ਅੱਜ ਭਾਰਤ 'ਚ ਲਾਂਚ ਹੋਣਗੇ ਹੁਵਾਵੇ P20 ਪ੍ਰੋ ਤੇ P20 ਲਾਈਟ ਸਮਾਰਟਫੋਨਜ਼
04/24/2018 12:50:11 PM
ਜਲੰਧਰ- ਹੁਵਾਵੇ ਆਪਣੀ ਫਲੈਗਸ਼ਿਪ ਪੀ20 ਸੀਰੀਜ਼ ਦੇ ਆਉਣ ਵਾਲੇ ਸਮਾਰਟਫੋਨਜ਼ ਨੂੰ ਅੱਜ ਭਾਰਤੀ ਬਾਜ਼ਾਰ 'ਚ ਲਾਂਚ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਕੰਪਨੀ ਨੇ ਪੀ20 ਸੀਰੀਜ਼ ਨੂੰ ਪਿਛਲੇ ਮਹੀਨੇ ਪੇਸ਼ ਕੀਤਾ ਸੀ, ਜਿਸ 'ਚ ਪੀ20, ਪੀ20 ਪ੍ਰੋ ਅਤੇ ਪੀ20 ਲਾਈਟ ਸਮਾਰਟਫੋਨ ਸ਼ਾਮਿਲ ਸਨ। ਭਾਰਤ 'ਚ ਇਸ ਸੀਰੀਜ਼ ਦੇ ਸਿਰਫ ਪੀ20 ਪ੍ਰੋ ਅਤੇ ਪੀ20 ਲਾਈਟ ਨੂੰ ਪੇਸ਼ ਕੀਤਾ ਜਾਵੇਗਾ। ਦੋਵੇਂ ਹੀ ਮਾਡਲਸ ਐਕਸਕਲੂਸਿਵ ਅਮੇਜ਼ਾਨ 'ਤੇ ਉਪਲੱਬਧ ਹਨ।
ਹੁਵਾਵੇ ਪੀ20 ਪ੍ਰੋ ਦੀ ਯੂ. ਐੱਸ. ਪੀ. ਦੀ ਗੱਲ ਕਰੀਏ ਤਾਂ ਇਸ ਦੇ ਰਿਅਰ 'ਚ ਮੌਜੂਦ ਤਿੰਨ ਕੈਮਰੇ ਸੈੱਟਅਪ ਇਸ ਦੀ ਸਭ ਤੋਂ ਵੱਡੀ ਖਾਸੀਅਤ ਹੈ। ਪੀ20 ਪ੍ਰੋ ਅਤੇ ਪੀ20 ਲਾਈਟ ਦੋਵੇਂ ਮੇਟਲ ਅਤੇ ਯੂਨੀਬਾਡੀ ਡਿਜ਼ਾਈਨ ਨਾਲ ਆਉਂਦੇ ਹਨ। ਇਸ ਤੋਂ ਇਲਾਵਾ ਪੀ20 ਪ੍ਰੋ ਨਵੇਂ Twilight ਰੰਗ 'ਚ ਪੇਸ਼ ਹੋਵੇਗਾ। ਇਸ ਦੇ ਨਾਲ ਹੀ ਦੋਵੇਂ ਡਿਵਾਈਸਿਜ਼ notch (ਨਾਚ) ਡਿਸਪਲੇਅ ਤੇ ਐਂਡ੍ਰਾਇਡ 8.1 ਓਰਿਓ ਨਾਲ ਈ. ਐੱਮ. ਯੂ. ਆਈ. 'ਤੇ ਕੰਮ ਕਰਦੇ ਹਨ। ਫਿਲਹਾਲ ਭਾਰਤੀ ਕੀਮਤ ਦੇ ਬਾਰੇ 'ਚ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ ਪਰ ਜੇਕਰ ਇਸ ਦੀ ਇੰਟਰਨੈਸ਼ਨਲ ਕੀਮਤ ਨੂੰ ਦੇਖੀਏ ਤਾਂ ਪੀ20 ਪ੍ਰੋ 72,000 ਰੁਪਏ ਤੇ ਪੀ20 ਲਾਈਟ ਨੂੰ 30,000 ਰੁਪਏ ਦੀ ਕੀਮਤ 'ਚ ਪੇਸ਼ ਕੀਤਾ ਜਾ ਸਕਦਾ ਹੈ।
ਹੁਵਾਵੇ ਪੀ20 ਪ੍ਰੋ ਦੇ ਸਪੈਸੀਫਿਕੇਸ਼ਨ -
