ਗੈਜੇਟ ਡੈਸਕ -  ਚੀਨੀ ਟੈਕਨਾਲੋਜੀ ਕੰਪਨੀ ਓਪੋ (Oppo) ਨੇ ਭਾਰਤ 'ਚ ਆਪਣੀ K14 ਸੀਰੀਜ਼ ਦਾ ਨਵਾਂ ਸਮਾਰਟਫੋਨ Oppo K14 5G ਲਾਂਚ ਕਰ ਦਿੱਤਾ ਹੈ। ਇਹ ਫੋਨ ਖਾਸ ਤੌਰ 'ਤੇ ਆਪਣੀ ਵੱਡੀ ਬੈਟਰੀ ਅਤੇ ਸ਼ਾਨਦਾਰ ਕੈਮਰਾ ਸੈੱਟਅੱਪ ਲਈ ਚਰਚਾ 'ਚ ਹੈ। ਕੰਪਨੀ ਨੇ ਇਸ ਨੂੰ ਤਿੰਨ ਵੱਖ-ਵੱਖ ਸਟੋਰੇਜ ਵੇਰੀਐਂਟਸ ਅਤੇ ਤਿੰਨ ਆਕਰਸ਼ਕ ਰੰਗਾਂ 'ਚ ਪੇਸ਼ ਕੀਤਾ ਹੈ।

ਕੀਮਤ ਅਤੇ ਬੈਂਕ ਆਫਰਸ

ਭਾਰਤ 'ਚ Oppo K14 5G ਦੀ ਸ਼ੁਰੂਆਤੀ ਕੀਮਤ 17,999 ਰੁਪਏ (6GB+128GB) ਰੱਖੀ ਗਈ ਹੈ। ਇਸ ਤੋਂ ਇਲਾਵਾ 6GB+256GB ਵੇਰੀਐਂਟ ਦੀ ਕੀਮਤ 19,999 ਰੁਪਏ ਅਤੇ 8GB+256GB ਟੌਪ ਮਾਡਲ ਦੀ ਕੀਮਤ 21,999 ਰੁਪਏ ਹੈ। ਗਾਹਕਾਂ ਲਈ HDFC, ICICI ਅਤੇ SBI ਬੈਂਕ ਦੇ ਕਾਰਡਾਂ 'ਤੇ 1,000 ਰੁਪਏ ਦੀ ਤੁਰੰਤ ਛੋਟ (Instant Discount) ਵੀ ਦਿੱਤੀ ਜਾ ਰਹੀ ਹੈ। ਇਹ ਫੋਨ ਫਲਿੱਪਕਾਰਟ ਅਤੇ ਓਪੋ ਦੇ ਆਨਲਾਈਨ ਸਟੋਰ 'ਤੇ ਵਿਕਰੀ ਲਈ ਉਪਲਬਧ ਹੈ।

Oppo K14 5G ਦੇ ਖਾਸ ਫੀਚਰਸ :-

ਡਿਸਪਲੇਅ
- ਇਸ ਫੋਨ 'ਚ 6.75-ਇੰਚ ਦੀ HD+ LCD ਸਕ੍ਰੀਨ ਦਿੱਤੀ ਗਈ ਹੈ, ਜੋ 120Hz ਰਿਫ੍ਰੈਸ਼ ਰੇਟ ਅਤੇ 1,125 nits ਦੀ ਪੀਕ ਬ੍ਰਾਈਟਨੈੱਸ ਨੂੰ ਸਪੋਰਟ ਕਰਦੀ ਹੈ।

ਪ੍ਰੋਸੈਸਰ ਤੇ ਸਟੋਰੇਜ
- ਬਿਹਤਰ ਪਰਫਾਰਮੈਂਸ ਲਈ ਇਸ 'ਚ MediaTek Dimensity 6300 ਚਿੱਪਸੈੱਟ ਲਗਾਇਆ ਗਿਆ ਹੈ। ਇਸ 'ਚ 8GB ਤੱਕ ਦੀ LPDDR4x RAM ਅਤੇ 256GB ਤੱਕ ਦੀ ਸਟੋਰੇਜ ਮਿਲਦੀ ਹੈ।

ਬੈਟਰੀ
- ਫੋਨ ਦੀ ਸਭ ਤੋਂ ਵੱਡੀ ਖੂਬੀ ਇਸ ਦੀ 7,000mAh ਦੀ ਬੈਟਰੀ ਹੈ, ਜੋ 45W SuperVOOC ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।

ਕੈਮਰਾ
- ਫੋਟੋਗ੍ਰਾਫੀ ਲਈ ਪਿਛਲੇ ਪਾਸੇ 50-ਮੈਗਾਪਿਕਸਲ ਦਾ ਮੇਨ ਕੈਮਰਾ ਅਤੇ 2-ਮੈਗਾਪਿਕਸਲ ਦਾ ਮੋਨੋਕ੍ਰੋਮ ਸੈਂਸਰ ਹੈ। ਸੈਲਫੀ ਲਈ ਫੋਨ ਦੇ ਫਰੰਟ 'ਚ 8-ਮੈਗਾਪਿਕਸਲ ਦਾ ਕੈਮਰਾ ਦਿੱਤਾ ਗਿਆ ਹੈ।

ਆਪਰੇਟਿੰਗ ਸਿਸਟਮ
- ਇਹ ਸਮਾਰਟਫੋਨ Android 15 'ਤੇ ਅਧਾਰਤ ColorOS 15 'ਤੇ ਚੱਲਦਾ ਹੈ।

ਮਜ਼ਬੂਤੀ
- ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਫੋਨ ਧੂੜ ਅਤੇ ਪਾਣੀ ਤੋਂ ਬਚਾਅ ਲਈ IP66, IP68 ਅਤੇ IP69 ਰੇਟਿੰਗ ਦੇ ਨਾਲ ਆਉਂਦਾ ਹੈ।

ਇਹ ਹੈਂਡਸੈੱਟ ਆਈਸੀ ਬਲੂ, ਪ੍ਰਿਜ਼ਮ ਵਾਇਲੇਟ ਅਤੇ ਪ੍ਰਿਜ਼ਮ ਵ੍ਹਾਈਟ ਰੰਗਾਂ ਵਿੱਚ ਖਰੀਦਿਆ ਜਾ ਸਕਦਾ ਹੈ।