ਨਵੇਂ ਅਵਤਾਰ ''ਚ ਆ ਰਹੀ ਓਬੇਨ ਦੀ ਇਲੈਕਟ੍ਰਿਕ ਬਾਈਕ, ਕੰਪਨੀ ਨੇ ਜਾਰੀ ਕੀਤਾ ਟੀਜ਼ਰ

ਆਟੋ ਡੈਸਕ- ਭਾਰਤੀ ਬਾਜ਼ਾਰ ਵਿੱਚ ਇਲੈਕਟ੍ਰਿਕ ਵਾਹਨਾਂ ਦੀ ਵਧਦੀ ਮੰਗ ਦੇ ਵਿਚਕਾਰ ਬੈਂਗਲੁਰੂ ਸਥਿਤ ਸਟਾਰਟਅਪ ਕੰਪਨੀ ਓਬੇਨ ਇਲੈਕਟ੍ਰਿਕ ਇੱਕ ਨਵਾਂ ਧਮਾਕਾ ਕਰਨ ਲਈ ਤਿਆਰ ਹੈ। ਕੰਪਨੀ ਨੇ ਆਪਣੀ ਨਵੀਂ ਇਲੈਕਟ੍ਰਿਕ ਮੋਟਰਸਾਈਕਲ ਦਾ ਟੀਜ਼ਰ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕੀਤਾ ਹੈ, ਜਿਸ ਤੋਂ ਬਾਅਦ ਆਟੋ ਬਾਜ਼ਾਰ ਵਿੱਚ ਹਲਚਲ ਤੇਜ਼ ਹੋ ਗਈ ਹੈ।

ਟੀਜ਼ਰ ਵਿੱਚ ਕੀ ਹੈ ਖਾਸ? 

ਕੰਪਨੀ ਨੇ ਇਸ ਨਵੀਂ ਬਾਈਕ ਲਈ "Unleash The Bold" ਟੈਗਲਾਈਨ ਦੀ ਵਰਤੋਂ ਕੀਤੀ ਹੈ, ਜੋ ਇਸ ਦੇ ਆਕਰਸ਼ਕ ਲੁੱਕ ਅਤੇ ਦਮਦਾਰ ਪਾਵਰ ਵੱਲ ਇਸ਼ਾਰਾ ਕਰਦੀ ਹੈ। 

ਟੀਜ਼ਰ ਅਨੁਸਾਰ ਬਾਈਕ ਵਿੱਚ ਆਧੁਨਿਕ ਗੋਲ ਜਾਂ ਓਵਲ ਸ਼ੇਪ ਦਾ LED ਹੈੱਡਲੈਂਪ ਦਿੱਤਾ ਜਾ ਸਕਦਾ ਹੈ।
ਹੈੱਡਲੈਂਪ ਦੇ ਉੱਪਰਲੇ ਹਿੱਸੇ ਵਿੱਚ 'U' ਸ਼ੇਪ ਦੀ LED ਲਾਈਟ ਬਾਰ ਹੈ, ਜੋ ਇਸਨੂੰ ਪ੍ਰੀਮੀਅਮ ਅਤੇ ਭਵਿੱਖਵਾਦੀ (Futuristic) ਲੁੱਕ ਪ੍ਰਦਾਨ ਕਰਦੀ ਹੈ। ਬਿਹਤਰ ਰੋਸ਼ਨੀ ਲਈ ਇਸ ਵਿੱਚ ਇੱਕ ਪ੍ਰੋਜੈਕਟਰ ਲੈਂਸ ਵੀ ਨਜ਼ਰ ਆ ਰਿਹਾ ਹੈ। 

Ready to Unleash the Bold?
Stay Tuned! 30.4.2026#unleashthebold #obenelectric pic.twitter.com/7hm604TUMH

— Oben Electric (@ObenElectric) April 26, 2026

ਓਬੇਨ ਇਲੈਕਟ੍ਰਿਕ ਕੋਲ ਮੌਜੂਦਾ ਸਮੇਂ ਵਿੱਚ ਦੋ ਮਾਡਲ ਹਨ - Oben Rorr (ਫਲੈਗਸ਼ਿਪ ਮਾਡਲ) ਅਤੇ Oben Rorr EZ (ਰੋਜ਼ਾਨਾ ਵਰਤੋਂ ਲਈ ਕਿਫਾਇਤੀ ਮਾਡਲ)। ਕੰਪਨੀ ਦਾ ਇਹ ਤੀਜਾ ਮਾਡਲ ਸਿੱਧੇ ਤੌਰ 'ਤੇ ਬਾਜ਼ਾਰ ਵਿੱਚ ਮੌਜੂਦ ਹੋਰ ਸਪੋਰਟੀ ਇਲੈਕਟ੍ਰਿਕ ਮੋਟਰਸਾਈਕਲਾਂ ਨੂੰ ਸਖ਼ਤ ਟੱਕਰ ਦੇਵੇਗਾ।

ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਬਾਈਕ ਦੀ ਰੇਂਜ, ਟਾਪ ਸਪੀਡ, ਚਾਰਜਿੰਗ ਸਮਾਂ ਅਤੇ ਕੀਮਤ ਬਾਰੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ। ਇਹ ਸਾਰੀਆਂ ਵਿਸ਼ੇਸ਼ਤਾਵਾਂ 30 ਅਪ੍ਰੈਲ ਨੂੰ ਹੋਣ ਵਾਲੇ ਲਾਂਚ ਇਵੈਂਟ ਦੌਰਾਨ ਹੀ ਸਾਹਮਣੇ ਆਉਣਗੀਆਂ। ਆਟੋ ਮਾਹਿਰਾਂ ਦਾ ਅੰਦਾਜ਼ਾ ਹੈ ਕਿ ਇਸ ਨਵੀਂ ਬਾਈਕ ਵਿੱਚ ਕੰਪਨੀ ਵੱਡੀ ਬੈਟਰੀ ਅਤੇ ਬਿਹਤਰ ਸਮਾਰਟ ਫੀਚਰਸ ਦੇ ਸਕਦੀ ਹੈ।