ਵੈੱਬ ਡੈਸਕ - ਅੱਜ-ਕੱਲ੍ਹ ਡਿਜੀਟਲ ਪੇਮੈਂਟ ਦਾ ਜ਼ਮਾਨਾ ਹੈ ਅਤੇ ਅਸੀਂ ਅਕਸਰ Paytm, Google Pay (GPay), PhonePe ਅਤੇ BHIM ਵਰਗੀਆਂ UPI ਐਪਸ ਦੀ ਵਰਤੋਂ ਕਰਦੇ ਹਾਂ ਪਰ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਪੇਮੈਂਟ ਕਰਦੇ ਸਮੇਂ ਟ੍ਰਾਂਜੈਕਸ਼ਨ ਫੇਲ੍ਹ ਹੋ ਜਾਂਦੀ ਹੈ ਪਰ ਬੈਂਕ ਖਾਤੇ 'ਚੋਂ ਪੈਸੇ ਕੱਟ ਲਏ ਜਾਂਦੇ ਹਨ। ਜੇਕਰ ਤੁਹਾਡੇ ਨਾਲ ਵੀ ਅਜਿਹਾ ਹੋਇਆ ਹੈ, ਤਾਂ ਹੁਣ ਘਬਰਾਉਣ ਦੀ ਲੋੜ ਨਹੀਂ ਹੈ ਕਿਉਂਕਿ ਕੁਝ ਖਾਸ ਤਰੀਕਿਆਂ ਨਾਲ ਤੁਸੀਂ ਆਪਣਾ ਪੈਸਾ ਵਾਪਸ ਪਾ ਸਕਦੇ ਹੋ।

ਕਿਉਂ ਹੁੰਦੀ ਹੈ ਇਹ ਸਮੱਸਿਆ?
ਸਰੋਤਾਂ ਅਨੁਸਾਰ, ਕਈ ਵਾਰ ਐਪ ਜਾਂ ਬੈਂਕ ਦੇ ਸਰਵਰ 'ਤੇ ਜ਼ਿਆਦਾ ਲੋਡ ਹੋਣ ਕਾਰਨ ਪੇਮੈਂਟ ਪ੍ਰੋਸੈਸ ਨਹੀਂ ਹੋ ਪਾਉਂਦੀ। ਅਜਿਹੀ ਸਥਿਤੀ 'ਚ ਪੇਮੈਂਟ ਕਰਨ ਤੋਂ ਪਹਿਲਾਂ ਥੋੜਾ ਇੰਤਜ਼ਾਰ ਕਰਨਾ ਚਾਹੀਦਾ ਹੈ।

ਪੈਸੇ ਕੱਟਣ 'ਤੇ ਕੀ ਕਰੀਏ?

ਇੰਤਜ਼ਾਰ ਕਰੋ
- ਜੇਕਰ ਟ੍ਰਾਂਜੈਕਸ਼ਨ ਫੇਲ੍ਹ ਹੋਣ 'ਤੇ ਪੈਸੇ ਕੱਟੇ ਗਏ ਹਨ, ਤਾਂ ਘੱਟੋ-ਘੱਟ 24 ਘੰਟੇ ਉਡੀਕ ਕਰੋ। ਆਮ ਤੌਰ 'ਤੇ ਫੇਲ੍ਹ ਹੋਈ ਟ੍ਰਾਂਜੈਕਸ਼ਨ ਦਾ ਪੈਸਾ 24 ਤੋਂ 72 ਘੰਟਿਆਂ ਦੇ ਅੰਦਰ ਆਪਣੇ ਆਪ ਬੈਂਕ ਖਾਤੇ 'ਚ ਵਾਪਸ ਆ ਜਾਂਦਾ ਹੈ।

ਕਸਟਮਰ ਕੇਅਰ ਨਾਲ ਸੰਪਰਕ
- ਜੇਕਰ ਤੈਅ ਸਮੇਂ 'ਚ ਪੈਸੇ ਵਾਪਸ ਨਹੀਂ ਆਉਂਦੇ, ਤਾਂ ਤੁਹਾਨੂੰ ਸਬੰਧਤ UPI ਐਪ ਦੇ ਕਸਟਮਰ ਕੇਅਰ ਨਾਲ ਸੰਪਰਕ ਕਰਕੇ ਸ਼ਿਕਾਇਤ ਦਰਜ ਕਰਵਾਉਣੀ ਚਾਹੀਦੀ ਹੈ। ਉਹ ਤੁਹਾਡੀ ਟ੍ਰਾਂਜੈਕਸ਼ਨ ਦੀ ਜਾਂਚ ਕਰਨਗੇ ਅਤੇ ਪੈਸੇ ਵਾਪਸ ਭੇਜਣ 'ਚ ਮਦਦ ਕਰਨਗੇ।

ਬੈਂਕ ਜਾਂ NPCI ਤੱਕ ਪਹੁੰਚ
- ਜੇਕਰ ਐਪ ਤੋਂ ਕੋਈ ਮਦਦ ਨਹੀਂ ਮਿਲਦੀ, ਤਾਂ ਤੁਸੀਂ ਆਪਣੇ ਬੈਂਕ ਜਾਂ NPCI (ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ) ਨਾਲ ਸੰਪਰਕ ਕਰ ਸਕਦੇ ਹੋ।

ਕੀ ਹੈ NPCI ਦੀ ਭੂਮਿਕਾ?
NPCI ਭਾਰਤੀ ਰਿਜ਼ਰਵ ਬੈਂਕ (RBI) ਦੇ ਅਧੀਨ ਕੰਮ ਕਰਨ ਵਾਲੀ ਸੰਸਥਾ ਹੈ, ਜੋ ਡਿਜੀਟਲ ਪੇਮੈਂਟ ਦਾ ਪੂਰਾ ਹਿਸਾਬ-ਕਿਤਾਬ ਰੱਖਦੀ ਹੈ। ਇਹ ਬੈਂਕਾਂ ਅਤੇ UPI ਐਪਸ ਦੇ ਵਿਚਕਾਰ ਇੱਕ ਕੜੀ ਵਜੋਂ ਕੰਮ ਕਰਦੀ ਹੈ ਅਤੇ ਹਰ ਟ੍ਰਾਂਜੈਕਸ਼ਨ ਨੂੰ ਮੈਨੇਜ ਕਰਦੀ ਹੈ।