ਇਸ ਸਮਾਰਟਫੋਨ 'ਚ 6.1 ਇੰਚ ਦੀ ਫੁੱਲ ਐੱਚ. ਡੀ+ OLED ਡਿਸਪਲੇਅ ਹੈ ਤੇ ਇਸ ਦਾ ਐਕਸਪੈਕਟ ਰੇਸ਼ੋ 18.7:9 ਹੈ। ਫੋਨ 'ਚ ਏ. ਆਈ. ਬੈਸਡ ਕਿਰਿਨ 970 ਔਕਟਾ-ਕੋਰ ਐੱਸ. ਓ. ਸੀ. ਹੈ, ਜੋ ਨਿਊਰਲ ਪ੍ਰੋਸੈਸਿੰਗ ਮਾਨਤਾ ਨਾਲ ਆ ਰਿਹਾ ਹੈ। ਕੈਮਰੇ ਤੋਂ ਫੋਟੋ ਕਲਿੱਕ ਕਰਦੇ ਸਮੇਂ ਤੁਹਾਨੂੰ ਅਬਜੈਕਟ ਮਾਨਤਾ ਅਤੇ ਆਟੋਮੈਟਿਕ ਸਕਰੀਨ ਮਾਨਤਾ ਦਾ ਫੀਚਰ ਮਿਲੇਗਾ। ਫੋਨ 'ਚ 6 ਜੀ. ਬੀ. ਦੀ ਰੈਮ, 128 ਜੀ. ਬੀ. ਦੀ ਇੰਟਰਨਲ ਸਟੋਰੇਜ ਆ ਰਹੀ ਹੈ। ਤੁਸੀਂ ਇਸ ਦੀ ਐਕਸਪੈਂਡੇਬਲ ਸਟੋਰੇਜ ਨੂੰ ਨਹੀਂ ਵਧਾ ਸਕਦੇ ਹੋ। ਆਪਟਿਕਸ ਦੀ ਗੱਲ ਕਰੀਏ ਤਾਂ ਇਸ 'ਚ 40 ਮੈਗਾਪਿਕਸਲ ਮੇਨ ਆਰ ਜੀ. ਬੀ. ਸੈਂਸਰ, ਦੂਜਾ 8 ਮੈਗਾਪਿਕਸਲ 3ਐੱਕਸ ਟੈਲੀਫੋਟੋ ਸੈਂਸਰ ਤੇ ਤੀਜਾ 20 ਮੈਗਾਪਿਕਸਲ ਮੋਨੋਕ੍ਰੋਮ ਸੈਂਸਰ ਹੈ। ਫੋਨ ਦੇ ਅਗਲੇ ਪਾਸੇ 24 ਮੈਗਾਪਿਕਸਲ ਦਾ ਕੈਮਰਾ ਹੈ। ਇਸ ਤੋਂ ਇਲਾਵਾ ਇਸ 'ਚ ਫੇਸ ਅਨਲਾਕ ਫੀਚਰ ਵੀ ਹੈ।
ਹੁਵਾਵੇ ਪੀ20 ਲਾਈਟ ਦੇ ਸੈਪਸੀਫਿਕੇਸ਼ਨ -
ਇਸ ਸਮਾਰਟਫੋਨ 'ਚ 5.84 ਇੰਚ ਦੀ ਫੁੱਲ ਐੱਚ. ਡੀ+ ਡਿਸਪਲੇਅ ਹੈ, ਜਿਸ ਦਾ ਅਸਪੈਕਟ ਰੇਸ਼ੋ 19:9 ਦਾ ਹੈ। ਫੋਨ 'ਚ ਹਾਈਸਿਲੀਕੋਨ ਕਿਰਿਨ 659 ਐੱਸ. ਓ. ਸੀ., 4 ਜੀ. ਬੀ. ਰੈਮ ਤੇ 64 ਜੀ. ਬੀ. ਦੀ ਇਨਬਿਲਟ ਸਟੋਰੇਜ ਹੈ। ਤੁਸੀਂ ਮਾਈਕ੍ਰੋ ਐੱਸ. ਡੀ. ਕਾਰਡ ਦੇ ਰਾਹੀਂ ਫੋਨ ਦੀ ਸਟੋਰੇਜ ਨੂੰ ਵਧਾ ਵੀ ਸਕਦੇ ਹੋ। ਇਸ ਦੇ ਬੈਕ 'ਤੇ ਡਿਊਲ ਕੈਮਰਾ ਸੈੱਟਅਪ ਹੈ। ਇਸ 'ਚ 16 ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ ਤੇ 2 ਮੈਗਾਪਿਕਸਲ ਦਾ ਸੈਕੰਡਰੀ ਸੈਂਸਰ ਹੈ। ਫੋਨ ਦੇ ਅਗਲੇ ਪਾਸੇ 16 ਮੈਗਾਪਿਕਸਲ ਦਾ ਕੈਮਰਾ ਹੈ। ਇਹ ਹੈਂਡਸੈੱਟ 3,000 ਐੱਮ. ਏ. ਐੱਚ. ਦੀ ਬੈਟਰੀ ਪੇਸ਼ ਹੋਵੇਗਾ।
