ਜਦੋਂ ਅਨੁਸ਼ਕਾ ਸ਼ਰਮਾ ਦੀ ਹੋਈ ਸੀ ਬੱਤਖ ਨਾਲ ਤੁਲਨਾ, ਲਿਪ ਸਰਜਰੀ ਕਾਰਨ ਆਈ ਸੀ ਲੋਕਾਂ ਦੇ ਨਿਸ਼ਾਨੇ ’ਤੇ

ਮੁੰਬਈ (ਬਿਊਰੋ)– ਅਨੁਸ਼ਕਾ ਸ਼ਰਮਾ ਬਾਲੀਵੁੱਡ ਦੀ ਉਹ ਅਦਾਕਾਰਾ ਹੈ, ਜੋ ਪਰਦੇ ’ਤੇ ਆਪਣੀ ਅਦਾਕਾਰੀ ਤੇ ਜਨਤਕ ਥਾਵਾਂ ’ਤੇ ਆਪਣੇ ਨਰਮ ਵਿਹਾਰ ਕਾਰਨ ਸਾਰਿਆਂ ਦੇ ਦਿਲਾਂ ’ਚ ਵੱਸਦੀ ਹੈ। ਅਨੁਸ਼ਕਾ ਸ਼ਰਮਾ ਨੇ ਸਾਲ 2014 ’ਚ ਇਕ ਚੈਟ ਸ਼ੋਅ ’ਚ ਦਰਸ਼ਕਾਂ ਨੂੰ ਖੂਬ ਹੈਰਾਨ ਕੀਤਾ ਸੀ ਕਿਉਂਕਿ ਉਹ ਕਾਫੀ ਅਲੱਗ ਦਿਖ ਰਹੀ ਸੀ। ਇਸ ਸ਼ੋਅ ਤੋਂ ਬਾਅਦ ਅਨੁਸ਼ਕਾ ਦੀ ਲਿਪ ਸਰਜਰੀ ਨੂੰ ਲੈ ਕੇ ਰੱਜ ਕੇ ਚਰਚਾ ਹੋਣ ਲੱਗੀ। ਹਾਲਾਂਕਿ ਇਸ ਦੇ ਦੋ ਸਾਲਾਂ ਬਾਅਦ ਉਸ ਨੇ ਕਬੂਲ ਕੀਤਾ ਸੀ ਕਿ ਉਸ ਨੇ ਲਿਪ ਸਰਜਰੀ ਕਰਵਾਈ ਸੀ।

ਅਨੁਸ਼ਕਾ ਲਿਪ ਸਰਜਰੀ ਤੋਂ ਬਾਅਦ ਪਹਿਲੀ ਵਾਰ ਕਰਨ ਜੌਹਰ ਦੇ ਚੈਟ ਸ਼ੋਅ ’ਤੇ ਪਹੁੰਚੀ ਸੀ ਤੇ ਉਸ ਦਾ ਚਿਹਰਾ ਦੇਖ ਸਾਰੇ ਹੈਰਾਨ ਸਨ। ਲੋਕਾਂ ਨੇ ਅਨੁਸ਼ਕਾ ਸ਼ਰਮਾ ਦੇ ਇਸ ਨਵੇਂ ਲੁੱਕ ਦਾ ਕਾਫੀ ਮਜ਼ਾਕ ਵੀ ਬਣਾਇਆ ਸੀ। ਇੰਨਾ ਹੀ ਨਹੀਂ, ਅਨੁਸ਼ਕਾ ਦੀ ਨਵੀਂ ਲੁੱਕ ’ਤੇ ਕਾਫੀ ਮੀਮਜ਼ ਵੀ ਬਣੇ ਤੇ ਉਸ ਦੇ ਇਸ ਚਿਹਰੇ ਦੀ ਤੁਲਨਾ ਲੋਕਾਂ ਨੇ ਬੱਤਖ ਨਾਲ ਕੀਤੀ ਕਿਉਂਕਿ ਉਹ ਕਾਫੀ ਅਲੱਗ ਦਿਖ ਰਹੀ ਸੀ। ਹਾਲਾਂਕਿ ਉਸ ਨੇ ਲਿਪ ਸਰਜਰੀ ਕਰਵਾਈ ਹੈ, ਇਸ ਗੱਲ ਨੂੰ ਕਬੂਲ ਕਰਨ ’ਚ ਉਸ ਨੂੰ ਸਮਾਂ ਲੱਗ ਗਿਆ ਸੀ। ਇਥੋਂ ਤਕ ਕਿ ਪੱਤਰਕਾਰ ਵਿਰਾਟ ਕੋਹਲੀ ਕੋਲੋਂ ਵੀ ਅਨੁਸ਼ਕਾ ਦੀ ਲਿਪ ਸਰਜਰੀ ਨੂੰ ਲੈ ਕੇ ਸਵਾਲ ਕਰਨ ਲੱਗੇ ਸਨ।

