200 MP ਕੈਮਰਾ, ਸ਼ਾਨਦਾਰ ਬੈਟਰੀ ! iPhone ਅਤੇ Samsung ਨੂੰ ਟੱਕਰ ਦੇਣ ਆ ਰਿਹਾ ਧਾਕੜ ਸਮਾਰਟਫੋਨ

ਗੈਜੇਟ ਡੈਸਕ- ਭਾਰਤੀ ਬਾਜ਼ਾਰ 'ਚ iQOO ਜਲਦੀ ਹੀ ਆਪਣਾ ਇਕ ਨਵਾਂ ਅਤੇ ਸ਼ਕਤੀਸ਼ਾਲੀ ਸਮਾਰਟਫੋਨ iQOO 15R ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਫੋਨ ਖਾਸ ਤੌਰ 'ਤੇ ਉਨ੍ਹਾਂ ਯੂਜ਼ਰਸ ਨੂੰ ਧਿਆਨ 'ਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ ਜੋ ਘੱਟ ਕੀਮਤ 'ਚ ਫਲੈਗਸ਼ਿਪ ਫੀਚਰਸ ਦੀ ਭਾਲ ਕਰ ਰਹੇ ਹਨ। ਕੰਪਨੀ ਨੇ ਇਸ ਦੀ ਲਾਂਚਿੰਗ ਡੇਟ ਦੀ ਪੁਸ਼ਟੀ ਕਰ ਦਿੱਤੀ ਹੈ ਅਤੇ ਇਹ ਸਮਾਰਟਫੋਨ 24 ਫਰਵਰੀ ਨੂੰ ਭਾਰਤ 'ਚ ਦਸਤਕ ਦੇਵੇਗਾ।

ਕੈਮਰਾ ਅਤੇ ਡਿਸਪਲੇਅ ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ 

ਇਸ ਦਾ 200MP ਦਾ ਪ੍ਰਾਇਮਰੀ ਰੀਅਰ ਕੈਮਰਾ ਸੈੱਟਅੱਪ ਹੈ। ਇਸ ਦੇ ਨਾਲ ਹੀ 8MP ਦਾ ਅਲਟਰਾ ਵਾਈਡ ਐਂਗਲ ਲੈਂਸ ਅਤੇ ਸੈਲਫੀ ਲਈ 32MP ਦਾ ਫਰੰਟ ਕੈਮਰਾ ਮਿਲਣ ਦੀ ਉਮੀਦ ਹੈ। ਫੋਨ ਵਿੱਚ 6.59-ਇੰਚ ਦੀ AMOLED ਡਿਸਪਲੇਅ ਦਿੱਤੀ ਗਈ ਹੈ, ਜੋ 144Hz ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰਦੀ ਹੈ। 

ਦਮਦਾਰ ਪ੍ਰੋਸੈਸਰ ਅਤੇ ਬੈਟਰੀ 

iQOO 15R 'ਚ ਬਿਹਤਰੀਨ ਪਰਫਾਰਮੈਂਸ ਲਈ Snapdragon 8 Gen 5 ਪ੍ਰੋਸੈਸਰ ਦਿੱਤਾ ਜਾਵੇਗਾ ਅਤੇ ਇਹ Android 16 'ਤੇ ਅਧਾਰਤ ਆਪਰੇਟਿੰਗ ਸਿਸਟਮ 'ਤੇ ਚੱਲੇਗਾ। ਫੋਨ ਨੂੰ ਲੰਬੇ ਸਮੇਂ ਤੱਕ ਚਲਾਉਣ ਲਈ 7600mAh ਦੀ ਵੱਡੀ ਬੈਟਰੀ ਦਿੱਤੀ ਗਈ ਹੈ, ਜੋ 100W ਦੀ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਇਸ ਤੋਂ ਇਲਾਵਾ, ਇਹ ਡਿਵਾਈਸ IP68 ਅਤੇ IP69 ਰੇਟਿੰਗ ਦੇ ਨਾਲ ਆਵੇਗੀ, ਜੋ ਇਸਨੂੰ ਪਾਣੀ ਅਤੇ ਧੂੜ ਤੋਂ ਸੁਰੱਖਿਅਤ ਬਣਾਉਂਦੀ ਹੈ।

ਕੀਮਤ ਅਤੇ ਉਪਲਬਧਤਾ 

ਇਹ ਸਮਾਰਟਫੋਨ ਵਿਕਰੀ ਲਈ ਐਮਾਜ਼ੋਨ (Amazon) 'ਤੇ ਉਪਲਬਧ ਹੋਵੇਗਾ। ਚੀਨ 'ਚ ਇਸ ਫੋਨ ਦੇ 12GB RAM + 256GB ਸਟੋਰੇਜ ਵੇਰੀਐਂਟ ਦੀ ਕੀਮਤ ਲਗਭਗ 36,000 ਰੁਪਏ ਹੈ। ਭਾਰਤ 'ਚ ਇਹ 8GB RAM + 256GB ਦੇ ਬੇਸ ਵੇਰੀਐਂਟ ਨਾਲ ਲਾਂਚ ਹੋ ਸਕਦਾ ਹੈ, ਹਾਲਾਂਕਿ ਭਾਰਤੀ ਕੀਮਤ ਬਾਰੇ ਅਧਿਕਾਰਤ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਇਹ ਫੋਨ ਚੀਨ 'ਚ ਲਾਂਚ ਹੋਏ iQOO Z11 Turbo ਦਾ ਰੀਬ੍ਰਾਂਡਡ ਵਰਜ਼ਨ ਹੋ ਸਕਦਾ ਹੈ। ਆਪਣੇ ਘੱਟ ਕੀਮਤ ਅਤੇ ਉੱਚ-ਪੱਧਰੀ ਵਿਸ਼ੇਸ਼ਤਾਵਾਂ ਦੇ ਨਾਲ, ਇਹ ਫੋਨ iPhone ਅਤੇ Samsung ਵਰਗੀਆਂ ਵੱਡੀਆਂ ਕੰਪਨੀਆਂ ਲਈ ਚੁਣੌਤੀ ਬਣ ਸਕਦਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e