7500mAh ਦੀ Massive ਬੈਟਰੀ ਅਤੇ 144Hz ਡਿਸਪਲੇਅ ਵਾਲਾ ''Powerful'' ਸਮਾਰਟਫੋਨ ਜਲਦ ਹੋਵੇਗਾ ਲਾਂਚ!

ਗੈਜੇਟ ਡੈਸਕ - ਸਮਾਰਟਫੋਨ ਨਿਰਮਾਤਾ ਕੰਪਨੀ Redmi ਭਾਰਤ 'ਚ ਇਕ ਹੋਰ ਵੱਡਾ ਧਮਾਕਾ ਕਰਨ ਦੀ ਤਿਆਰੀ 'ਚ ਹੈ। ਕੰਪਨੀ ਜਲਦ ਹੀ ਆਪਣਾ ਨਵਾਂ ਸਮਾਰਟਫੋਨ Redmi Turbo 5 ਭਾਰਤੀ ਬਾਜ਼ਾਰ 'ਚ ਲਾਂਚ ਕਰਨ ਜਾ ਰਹੀ ਹੈ। ਇਸ ਫੋਨ ਦੀ ਲਾਂਚਿੰਗ ਦਾ ਸੰਕੇਤ ਈ-ਕਾਮਰਸ ਵੈੱਬਸਾਈਟ Amazon 'ਤੇ ਲਾਈਵ ਹੋਈ ਇਕ ਮਾਈਕ੍ਰੋਸਾਈਟ ਤੋਂ ਮਿਲਿਆ ਹੈ, ਜਿੱਥੇ ਇਸ ਨੂੰ "ਕਮਿੰਗ ਸੂਨ" ਦੱਸਿਆ ਗਿਆ ਹੈ।

ਗੇਮਿੰਗ ਦੇ ਸ਼ੌਕੀਨਾਂ ਲਈ ਹੋਵੇਗਾ ਖਾਸ
ਸਰੋਤਾਂ ਅਨੁਸਾਰ, Redmi Turbo 5 ਨੂੰ ਖਾਸ ਤੌਰ 'ਤੇ ਗੇਮਿੰਗ ਨੂੰ ਧਿਆਨ 'ਚ ਰੱਖ ਕੇ ਡਿਜ਼ਾਈਨ ਕੀਤਾ ਗਿਆ ਹੈ। ਇਸ 'ਚ MediaTek Dimensity 8500 ਪ੍ਰੋਸੈਸਰ ਮਿਲਣ ਦੀ ਉਮੀਦ ਹੈ, ਜੋ ਗੇਮਿੰਗ ਅਤੇ ਮਲਟੀਟਾਸਕਿੰਗ ਲਈ ਕਾਫ਼ੀ ਦਮਦਾਰ ਮੰਨਿਆ ਜਾਂਦਾ ਹੈ। ਫੋਨ ਨੂੰ ਲੰਬੇ ਸਮੇਂ ਤੱਕ ਗੇਮ ਖੇਡਣ ਦੌਰਾਨ ਗਰਮ ਹੋਣ ਤੋਂ ਬਚਾਉਣ ਲਈ ਇਸ 'ਚ ਇਕ ਵੱਡਾ ਵੇਪਰ ਚੈਂਬਰ ਕੂਲਿੰਗ ਸਿਸਟਮ ਵੀ ਦਿੱਤਾ ਜਾ ਸਕਦਾ ਹੈ।

ਸ਼ਾਨਦਾਰ ਡਿਸਪਲੇਅ ਅਤੇ ਬੈਟਰੀ
ਫੋਨ 'ਚ 6.78 ਇੰਚ ਦੀ 1.5K AMOLED ਡਿਸਪਲੇਅ ਮਿਲ ਸਕਦੀ ਹੈ, ਜੋ 144Hz ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰੇਗੀ। ਇਸ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ 7500mAh ਦੀ ਵਿਸ਼ਾਲ ਬੈਟਰੀ ਹੋਵੇਗੀ, ਜੋ 90W ਫਾਸਟ ਚਾਰਜਿੰਗ ਸਪੋਰਟ ਨਾਲ ਆ ਸਕਦੀ ਹੈ।

ਕੈਮਰਾ ਅਤੇ ਹੋਰ ਫੀਚਰਸ

ਕੈਮਰਾ
- ਫੋਨ ਦੇ ਪਿਛਲੇ ਹਿੱਸੇ 'ਤੇ 50MP ਦਾ ਪ੍ਰਾਇਮਰੀ ਕੈਮਰਾ (OIS ਸਪੋਰਟ ਨਾਲ) ਅਤੇ ਸੈਲਫੀ ਲਈ 16MP ਦਾ ਫਰੰਟ ਕੈਮਰਾ ਹੋਣ ਦੀ ਸੰਭਾਵਨਾ ਹੈ।

ਸਟੋਰੇਜ
- ਇਸ 'ਚ 8GB ਅਤੇ 12GB RAM ਦੇ ਨਾਲ 256GB ਅਤੇ 512GB ਸਟੋਰੇਜ ਦੇ ਵਿਕਲਪ ਮਿਲ ਸਕਦੇ ਹਨ।

ਸਾਫਟਵੇਅਰ
- ਇਹ ਫੋਨ Android 16 'ਤੇ ਅਧਾਰਿਤ HyperOS 3.0 'ਤੇ ਚੱਲ ਸਕਦਾ ਹੈ।

ਹੋਰ ਸਹੂਲਤਾਂ
- ਇਨ-ਡਿਸਪਲੇਅ ਫਿੰਗਰਪ੍ਰਿੰਟ ਸੈਂਸਰ, Dolby Atmos ਸਪੋਰਟ, ਡੁਅਲ ਸਟੀਰੀਓ ਸਪੀਕਰ, Wi-Fi 7 ਅਤੇ ਬਲੂਟੁੱਥ 5.4 ਵਰਗੇ ਆਧੁਨਿਕ ਫੀਚਰਸ ਵੀ ਇਸ ਫੋਨ ਦਾ ਹਿੱਸਾ ਹੋ ਸਕਦੇ ਹਨ।

ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਇਸ ਦੀ ਅਧਿਕਾਰਤ ਲਾਂਚਿੰਗ ਤਾਰੀਖ ਅਤੇ ਕੀਮਤ ਦਾ ਐਲਾਨ ਨਹੀਂ ਕੀਤਾ ਹੈ, ਪਰ Amazon 'ਤੇ ਪੇਜ ਲਾਈਵ ਹੋਣ ਤੋਂ ਬਾਅਦ ਇਹ ਸਪੱਸ਼ਟ ਹੈ ਕਿ ਇਹ ਫੋਨ ਬਹੁਤ ਜਲਦ ਬਾਜ਼ਾਰ 'ਚ ਉਪਲਬਧ ਹੋਵੇਗਾ।