ਗੂਗਲ ਮੈਪਸ ’ਤੇ ਮਰ ਚੁੱਕੇ ਲੋਕਾਂ ਨੂੰ ਲੱਭ ਰਹੇ ਹਨ ਯੂਜ਼ਰਜ਼, ਝਲਕ ਦੇਖ ਹੋ ਰਹੇ ਭਾਵੁਕ

ਗੈਜੇਟ ਡੈਸਕ– ਗੂਗਲ ਮੈਪਸ ਦਾ ਇਸਤੇਮਾਲ ਆਮਤੌਰ ’ਤੇ ਕਿਸੇ ਜਗ੍ਹਾ ਦੀ ਜਾਣਕਾਰੀ ਅਤੇ ਉਥੋਂ ਦੇ ਰਸਤੇ ਦਾ ਪਤਾ ਲਗਾਉਣ ਲਈ ਕੀਤਾ ਜਾਂਦਾ ਹੈ। ਪਰ ਇਨ੍ਹੀ ਦਿਨੀਂ ਕਈ ਯੂਜ਼ਰਜ਼ ਇਸ ਦਾ ਇਸਤੇਮਾਲ ਦੁਨੀਆ ਤੋਂ ਜਾ ਚੁੱਕੇ ਆਪਣੇ ਦਾਦਾ-ਦਾਦੀ ਅਤੇ ਹੋਰ ਰਿਸ਼ਤੇਦਾਰਾਂ ਨੂੰ ਲੱਭਣ ਲਈ ਕਰ ਰਹੇ ਹਨ। ਦਰਅਸਲ ਗੂਗਲ ਮੈਪਸ ਦੇ Street View ਫੀਚਰ ’ਚ ਕਈ ਸਥਾਨਾਂ ਦੀਆਂ ਸਾਲਾਂ ਪੁਰਾਣੀਆਂ ਤਸਵੀਾਂ ਦਿਖਾਈ ਦੇ ਰਹੀ ਹੈ। ਇਨ੍ਹਾਂ ਤਸਵੀਰਾਂ ’ਚ ਕਈ ਯੂਜ਼ਰਜ਼ ਨੂੰ ਆਪਣੇ ਪਰਿਵਾਰ ਦੇ ਮਰ ਚੁੱਕੇ ਮੈਂਬਰ ਦਿਖਾਈ ਦੇ ਰਹੇ ਹਨ। ਸਾਲਾਂ ਬਾਅਦ ਉਨ੍ਹਾਂ ਨੂੰ ਦੇਖ ਕੇ ਯੂਜ਼ਰਜ਼ ਭਾਵੁਕ ਹੋ ਰਹੇ ਹਨ। 

My grandpa passed away a few years ago. We didn’t get to say goodbye to him. Yesterday we found out google maps finally drove through his farm and as we were curious going through it, where the road ends, there is my grandpa, just sitting there. 😭 pic.twitter.com/CbwRTkCKrZ

— yajaira (@yajairalyb) January 7, 2020

ਮੈਕਸੀਕੋ ਦੀ ਲੈਸਲੀ ਬੈਰਾਜ਼ਾ ਨਾਂ ਦੀ ਇਕ ਯੂਜ਼ਰ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਦੱਸਿਆ ਕਿ ਉਨ੍ਹਾਂ ਨੂੰ ਬਿਲਕੁਲ ਅੰਦਾਜ਼ਾ ਨਹੀਂ ਸੀ ਕਿ ਉਹ ਇੰਨੇ ਸਾਲ ਬਾਅਦ ਕਿਸੇ ਵੀ ਤਰ੍ਹਾਂ ਆਪਣੇ ਦਾਦੇ ਨੂੰ ਦੇਖ ਸਕੇਗੀ। ਉਨ੍ਹਾਂ ਟਵਿਟਰ ’ਤੇ ਇਕ ਵੀਡੀਓ ਵੀ ਪੋਸਟ ਕੀਤੀ ਹੈ। ਇਸ ਦੇ ਨਾਲ ਉਨ੍ਹਾਂ ਲਿਖਿਆ, ‘ਮੇਰੇ ਦਾਦਾ ਕਈ ਸਾਲ ਪਹਿਲਾਂ ਗੁਜ਼ਰ ਗਏ ਸਨ। ਅਸੀਂ ਉਨ੍ਹਾਂ ਨੂੰ ਗੁੱਡਬਾਏ ਤਕ ਨਹੀਂ ਕਹਿ ਸਕੇ। ਕੱਲ੍ਹ ਗੂਗਲ ਮੈਪਸ ’ਤੇ ਮੈਂ ਉਨ੍ਹਾਂ ਦਾ ਫਾਰਮ ਹਾਊਸ ਚੈੱਕ ਕਰ ਰਹੀ ਸੀ ਅਤੇ ਮੈਂ ਜਿਵੇਂ ਹੀ ਅੱਗੇ ਵਧੀ ਤਾਂ ਉਥੇ ਮੇਰੇ ਦਾਦਾ ਜੀ ਬੈਠੇ ਦੇਖਾਈ ਦਿੱਤੇ।’

