Huawei ਨੇ ਇਕ ਵਾਰ ਫਿਰ ਉਡਾਇਆ ਸੈਮਸੰਗ ਦਾ ਮਜ਼ਾਕ

ਗੈਜੇਟ ਡੈਸਕ– ਹੁਵਾਵੇਈ ਅਜਿਹੀ ਪਹਿਲੀ ਕੰਪਨੀ ਹੈ ਜਿਸ ਨੇ ਸੈਮਸੰਗ ਦੇ ਨਵੇਂ ਸਮਾਰਟਫੋਨ ਨੂੰ ਲੈ ਕੇ ਫਿਰ ਤੋਂ ਮਜ਼ਾਕ ਉਡਾਇਆ ਹੈ। ਇਸ ਵਾਰ ਪ੍ਰੋਡਕਟ ਦੇ ਫੀਚਰਜ਼ ਨੂੰ ਲੈ ਕੇ ਗੱਲ ਹੋਈ ਹੈ। ਸੈਮਸੰਗ ਨੇ ਜਿਵੇਂ ਹੀ ਆਪਣੇ ਨਵੇਂ ਸਮਾਰਟਫੋਨ ਨੂੰ ਲਾਂਚ ਕੀਤਾ, ਹੁਵਾਵੇਈ ਨੇ ਤੁਰੰਤ ਹੀ ਕੁਝ ਟਵੀਟਸ ਦੀ ਮਦਦ ਨਾਲ ਸੈਮਸੰਗ ਦੇ ਇਨ੍ਹਾਂ ਸਮਾਰਟਫੋਨਜ਼ ਦਾ ਮਜ਼ਾਕ ਉਡਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਦੌਰਾਨ ਕੰਪਨੀ ਨੇ ਆਪਣੇ ਆਉਣ ਵਾਲੇ ਪੀ ਸੀਰੀਜ਼ ਦੇ ਸਮਾਰਟਫੋਨ ਦਾ ਵੀ ਪ੍ਰੋਮਸ਼ਨ ਕੀਤਾ ਜੋ ਹੁਵਾਵੇਈ ਪੀ30 ਹੋਵੇਗਾ। 

Good things come in threes. Better late than never. Leica Triple Camera on the #HUAWEIMate20 Series. pic.twitter.com/VWRkBlFOcV

— Huawei Mobile (@HuaweiMobile) February 20, 2019

ਟਵਿਟਰ ਟ੍ਰੋਲਿੰਗ ਦੀ ਗੱਲ ਕਰੀਏ ਤਾਂ ਹੁਵਾਵੇਈ ਨੇ ਪਹਿਲਾ ਟਵੀਟ ਸੈਮਸੰਗ ਦੇ ਲੇਟੈਸਟ ਫੋਨ ਦਾ ਸਵਾਗਤ ਕਰਦੇ ਹੋਏ ਕੀਤਾ ਜਿਥੇ ਇਹ ਕਿਹਾ ਕਿ, ਚੰਗੀਆਂ ਚੀਜ਼ਾਂ ਹਮੇਸ਼ਾ ਤਿੰਨ ’ਚ ਆਉਂਦੀਆਂ ਹਨ। ਟ੍ਰਿਪਲ ਕੈਮਰਾ ਕਲੱਬ ’ਚ ਤੁਹਾਡਾ ਸਵਾਗਤ ਹੈ। ਹੁਵਾਵੇਈ ਪੀ20 ਪ੍ਰੋ ਪਹਿਲਾਂ ਹੀ ਤਿੰਨ ਰੀਅਰ ਕੈਮਰੇ ਦੇ ਨਾਲ ਆ ਚੁੱਕਾ ਹੈ। ਟ੍ਰੈਂਡ ਨੂੰ ਪਿਛਲੇ ਮੈਟ 20 ਪ੍ਰੋ ਨੇ ਅੱਗੇ ਵਧਾਇਆ। ਹੁਵਾਵੇਈ ਦਾ ਦੂਜਾ ਟਵੀਟ ਇਕ ਇਮੇਜ ਦੇ ਨਾਲ ਆਇਆ ਹੈ ਜਿਥੇ “Standard doesn’t do Powerful zoom” ’ਚ 'S' और 'P' ਨੂੰ ਹਾਈਲਾਈਟ ਕੀਤਾ ਗਿਆ। ਇਥੇ ਗਲੈਕਸੀ ਐੱਸ ਸੀਰੀਜ਼ ਨੂੰ ਪੂਰੀ ਤਰ੍ਹਾਂ ਹੁਵਾਵੇਈ ਨੇ ਮੌਕ ਕੀਤਾ ਅਤੇ ਆਪਣੇ ਪੀ30 ਸੀਰੀਜ਼ ਦਾ ਪ੍ਰੋਮਸ਼ਨ ਵੀ ਕੀਤਾ। 

