ ਗੇਮਚੇਂਜਰ
ਮਾਹਰਾਂ ਦੇ ਮੁਤਾਬਕ ਸਤੰਬਰ ’ਚ ਜੀ. ਐੱਸ. ਟੀ. ’ਚ ਕੀਤੀ ਗਈ ਕਟੌਤੀ ਅਤੇ ਬਾਜ਼ਾਰ ’ਚ ਨਵੇਂ ਮਾਡਲਾਂ ਦੇ ਲਾਂਚ ਨੇ ਮੰਗ ਨੂੰ ਹੁਲਾਰਾ ਦਿੱਤਾ। ਕੰਪਨੀਆਂ ਨੇ ਕੀਮਤਾਂ ’ਚ ਕਮੀ ਕਰ ਕੇ ਗਾਹਕਾਂ ਨੂੰ ਆਕਰਸ਼ਿਤ ਕੀਤਾ, ਜਿਸ ਨਾਲ ਖਾਸ ਕਰ ਕੇ ਮਿਡ-ਸੈਗਮੈਂਟ ਕਾਰਾਂ ਦੀ ਵਿਕਰੀ ’ਚ ਉਛਾਲ ਆਇਆ। ਆਟੋ ਕੰਪਨੀਆਂ ਨੇ ਮਾਲੀ ਸਾਲ 2026 ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਮਾਰੂਤੀ ਸੁਜ਼ੂਕੀ ਨੇ ਸਭ ਤੋਂ ਜ਼ਿਆਦਾ ਵਿਕਰੀ ਦਰਜ ਕੀਤੀ, ਜਦਕਿ ਟਾਟਾ ਮੋਟਰਜ਼ ਅਤੇ ਮਹਿੰਦਰਾ ਐਂਡ ਮਹਿੰਦਰਾ ਨੇ ਵੀ ਦਮਦਾਰ ਵਾਧਾ ਦਿਖਾਇਆ। ਹੁੰਡਈ ਮੋਟਰ ਇੰਡੀਆ ਅਤੇ ਟੋਇਟਾ ਕਿਰਲੋਸਕਰ ਮੋਟਰ ਨੇ ਵੀ ਆਪਣੀ ਸਥਿਤੀ ਮਜ਼ਬੂਤ ਕੀਤੀ।

ਕੰਪਨੀਆਂ ਦਾ ਪ੍ਰਦਰਸ਼ਨ

• ਕੰਪਨੀ ਮਾਰਚ 2025 ਮਾਰਚ 2026% ਬਦਲਾਅ
• ਮਾਰੂਤੀ ਸੁਜ਼ੂਕੀ 150,743166,21910.3%
• ਟਾਟਾ ਮੋਟਰਜ਼51,61666,19228.2%
• ਮਹਿੰਦਰਾ ਐਂਡ ਮਹਿੰਦਰਾ48,04860,27225.4%
• ਹੁੰਡਈ ਮੋਟਰ ਇੰਡੀਆ51,82055,0646.3%
• ਟੋਇਟਾ ਕਿਰਲੋਸਕਰ ਮੋਟਰ28,37335,12523.8%
• ਕੀਆ ਇੰਡੀਆ25,52529,11214.0%
• ਸਕੋਡਾ ਆਟੋ ਇੰਡੀਆ7,4227,9286.8%
• ਐੱਮ.ਜੀ. ਮੋਟਰ ਇੰਡੀਆ5,5006,52818.7%
• ਰੇਨੌਲਟ ਇੰਡੀਆ2,8465,04677.3%

ਟਾਟਾ ਅਤੇ ਮਹਿੰਦਰਾ ’ਚ ਕੜੀ ਟੱਕਰ
ਮਾਰਚ 2026 ’ਚ ਟਾਟਾ ਮੋਟਰਜ਼ ਨੇ 66,192 ਯੂਨਿਟਸ ਵੇਚ ਕੇ ਦੂਜਾ ਸਥਾਨ ਹਾਸਲ ਕੀਤਾ, ਜਦਕਿ ਮਹਿੰਦਰਾ ਐਂਡ ਮਹਿੰਦਰਾ 60,272 ਯੂਨਿਟਸ ਦੇ ਨਾਲ ਤੀਜੇ ਸਥਾਨ ’ਤੇ ਰਹੀ। ਉਥੇ ਹੀ ਸਾਲਾਨਾ ਵਿਕਰੀ ’ਚ ਮਹਿੰਦਰਾ ਨੇ 6.6 ਲੱਖ ਯੂਨਿਟਸ ਦੇ ਨਾਲ ਦੂਜਾ ਸਥਾਨ ਆਪਣੇ ਨਾਂ ਕੀਤਾ।

ਸੀ. ਵੀ. ਅਤੇ ਫਾਰਮ ਸੈਕਟਰ ’ਚ ਵੀ ਉਛਾਲ
ਕਮਰਸ਼ੀਅਲ ਵਹੀਕਲ (ਸੀ.ਵੀ.) ਸੈਗਮੈਂਟ ’ਚ ਵੀ ਅੱਛੀ ਗ੍ਰੋਥ ਦੇਖਣ ਨੂੰ ਮਿਲੀ। ਟਾਟਾ ਮੋਟਰਜ਼ ਦੀ ਵਿਕਰੀ ’ਚ 18% ਦਾ ਵਾਧਾ ਹੋਇਆ, ਜਦਕਿ ਅਸ਼ੋਕ ਲੇਲੈਂਡ ਨੇ 5% ਦਾ ਵਾਧਾ ਦਰਜ ਕੀਤਾ। ਫਾਰਮ ਇਕੁਇਪਮੈਂਟ ਸੈਕਟਰ ’ਚ ਮਹਿੰਦਰਾ ਐਂਡ ਮਹਿੰਦਰਾ ਨੇ 33% ਦੇ ਵਾਧੇ ਨਾਲ 43,403 ਟਰੈਕਟਰ ਵੇਚੇ। ਹਾਲਾਂਕਿ ਵੈਸਟ ਏਸ਼ੀਆ ’ਚ ਜਾਰੀ ਤਣਾਅ ਦਾ ਕੁਝ ਅਸਰ ਬਾਜ਼ਾਰ ’ਤੇ ਪਿਆ, ਪਰ ਭਾਰਤੀ ਆਟੋ ਸੈਕਟਰ ਨੇ ਮਜ਼ਬੂਤੀ ਦਿਖਾਈ। ਉਦਯੋਗ ਮਾਹਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਸਮੇਂ ’ਚ ਵੀ ਡਿਮਾਂਡ ਬਣੀ ਰਹੇਗੀ। ਆਟੋ ਕੰਪਨੀਆਂ ਨੂੰ ਉਮੀਦ ਹੈ ਕਿ ਮਾਲੀ ਸਾਲ 2026 ’ਚ ਘਰੇਲੂ ਕਾਰ ਵਿਕਰੀ ’ਚ ਲੱਗਭਗ 5% ਦਾ ਹੋਰ ਵਾਧਾ ਹੋ ਸਕਦਾ ਹੈ। ਬਿਹਤਰ ਆਰਥਿਕ ਮਾਹੌਲ, ਤਿਉਹਾਰੀ ਸੀਜ਼ਨ ਅਤੇ ਨਵੀਂ ਲਾਂਚਿੰਗਜ਼ ਇਸ ਗ੍ਰੋਥ ਨੂੰ ਸਪੋਰਟ ਕਰਨਗੀਆਂ।