ਭਾਰਤ ’ਚ ਲਾਂਚ ਹੋਈ BS-6 ਹੁੰਡਈ ਗ੍ਰੈਂਡ i10, ਕੀਮਤ 6.03 ਲੱਖ ਰੁਪਏ ਤੋਂ ਸ਼ੁਰੂ

ਆਟੋ ਡੈਸਕ– ਹੁੰਡਈ ਨੇ ਆਪਣੀ ਲੋਕਪ੍ਰਸਿੱਧ ਹੈਚਬੈਕ ਕਾਰ ਗ੍ਰੈਂਡ ਆਈ10 ਦੇ ਬੀ.ਐੱਸ.-6 ਮਾਡਲ ਨੂੰ ਭਾਰਤ ’ਚ ਲਾਂਚ ਕਰ ਦਿੱਤਾ ਹੈ। ਇਸ ਦੇ ਬੇਸ ਮਾਡਲ ਦੀ ਕੀਮਤ 6.03 ਲੱਖ ਰੁਪਏ ਰੱਖੀ ਗਈਹੈ। ਕੰਪਨੀ ਨੇ ਇਸ ਕਾਰ ਦੀ ਬੁਕਿੰਗ ਫਰਵਰੀ ਮਹੀਨੇ ਦੀ ਸ਼ੁਰੂਆਤ ’ਚ ਸ਼ੁਰੂ ਕੀਤੀ ਸੀ ਅਤੇ ਹੁਣ ਇਸ ਨੂੰ ਜਲਦ ਹੀ ਉਪਲੱਬਧ ਕੀਤਾ ਜਾਵੇਗਾ। 

ਇੰਜਣ
ਨਵੀਂ ਗ੍ਰੈਂਡ ਆਈ10 ਨੂੰ 1.2 ਲੀਟਰ ਪੈਟਰੋਲ ਇੰਜਣ ਅਤੇ ਸੀ.ਐੱਨ.ਜੀ. ਦੋਵਾਂ ਆਪਸ਼ਨ ਦੇ ਨਾਲ ਲਿਆਇਆ ਗਿਆ ਹੈ। ਕਾਰ ਦਾ ਪੈਟਰੋਲ ਮਾਡਲ 81 ਬੀ.ਐੱਚ.ਪੀ. ਦੀ ਪਾਵਰ ਅਤੇ 114 ਨਿਊਟਨ ਮੀਟਰ ਦਾ ਟਾਰਕ ਜਨਰੇਟ ਕਰਦਾ ਹੈ। ਦੱਸ ਦੇਈਏ ਕਿ ਇਸ ਕਾਰ ਦੇ ਡੀਜ਼ਲ ਇੰਜਣ ਆਪਸ਼ਨ ਨੂੰ ਕੰਪਨੀ ਪਿਛਲੇ ਸਾਲ ਹੀ ਬੰਦ ਕਰ ਚੁੱਕੀ ਹੈ।