The competition isn't even close. A better zoom is coming on 26.03.2019. #RewriteTheRules #HUAWEIP30 pic.twitter.com/mdXWlFqsl1

— Huawei Mobile (@HuaweiMobile) February 20, 2019

ਤੀਜਾ ਟਵੀਟ ਹੁਵਾਵੇਈ ਨੇ ਇਹ ਦਿਖਾਉਂਦੇ ਹੋਏ ਕੀਤਾ ਜਿਥੇ ਮੈਟ 20 ਪ੍ਰੋ ਦੀ ਤਸਵੀਰ ਸੀ। ਇਥੇ ਟੈਕਸਟ ਸੀ, ‘ਆਖਰਕਾਰ ਰਿਵਰਸ ਚਾਰਜਿੰਗ, ਸ਼ੋਰ ਮਚਾਓ ਜਦੋਂ ਤੁਹਾਨੂੰ ਬੂਸਟ ਦੀ ਲੋੜ ਹੋਵੇ।’ ਦੱਸ ਦੇਈਏ ਕਿ ਮੈਟ 20 ਪਹਿਲਾ ਅਜਿਹਾ ਫੋਨ ਸੀ ਜਿਸ ਵਿਚ ਰਿਵਰਸ ਚਾਰਜਿੰਗ ਫੀਚਰ ਦੀ ਸੁਵਿਧਾ ਦਿੱਤੀ ਗਈ ਸੀ। ਸੈਮਸੰਗ ਗਲੈਕਸੀ ਐੱਸ10+ ’ਚ ਵੀ ਹੁਣ ਇਸ ਫੀਚਰ ਨੂੰ ਸ਼ਾਮਲ ਕੀਤਾ ਗਿਆ ਹੈ। 

Leading the charge #HUAWEIMate20Pro. pic.twitter.com/bjyzpDggOF

— Huawei Mobile (@HuaweiMobile) February 20, 2019

ਇਸ ਤੋਂ ਬਾਅਦ ਅਖੀਰ ’ਚ ਕੰਪਨੀ ਨੇ ਬੈਟਰੀ ਨੂੰ ਲੈ ਕੇ ਮਜ਼ਾਕ ਕੀਤਾ। ਸੈਮਸੰਗ ਗਲੈਕਸੀ ਐੱਸ10+ ’ਚ ਜਿਥੇ 4100mAh ਦੀ ਬੈਟਰੀ ਹੈ ਤਾਂ ਉਥੇ ਹੀ ਮੈਟ20 ਪ੍ਰੋ ’ਚ 4200mAh। ਹਾਲਾਂਕਿ ਦੋਵਾਂ ’ਚ ਸਿਰਫ 100mAh ਦਾ ਫਰਕ ਹੈ। 

We've got staying power, do you? Long-lasting battery on the #HUAWEIMate20 Series. pic.twitter.com/iFyOY082UN

— Huawei Mobile (@HuaweiMobile) February 20, 2019

ਦੱਸ ਦੇਈਏ ਕਿ ਇਹ ਕਨਫਰਮ ਹੋ ਚੁੱਕਾ ਹੈ ਕਿ ਪੀ20 ਸਮਾਰਟਫੋਨ ਸੀਰੀਜ਼ ਨੂੰ 26 ਫਰਵਰੀ ਨੂੰ ਪੈਰਿਸ ਦੇ ਇਕ ਈਵੈਂਟ ’ਚ ਲਾਂਚ ਕੀਤਾ ਜਾਵੇਗਾ। MWC 2019 ਦੀ ਗੱਲ ਕਰੀਏ ਤਾਂ ਹੈਂਡਸੈੱਟ ਮੇਕਰ ਨੇ ਆਪਣੇ ਫੋਲਡੇਬਲ ਸਮਾਰਟਫੋਨ ਦੀ ਵੀ ਝਲਕ ਦੇ ਦਿੱਤੀ ਹੈ।