ਇਲੈਕਟ੍ਰਿਕ ਕਾਰ ਬਾਜ਼ਾਰ ''ਚ ਧਮਾਕਾ! 500Km ਰੇਂਜ ਵਾਲੀ ਗੱਡੀ ਲਾਂਚ, ਡਿਜ਼ਾਈਨ ਦੇਖ ਉੱਡ ਜਾਣਗੇ ਹੋਸ਼

ਆਟੋ ਡੈਸਕ : ਇਲੈਕਟ੍ਰਿਕ ਵਾਹਨ (EV) ਬਾਜ਼ਾਰ ਵਿੱਚ ਤੇਜ਼ੀ ਨਾਲ ਆਪਣੀ ਪਛਾਣ ਬਣਾ ਰਹੀ ਕੰਪਨੀ VinFast ਨੇ ਵੀਅਤਨਾਮ ਵਿੱਚ ਆਪਣੀ ਨਵੀਂ ਜਨਰੇਸ਼ਨ ਦੀ VF 8 ਇਲੈਕਟ੍ਰਿਕ SUV ਪੇਸ਼ ਕਰ ਦਿੱਤੀ ਹੈ। ਕੰਪਨੀ ਨੇ ਇਸ SUV ਦੇ ਡਿਜ਼ਾਈਨ, ਕੇਬਿਨ ਤਕਨੀਕ ਅਤੇ ਡਰਾਈਵਿੰਗ ਸਿਸਟਮ ਵਿੱਚ ਕਈ ਵੱਡੇ ਬਦਲਾਅ ਕੀਤੇ ਹਨ, ਜੋ ਇਸਨੂੰ ਬੇਹੱਦ ਆਧੁਨਿਕ ਬਣਾਉਂਦੇ ਹਨ। ਭਾਵੇਂ ਕੰਪਨੀ ਨੇ ਅਜੇ ਭਾਰਤ ਵਿੱਚ ਇਸਨੂੰ ਲਾਂਚ ਕਰਨ ਦਾ ਅਧਿਕਾਰਤ ਐਲਾਨ ਨਹੀਂ ਕੀਤਾ, ਪਰ ਉਮੀਦ ਜਤਾਈ ਜਾ ਰਹੀ ਹੈ ਕਿ ਇਹ ਜਲਦੀ ਹੀ ਭਾਰਤੀ ਸੜਕਾਂ 'ਤੇ ਨਜ਼ਰ ਆ ਸਕਦੀ ਹੈ।

ਵੀਅਤਨਾਮ ਵਿੱਚ ਇਸ SUV ਦੀ ਕੀਮਤ 999 ਮਿਲੀਅਨ VND ਰੱਖੀ ਗਈ ਹੈ, ਜੋ ਭਾਰਤੀ ਰੁਪਏ ਵਿੱਚ ਲਗਭਗ 36.5 ਲੱਖ ਰੁਪਏ ਦੇ ਬਰਾਬਰ ਹੈ। ਕੰਪਨੀ 27 ਮਈ 2026 ਤੋਂ ਇਸਦੀ ਬੁਕਿੰਗ ਸ਼ੁਰੂ ਕਰਨ ਜਾ ਰਹੀ ਹੈ, ਜਦਕਿ ਇਸਦੀ ਡਿਲੀਵਰੀ ਜੁਲਾਈ 2026 ਦੇ ਆਖਰੀ ਹਫ਼ਤੇ ਤੋਂ ਸ਼ੁਰੂ ਹੋਣ ਦੀ ਉਮੀਦ ਹੈ। ਸ਼ੁਰੂਆਤੀ ਗਾਹਕਾਂ ਨੂੰ ਕੰਪਨੀ ਲਗਭਗ 1.86 ਲੱਖ ਰੁਪਏ ਤੱਕ ਦਾ ਵਿਸ਼ੇਸ਼ ਡਿਸਕਾਊਂਟ ਵੀ ਦੇ ਰਹੀ ਹੈ।

