ਇਕ ਵਾਰ ਫਿਰ ਬਗ ਦਾ ਸ਼ਿਕਾਰ ਹੋਈ ਐਪਲ ਦੀ FaceTime ਐਪ
02/20/2019 5:37:23 PM
ਗੈਜੇਟ ਡੈਸਕ– ਐਪਲ ਯੂਜ਼ਰਜ਼ ਕਾਫੀ ਸਮੇਂ ਤੋਂ ਫੇਸ ਟਾਈਮ ਐਪ ਨੂੰ ਲੈ ਕੇ ਸਮੱਸਿਆਵਾਂ ਨਾਲ ਜੂਝ ਰਹੇ ਹਨ। ਆਪਣੇ ਆਈਫੋਨ ਨੂੰ ਆਈ.ਓ.ਐੱਸ. ਦੇ ਲੇਟੈਸਟ ਵਰਜਨ 12.1.4 ’ਚ ਅਪਡੇਟ ਕਰਨ ਤੋਂ ਬਾਅਦ ਯੂਜ਼ਰਜ਼ ਦੀਆਂ ਪਰੇਸ਼ਾਨੀਆਂ ਘਟਨ ਦੀ ਬਜਾਏ ਹੋਰ ਵੀ ਵਧ ਗਈਆਂ ਹਨ। ਯੂਜ਼ਰਜ਼ ਨੇ ਸ਼ਿਕਾਇਤ ਕਰਦੇ ਹੋਏ ਦੱਸਿਆ ਹੈ ਕਿ ਫੇਸ ਟਾਈਮ ਐਪ ਰਾਹੀਂ ਕਾਲ ਕਰਨ ’ਤੇ ‘Add Person' ਬਟਨ ਸਹੀ ਢੰਗ ਨਾਲ ਕੰਮ ਨਹੀਂ ਕਰ ਰਿਹਾ ਯਾਨੀ ਤੀਜੇ ਵਿਕਅਤੀ ਨੂੰ ਐਡ ਕਰਨ ’ਚ ਯੂਜ਼ਰਜ਼ ਨੂੰ ਪਰੇਸ਼ਾਨੀ ਹੋ ਰਹੀ ਹੈ।
ਰਿਲੀਜ਼ ਹੋਣੀ ਚਾਹੀਦੀ ਹੈ ਨਵੀਂ iOS ਅਪਡੇਟ
zdnet ਦੀ ਰਿਪੋਰਟ ਮੁਤਾਬਕ, ਆਈਫੋਨ ਯੂਜ਼ਰਜ਼ ਨੇ ਮੈਕਰੂਮਰਜ਼ ਫੋਰਮ ’ਤੇ ਸ਼ਿਕਾਇਤ ਕਰਦੇ ਹੋਏ ਕਿਹਾ ਹੈ ਕਿ ਗਰੁੱਪ ਫੇਸ ਟਾਈਮ ਫੀਚਰ ਇਕ ਬਗ ਕਾਰਨ ਸਹੀ ਢੰਗ ਨਾਲ ਕੰਮ ਨਹੀਂ ਕਰ ਰਿਹਾ। ਇਹ ਗੱਲ ਸਾਫ ਨਹੀਂ ਹੈ ਕਿ ਐਪਲ ਇਸ ਨੂੰ ਫਿਕਸ ਕਰਨ ’ਤੇ ਕੋਈ ਵਿਚਾਰ ਕਰ ਰਹੀ ਹੈ ਜਾਂ ਨਹੀਂ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਸਮੱਸਿਆ ਨੂੰ ਲੈ ਕੇ ਐਪਲ ਜਲਦੀ ਹੀ ਨਵੀਂ ਅਪਡੇਟ ਰਿਲੀਜ਼ ਕਰੇਗੀ, ਜਿਸ ਨਾਲ ਫੇਸ ਟਾਈਮ ਨੂੰ ਫਿਕਸ ਕੀਤਾ ਜਾਵੇਗਾ।
ਪਹਿਲਾਂ ਵੀ ਆਈ ਸੀ ਸੱਸਿਆ
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਫੇਸ ਟਾਈਮ ਐਪ ਬਗ ਦਾ ਸ਼ਿਕਾਰ ਹੋਈ ਸੀ ਜਿਸ ਤੋਂ ਬਾਅਦ ਐਪ ਦਾ ਇਸਤੇਮਾਲ ਕਰਦੇ ਸਮੇਂ ਬਿਨਾਂ ਕਾਲ ਰਿਸੀਵ ਕੀਤੇ ਵੀ ਦੂਜੇ ਯੂਜ਼ਰਜ਼ ਦੀਆਂ ਗੱਲਾਂ ਸੁਣੀਆਂ ਜਾ ਸਕਦੀਆਂ ਸਨ। ਇਹ ਬਗ ਫੇਸ ਟਾਈਮ ਕਾਲ ਰਿਸੀਵਰ ਦੇ ਫੋਨ ਨੂੰ ਇਕ ਮਾਈਕ੍ਰੋਫੋਨ ’ਚ ਬਦਲ ਦਿੰਦਾ ਸੀ ਜਿਸ ਨਾਲ ਯੂਜ਼ਰਜ਼ ਨੂੰ ਕਾਫੀ ਪਰੇਸ਼ਾਨੀ ਹੋਈ ਸੀ ਅਤੇ ਉਨ੍ਹਾਂ ਦੀ ਪ੍ਰਾਈਵੇਸੀ ਖਤਰੇ ’ਚ ਪੈ ਗਈ ਸੀ। ਉਸ ਸਮੇਂ ਵੀ ਕੰਪਨੀ ਨੇ ਨਵੀਂ ਅਪਡੇਟ ਜਾਰੀ ਕਰਨ ਦੀ ਗੱਲ ਕਹੀ ਸੀ।
