7 ਸਾਲਾਂ ਬਾਅਦ Pajero ਦੀ ਹੋ ਰਹੀ ਹੈ ਧਮਾਕੇਦਾਰ ਵਾਪਸੀ ! 2026 ''ਚ ਹੋਵੇਗਾ ਗਲੋਬਲ ਡੈਬਿਊ

ਗੈਜੇਟ ਡੈਕਸ : ਆਟੋਮੋਬਾਈਲ ਜਗਤ ਦੀ ਮਸ਼ਹੂਰ SUV, ਮਿਤਸੁਬਿਸ਼ੀ ਪਜੇਰੋ (Mitsubishi Pajero), ਇੱਕ ਵਾਰ ਫਿਰ ਸੜਕਾਂ 'ਤੇ ਉਤਰਨ ਲਈ ਤਿਆਰ ਹੈ। ਜਾਪਾਨੀ ਕਾਰ ਕੰਪਨੀ ਮਿਤਸੁਬਿਸ਼ੀ ਮੋਟਰਜ਼ ਨੇ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਹੈ ਕਿ ਉਹ ਆਪਣੀ ਇਸ ਪ੍ਰਸਿੱਧ SUV ਨੂੰ ਵਾਪਸ ਲਿਆ ਰਹੀ ਹੈ। ਨਵੀਂ ਜਨਰੇਸ਼ਨ ਪਜੇਰੋ ਦਾ ਗਲੋਬਲ ਡੈਬਿਊ 2026 ਵਿੱਚ ਹੋਣ ਦੀ ਉਮੀਦ ਹੈ। ਸਰੋਤਾਂ ਅਨੁਸਾਰ ਪਜੇਰੋ ਦਾ ਉਤਪਾਦਨ ਜਾਪਾਨ ਵਿੱਚ 2019 ਅਤੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ 2021 ਵਿੱਚ ਬੰਦ ਕਰ ਦਿੱਤਾ ਗਿਆ ਸੀ। ਹੁਣ ਕੰਪਨੀ ਇਸ ਨੂੰ ਆਪਣੇ ਨਵੇਂ 'ਟ੍ਰਾਈਟਨ' (Triton) ਪਲੇਟਫਾਰਮ 'ਤੇ ਤਿਆਰ ਕਰ ਰਹੀ ਹੈ।

ਇਸ ਨਵੇਂ ਮਾਡਲ ਵਿੱਚ ਇੱਕ ਆਧੁਨਿਕ ਕੈਬਿਨ ਅਤੇ ਬਿਹਤਰ ਸਸਪੈਂਸ਼ਨ ਸਿਸਟਮ ਦਿੱਤਾ ਜਾਵੇਗਾ, ਜੋ ਇਸਨੂੰ ਆਫ-ਰੋਡਿੰਗ ਦੇ ਨਾਲ-ਨਾਲ ਰੋਜ਼ਾਨਾ ਵਰਤੋਂ ਅਤੇ ਲੰਬੀ ਡਰਾਈਵ ਲਈ ਵੀ ਵਧੇਰੇ ਆਰਾਮਦਾਇਕ ਬਣਾਏਗਾ। ਮਿਤਸੁਬਿਸ਼ੀ ਇਸ ਆਉਣ ਵਾਲੀ SUV ਨੂੰ ਆਪਣੀ 'ਫਲੈਗਸ਼ਿਪ SUV' ਵਜੋਂ ਪੇਸ਼ ਕਰ ਰਹੀ ਹੈ। ਕੰਪਨੀ ਦੀ ਰਣਨੀਤੀ 2031 ਤੱਕ ਕੁੱਲ 13 ਨਵੀਆਂ ਗੱਡੀਆਂ ਲਾਂਚ ਕਰਨ ਦੀ ਹੈ। ਹਾਲਾਂਕਿ, ਅਜੇ ਤੱਕ ਇਹ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ ਕਿ ਕੀ ਇਹ SUV ਭਾਰਤੀ ਬਾਜ਼ਾਰ ਵਿੱਚ ਵੀ ਲਾਂਚ ਕੀਤੀ ਜਾਵੇਗੀ ਜਾਂ ਨਹੀਂ, ਕਿਉਂਕਿ ਫਿਲਹਾਲ ਮਿਤਸੁਬਿਸ਼ੀ ਭਾਰਤ ਵਿੱਚ ਕੋਈ ਕਾਰ ਨਹੀਂ ਵੇਚ ਰਹੀ ਹੈ। ਪਜੇਰੋ ਦਾ ਇਤਿਹਾਸ ਕਾਫੀ ਸ਼ਾਨਦਾਰ ਰਿਹਾ ਹੈ। 1982 ਵਿੱਚ ਆਪਣੀ ਸ਼ੁਰੂਆਤ ਤੋਂ ਬਾਅਦ, ਇਸਨੇ 170 ਤੋਂ ਵੱਧ ਦੇਸ਼ਾਂ ਵਿੱਚ 32.5 ਲੱਖ ਤੋਂ ਵੱਧ ਯੂਨਿਟਾਂ ਦੀ ਵਿਕਰੀ ਕੀਤੀ ਹੈ। 1990 ਦੇ ਦਹਾਕੇ ਵਿੱਚ ਇਸਨੇ ਆਫ-ਰੋਡ ਅਤੇ ਐਡਵੈਂਚਰ ਵਾਹਨਾਂ ਦੇ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e