ਨਵੀਂ VinFast VF 8 ਨੂੰ ਕੰਪਨੀ ਦੀ “Tech Fluid” ਡਿਜ਼ਾਈਨ ਫਿਲਾਸਫੀ 'ਤੇ ਤਿਆਰ ਕੀਤਾ ਗਿਆ ਹੈ। ਫਰੰਟ ਵਿੱਚ ਚੌੜੀ ਗਲੌਸ ਬਲੈਕ ਗ੍ਰਿਲ ਅਤੇ ਵਿੰਗ ਵਰਗੀਆਂ LED ਡੇ-ਟਾਈਮ ਰਨਿੰਗ ਲਾਈਟਾਂ (DRL) ਦਿੱਤੀਆਂ ਗਈਆਂ ਹਨ। ਇਸਦੀ ਲੰਬਾਈ 4,701 ਮਿਲੀਮੀਟਰ ਅਤੇ ਵ੍ਹੀਲਬੇਸ 2,840 ਮਿਲੀਮੀਟਰ ਹੈ, ਜਿਸ ਨਾਲ ਗੱਡੀ ਦੇ ਅੰਦਰ ਕਾਫ਼ੀ ਜ਼ਿਆਦਾ ਜਗ੍ਹਾ ਮਿਲਦੀ ਹੈ।

SUV ਦੇ ਅੰਦਰ 12.9 ਇੰਚ ਦੀ ਵੱਡੀ ਇੰਫੋਟੇਨਮੈਂਟ ਸਕ੍ਰੀਨ ਲਗਾਈ ਗਈ ਹੈ। ਗੇਅਰ ਸਿਲੈਕਟਰ ਨੂੰ ਸਟੀਅਰਿੰਗ ਕਾਲਮ 'ਤੇ ਲਗਾਇਆ ਗਿਆ ਹੈ ਤਾਂ ਜੋ ਕੇਬਿਨ ਵਿੱਚ ਵਧੇਰੇ ਜਗ੍ਹਾ ਮਿਲ ਸਕੇ। ਇਸ ਤੋਂ ਇਲਾਵਾ, ਇਸ ਵਿੱਚ ਡਿਊਲ-ਜ਼ੋਨ ਕਲਾਈਮੇਟ ਕੰਟਰੋਲ, ਏਅਰ ਆਇਓਨਾਈਜ਼ੇਸ਼ਨ ਸਿਸਟਮ ਅਤੇ ਡਰਾਈਵਰ ਸੀਟ ਲਈ 6-ਵੇਅ ਪਾਵਰ ਐਡਜਸਟਮੈਂਟ ਵਰਗੇ ਫੀਚਰਸ ਦਿੱਤੇ ਗਏ ਹਨ।

ਇੱਕ ਵਾਰ ਚਾਰਜ ਕਰਨ 'ਤੇ ਚੱਲੇਗੀ 500Km
ਇਸ ਵਿੱਚ 60.13kWh ਦਾ ਬੈਟਰੀ ਪੈਕ ਹੈ, ਜੋ ਇੱਕ ਵਾਰ ਚਾਰਜ ਕਰਨ 'ਤੇ 500 ਕਿਲੋਮੀਟਰ ਤੱਕ ਦੀ ਰੇਂਜ ਦਿੰਦਾ ਹੈ।
ਇਸਦੀ 170kW ਦੀ ਮੋਟਰ 330Nm ਦਾ ਟਾਰਕ ਪੈਦਾ ਕਰਦੀ ਹੈ।
ਫਾਸਟ ਚਾਰਜਿੰਗ ਰਾਹੀਂ ਇਹ ਬੈਟਰੀ ਸਿਰਫ਼ 30 ਮਿੰਟਾਂ ਵਿੱਚ 10% ਤੋਂ 70% ਤੱਕ ਚਾਰਜ ਹੋ ਸਕਦੀ ਹੈ।

ਸੁਰੱਖਿਆ ਦੇ ਲਿਹਾਜ਼ ਨਾਲ ਇਸ ਵਿੱਚ ADAS ਦਿੱਤਾ ਗਿਆ ਹੈ, ਜਿਸ ਵਿੱਚ ਅਡੈਪਟਿਵ ਕਰੂਜ਼ ਕੰਟਰੋਲ, ਬਲਾਇੰਡ ਸਪੌਟ ਵਾਰਨਿੰਗ ਅਤੇ 360-ਡਿਗਰੀ ਕੈਮਰਾ ਸ਼ਾਮਲ ਹੈ। ਕੰਪਨੀ ਇਸ SUV 'ਤੇ 7 ਸਾਲ ਜਾਂ 1.60 ਲੱਖ ਕਿਲੋਮੀਟਰ ਦੀ ਵਾਰੰਟੀ ਦੇ ਰਹੀ ਹੈ, ਜਦਕਿ ਬੈਟਰੀ 'ਤੇ 8 ਸਾਲ ਦੀ ਵਾਰੰਟੀ ਮਿਲੇਗੀ।