6 ਏਅਰਬੈਗ ਤੇ ADAS ਦੀ ਸੇਫਟੀ, 27KM ਦੀ ਮਾਈਲੇਜ ! Honda ਨੇ ਲਾਂਚ ਕੀਤੀ ਧਾਕੜ ਕਾਰ

ਗੈਜੇਟ ਡੈਸਕ : ਹੋਂਡਾ ਨੇ ਭਾਰਤੀ ਬਾਜ਼ਾਰ 'ਚ ਆਪਣੀ ਪ੍ਰਸਿੱਧ ਸੇਡਾਨ ਕਾਰ 'ਸਿਟੀ' ਦਾ ਨਵਾਂ ਫੇਸਲਿਫਟ ਮਾਡਲ ਲਾਂਚ ਕਰ ਦਿੱਤਾ ਹੈ। ਇਹ ਇਸ ਕਾਰ ਦੀ ਪੰਜਵੀਂ ਜਨਰੇਸ਼ਨ ਦਾ ਦੂਜਾ ਫੇਸਲਿਫਟ ਹੈ, ਜਿਸ ਨੂੰ ਕੰਪਨੀ ਨੇ ਨਵੇਂ ਡਿਜ਼ਾਈਨ ਤੇ ਆਧੁਨਿਕ ਫੀਚਰਸ ਨਾਲ ਪੇਸ਼ ਕੀਤਾ ਹੈ। ਇਸ ਦੇ ਨਾਲ ਹੀ ਹੋਂਡਾ ਨੇ ਆਪਣੀ ਫਲੈਗਸ਼ਿਪ ਐਸਯੂਵੀ ZR-V ਹਾਈਬ੍ਰਿਡ ਨੂੰ ਵੀ ਭਾਰਤ ਵਿੱਚ ਉਤਾਰਿਆ ਹੈ।

ਸੁਰੱਖਿਆ ਅਤੇ ਹਾਈ-ਟੈਕ ਫੀਚਰਸ
ਨਵੀਂ ਹੋਂਡਾ ਸਿਟੀ ਨੂੰ ਸੁਰੱਖਿਆ ਦੇ ਪੱਖੋਂ ਕਾਫੀ ਮਜ਼ਬੂਤ ਬਣਾਇਆ ਗਿਆ ਹੈ। ਇਸ ਵਿੱਚ 6 ਏਅਰਬੈਗਸ, 360 ਡਿਗਰੀ ਕੈਮਰਾ ਅਤੇ ਲੈਵਲ 2 ADAS (ਐਡਵਾਂਸਡ ਡਰਾਈਵਰ ਅਸਿਸਟੈਂਸ ਸਿਸਟਮ) ਵਰਗੇ ਫੀਚਰਸ ਦਿੱਤੇ ਗਏ ਹਨ। ਕਾਰ ਦੇ ਕੈਬਿਨ ਵਿੱਚ 10.1 ਇੰਚ ਦਾ ਟੱਚਸਕ੍ਰੀਨ ਸਿਸਟਮ, ਵਾਇਰਲੈੱਸ ਐਪਲ ਕਾਰਪਲੇ ਅਤੇ ਐਂਡਰਾਇਡ ਆਟੋ, ਵੈਂਟੀਲੇਟਿਡ ਫਰੰਟ ਸੀਟਾਂ, 8 ਸਪੀਕਰ ਵਾਲਾ ਸਾਊਂਡ ਸਿਸਟਮ ਅਤੇ ਸਨਰੂਫ ਸ਼ਾਮਲ ਹਨ।

ਇੰਜਣ ਅਤੇ ਮਾਈਲੇਜ 
ਕਾਰ ਦੇ ਇੰਜਣ ਅਤੇ ਗੀਅਰਬਾਕਸ ਵਿੱਚ ਕੋਈ ਮਕੈਨੀਕਲ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਹ 1.5 ਲੀਟਰ ਪੈਟਰੋਲ ਅਤੇ 1.5 ਲੀਟਰ ਹਾਈਬ੍ਰਿਡ ਪਾਵਰਟ੍ਰੇਨ ਵਿਕਲਪਾਂ ਵਿੱਚ ਉਪਲਬਧ ਹੈ। ਹਾਈਬ੍ਰਿਡ ਵੇਰੀਐਂਟ ਲਈ ਕੰਪਨੀ 27.26 ਕਿਲੋਮੀਟਰ ਪ੍ਰਤੀ ਲੀਟਰ ਦੇ ਸ਼ਾਨਦਾਰ ਮਾਈਲੇਜ ਦਾ ਦਾਅਵਾ ਕਰ ਰਹੀ ਹੈ।

ਡਿਜ਼ਾਈਨ ਵਿੱਚ ਬਦਲਾਅ
ਕਾਰ ਦੇ ਬਾਹਰੀ ਹਿੱਸੇ (Exterior) ਨੂੰ ਕਾਫੀ ਨਵੀਂ ਦਿੱਖ ਦਿੱਤੀ ਗਈ ਹੈ। ਇਸ ਵਿੱਚ ਹੁਣ ਹਨੀਕੌਂਬ ਪੈਟਰਨ ਵਾਲੀ ਗ੍ਰਿਲ, ਆਈਬ੍ਰੋ ਸਟਾਈਲ LED ਡੀਆਰਐਲ (DRLs) ਵਾਲੇ ਹੈੱਡਲੈਂਪਸ ਅਤੇ ਨਵੇਂ ਡਿਜ਼ਾਈਨ ਵਾਲੇ ਬੰਪਰ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ ਕਾਰ ਵਿੱਚ ਡੁਅਲ ਟੋਨ ਅਲੌਏ ਵ੍ਹੀਲਜ਼ ਵੀ ਮਿਲਦੇ ਹਨ।

ਕੀਮਤ ਅਤੇ ਵੇਰੀਐਂਟਸ
ਹੋਂਡਾ ਸਿਟੀ ਫੇਸਲਿਫਟ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 11,99,900 ਰੁਪਏ ਰੱਖੀ ਗਈ ਹੈ। ਇਹ ਕਾਰ ਚਾਰ ਟ੍ਰਿਮਸ—SV, V, ZX ਅਤੇ ZX Plus ਵਿੱਚ ਉਪਲਬਧ ਹੋਵੇਗੀ। ਸਟ੍ਰੌਂਗ ਹਾਈਬ੍ਰਿਡ ਮਾਡਲ ਸਿਰਫ ਟਾਪ ਵੇਰੀਐਂਟ ZX Plus ਵਿੱਚ ਮਿਲੇਗਾ, ਜਿਸ ਦੀ ਕੀਮਤ 21 ਲੱਖ ਰੁਪਏ ਤੱਕ ਜਾਂਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e