my great abuelo passed away last month, exactly 1 year after my great abuela also left us. to see him here walking to our old house brings back so many childhood memories 🖤🖤 pic.twitter.com/qfDIsDQoWT

— 𝙘𝙧𝙞𝙨 (@Buenrostrohhh) January 8, 2020

ਸੈਂਕੜੇ ਲੋਕਾਂ ਨੇ ਕੀਤਾ ਰਿਪਲਾਈ
ਉਨ੍ਹਾਂ ਦੀ ਇਸ ਪੋਸਟ ਨੂੰ ਪੜ੍ਹ ਕੇ ਕਈ ਯੂਜ਼ਰਜਡ ਨੇ ਗੂਗਲ ਸਟਰੀਟ ਵਿਊ ’ਤੇ ਆਪਣੇ-ਆਪਣੇ ਸੰਬੰਧੀਆਂ ਨੂੰ ਲੱਭਣਾ ਸ਼ੁਰੂ ਕਰ ਦਿੱਤਾ। ਕਈ ਯੂਜ਼ਰਜ਼ ਨੇ ਆਪਣੇ ਦਾਦਾ-ਦਾਦੀ ਅਤੇ ਦੂਜੇ ਲੋਕ ਮਿਲ ਵੀ ਗਏ। ਬੈਰਾਜ਼ਾ ਦੇ ਇਸ ਟਵੀਟ ’ਤੇ ਸੈਂਕੜੇ ਲੋਕਾਂ ਨੇ ਰਿਪਲਾਈ ਕੀਤਾ ਹੈ। 

I randomly googled my grandma's address once last year when I couldn't stop thinking of her... this was what I saw I couldn't stop crying! My grandma was chilling in her front yard... I miss my ole gal! ❤ pic.twitter.com/1ytDswHDIO

— Kizzi J. (@KizziRock_) January 9, 2020

ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਮੈਨੂੰ ਆਪਣੀ ਦਾਦੀ ਦੀ ਬਹੁਤ ਯਾਦ ਆ ਰਹੀ ਸੀ, ਇਸ ਲਈ ਮੈਂ ਇੰਝ ਹੀ ਆਪਣੇ ਐਡਰੈੱਸ ਨੂੰ ਗੂਗਲ ਮੈਪਸ ’ਤੇ ਚੈੱਕ ਕੀਤਾ। ਮੈਂ ਉਨ੍ਹਾਂ ਨੂੰ ਦੇਖ ਕੇ ਆਪਣੇ ਹੰਝੂ ਰੋਕ ਨਹੀਂ ਪਾਈ। ਉਹ ਆਪਣੇ ਫਰੰਟ ਯਾਰਡ ’ਚ ਬੈਠ ਕੇ ਆਰਾਮ ਕਰ ਰਹੀ ਸੀ।’

Our tissue box is officially empty. Thank you for sharing this. 💙

— Google Maps (@googlemaps) January 9, 2020

ਇੰਨਾ ਹੀ ਨਹੀਂ, ਖੁਦ ਗੂਗਲ ਨੇ ਵੀ ਇਸ ’ਤੇ ਆਪਣੀ ਪ੍ਰਤੀਕਿਰਿਾ ਦਿੱਤੀ ਹੈ। ਗੂਗਲ ਨੇ ਇਕ ਟਵੀਟ ਲਿਖਿਆ, ‘ਸਾਡਾ ਟਿਸ਼ੂ ਬਾਕਸ ਪੂਰੀ ਤਰ੍ਹਾਂ ਖਾਲੀ ਹੋ ਗਿਆ ਹੈ। ਇਸ ਨੂੰ ਸ਼ੇਅਰ ਕਰਨ ਲਈ ਧੰਨਵਾਦ।’