ਇਸ ਤੋਂ ਬਾਅਦ ਅਨੁਸ਼ਕਾ ਸ਼ਰਮਾ ਨੇ ਖ਼ੁਦ ਇਸ ਦਾ ਸੱਚ ਖੁੱਲ੍ਹ ਕੇ ਆਪਣੇ ਇਕ ਇੰਟਰਵਿਊ ’ਚ ਦੱਸਿਆ ਸੀ। ਸਾਲ 2016 ’ਚ ਵੋਗ ਮੈਗਜ਼ੀਨ ਨੂੰ ਦਿੱਤੇ ਆਪਣੇ ਇੰਟਰਵਿਊ ’ਚ ਅਨੁਸ਼ਕਾ ਸ਼ਰਮਾ ਨੇ ਦੱਸਿਆ ਸੀ, ‘ਮੈਂ ਕੁਝ ਨਹੀਂ ਲੁਕੋਇਆ। ਇਸ ਲਈ ਜਦੋਂ ਮੈਂ ਆਪਣੀ ਲਿਪ ਸਰਜਰੀ ਬਾਰੇ ਦੱਸਿਆ ਬਹੁਤ ਸਾਰੇ ਲੋਕਾਂ ਨੇ ਇਸ ਦੀ ਤਾਰੀਫ ਕੀਤੀ ਤੇ ਮੈਨੂੰ ਬਹਾਦਰ ਵੀ ਕਿਹਾ ਪਰ ਮੈਂ ਇਹ ਇਸ ਲਈ ਕੀਤਾ ਕਿਉਂਕਿ ਇਹ ‘ਬਾਂਬੇ ਵੈਲਵੇਟ’ ’ਚ ਮੇਰੇ ਕਿਰਦਾਰ ਲਈ ਜ਼ਰੂਰੀ ਸੀ। ਮੈਂ ਕਦੇ ਝੂਠ ਨਹੀਂ ਕਿਹਾ ਤੇ ਨਾ ਕਹਾਂਗੀ, ਮੈਂ ਇਹ ਫ਼ੈਸਲਾ ਲੈਣਾ ਸੀ ਤੇ ਮੈਂ ਚਾਹੁੰਦੀ ਸੀ ਕਿ ਮੇਰੇ ਪ੍ਰਸ਼ੰਸਕ ਜਾਣਨ ਕਿ ਮੈਂ ਵੀ ਇਨਸਾਨ ਹਾਂ, ਜੋ ਹਮੇਸ਼ਾ ਪਰਫੈਕਟ ਨਹੀਂ ਹੁੰਦਾ।’

ਹਾਲਾਂਕਿ ਅਨੁਸ਼ਕਾ ਨੇ ਸਾਲ 2014 ’ਚ ਕਿਹਾ ਸੀ ਕਿ ਉਸ ਨੇ ਟੈਂਪਰੇਰੀ ਲਿਪ ਇਨਹੈਂਸਿੰਗ ਟੂਲ ਤੇ ਮੇਕਅੱਪ ਟੈਕਨੀਕ ਦੀ ਵਰਤੋਂ ਕੀਤੀ ਸੀ। ਪਲਾਸਟਿਕ ਸਰਜਰੀ ਤੋਂ ਇਨਕਾਰ ਕਰ ਚੁੱਕੀ ਅਨੁਸ਼ਕਾ ਨੂੰ ਲੈ ਕੇ ਉਦੋਂ ਇਹ ਰਿਪੋਰਟ ਵੀ ਆਈ ਸੀ ਕਿ ਉਸ ਨੂੰ ਇਕ ਕੰਪਨੀ ਨੇ ਲਿਪਸਟਿਕ ਬ੍ਰਾਂਡ ਦੀ ਐਡ ਆਫਰ ਕੀਤੀ ਸੀ ਤੇ ਇਸ ਲਈ ਉਸ ਨੇ ਅਜਿਹਾ ਕਰਵਾਇਆ ਸੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।