ਮਿਊਜ਼ਿਕ ਇੰਡਸਟਰੀ ''ਚ ਪਸਰਿਆ ਮਾਤਮ ; ਦਿੱਗਜ ਪਲੇਬੈਕ ਗਾਇਕ ਨੇ ਛੱਡੀ ਦੁਨੀਆ

ਭੁਵਨੇਸ਼ਵਰ (ਏਜੰਸੀ)- ਉੱਘੇ ਉੜੀਆ ਪਲੇਬੈਕ ਗਾਇਕ ਪ੍ਰਣਬ ਪਟਨਾਇਕ ਦਾ 88 ਸਾਲ ਦੀ ਉਮਰ ਵਿੱਚ ਸ਼ੁੱਕਰਵਾਰ ਨੂੰ ਇੱਥੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦੇਹਾਂਤ ਹੋ ਗਿਆ ਹੈ। ਪਰਿਵਾਰਕ ਸੂਤਰਾਂ ਮੁਤਾਬਕ 5 ਦਹਾਕਿਆਂ ਤੋਂ ਵੱਧ ਸਮੇਂ ਤੱਕ ਉੜੀਆ ਸੰਗੀਤ ਅਤੇ ਫਿਲਮ ਉਦਯੋਗ 'ਤੇ ਰਾਜ ਕਰਨ ਵਾਲੇ ਪਟਨਾਇਕ ਅਚਾਨਕ ਬਿਮਾਰ ਹੋ ਗਏ ਸਨ, ਜਿਮ ਮਗਰੋਂ ਉਨ੍ਹਾਂ ਨੂੰ ਇੱਕ ਨਿੱਜੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ। ਉਨ੍ਹਾਂ ਦੇ ਪਿੱਛੇ ਪਤਨੀ ਕਸਤੂਰੀ ਪਟਨਾਇਕ ਅਤੇ ਦੋ ਪੁੱਤਰ ਹਨ। ਮੁੱਖ ਮੰਤਰੀ ਮੋਹਨ ਚਰਨ ਮਾਝੀ, ਬੀਜੇਡੀ ਪ੍ਰਧਾਨ ਨਵੀਨ ਪਟਨਾਇਕ ਅਤੇ ਕਈ ਹੋਰ ਉੱਘੀਆਂ ਸ਼ਖਸੀਅਤਾਂ ਨੇ ਉਨ੍ਹਾਂ ਦੀ ਮੌਤ 'ਤੇ ਸੋਗ ਪ੍ਰਗਟ ਕੀਤਾ ਹੈ। 

ਇਹ ਵੀ ਪੜ੍ਹੋ: 400 ਤੋਂ ਵੱਧ ਫਿਲਮਾਂ ਕਰ ਚੁੱਕੀ ਦਿੱਗਜ ਅਦਾਕਾਰਾ ਦੀ ਅਚਾਨਕ ਵਿਗੜੀ ਸਿਹਤ, ICU 'ਚ ਚੱਲ ਰਿਹੈ ਇਲਾਜ

20 ਜਨਵਰੀ, 1938 ਨੂੰ ਜਨਮੇ, ਪ੍ਰਣਬ ਪਟਨਾਇਕ ਨੇ ਆਪਣੇ ਪਿਤਾ ਲਾਲ ਮੋਹਨ ਪਟਨਾਇਕ ਤੋਂ ਪ੍ਰੇਰਨਾ ਲਈ, ਜੋ ਕਿ ਓਡੀਸ਼ਾ ਵਿਧਾਨ ਸਭਾ ਦੇ ਸਾਬਕਾ ਸਪੀਕਰ ਸਨ। ਉਨ੍ਹਾਂ ਨੇ ਆਪਣੇ ਪੇਸ਼ੇਵਰ ਕਰੀਅਰ ਦੀ ਸ਼ੁਰੂਆਤ ਕਰਨ ਤੋਂ ਪਹਿਲਾਂ ਗੁਰੂ ਕੁਨਾਲ ਆਦਿਨਾਰਾਇਣ ਤੋਂ ਸੰਗੀਤ ਦੀ ਰਸਮੀ ਸਿਖਲਾਈ ਪ੍ਰਾਪਤ ਕੀਤੀ। ਪਟਨਾਇਕ ਨੇ 1958 ਵਿੱਚ ਉੜੀਆ ਫਿਲਮ 'ਮਾਂ' ਨਾਲ ਆਪਣੀ ਪਲੇਬੈਕ ਗਾਇਕੀ ਦੀ ਸ਼ੁਰੂਆਤ ਕੀਤੀ ਅਤੇ 200 ਤੋਂ ਵੱਧ ਉੜੀਆ ਫਿਲਮਾਂ ਨੂੰ ਆਪਣੀ ਆਵਾਜ਼ ਦਿੱਤੀ। ਉਹ ਅਕਸ਼ੈ ਮੋਹੰਤੀ, ਸ਼ਾਂਤਨੂ ਮਹਾਪਾਤਰਾ, ਬਾਲਕ੍ਰਿਸ਼ਨ ਦਾਸ ਅਤੇ ਪ੍ਰਫੁੱਲ ਕਰ ਵਰਗੇ ਦਿੱਗਜ ਗਾਇਕਾਂ ਅਤੇ ਸੰਗੀਤ ਨਿਰਦੇਸ਼ਕਾਂ ਨਾਲ ਨੇੜਿਓਂ ਜੁੜੇ ਹੋਏ ਸਨ।

ਇਹ ਵੀ ਪੜ੍ਹੋ: ਮਸ਼ਹੂਰ ਬਾਲੀਵੁੱਡ ਅਦਾਕਾਰਾ ਦਾ ਵਿਵਾਦਤ ਬਿਆਨ, ਕਿਹਾ- ਯੂਰਪੀਅਨ ਮਰਦ, ਭਾਰਤੀ ਮਰਦਾਂ ਤੋਂ ਬਿਹਤਰ

ਪਲੇਬੈਕ ਗਾਇਕੀ ਤੋਂ ਇਲਾਵਾ, ਪਟਨਾਇਕ ਨੇ ਓਡੀਸੀ ਸੰਗੀਤ, ਲੋਕ ਸੰਗੀਤ, ਭਗਤੀ ਸੰਗੀਤ ਅਤੇ ਭਜਨ, ਅਰਧ-ਸ਼ਾਸਤਰੀ ਰਚਨਾਵਾਂ, ਰਵਾਇਤੀ ਗੀਤਾਂ, ਹਿੰਦੀ ਗੀਤ ਅਤੇ ਗ਼ਜ਼ਲਾਂ ਵਿੱਚ ਯੋਗਦਾਨ ਪਾਇਆ। ਉਹ ਆਲ ਇੰਡੀਆ ਰੇਡੀਓ ਨਾਲ ਵੀ ਨੇੜਿਓਂ ਜੁੜੇ ਹੋਏ ਸਨ। ਉਨ੍ਹਾਂ ਨੂੰ ਕਈ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਗਿਆ ਸੀ, ਜਿਸ ਵਿੱਚ ਜੈਦੇਵ ਪੁਰਸਕਾਰ, 2023 ਵਿੱਚ ਬਾਲਕ੍ਰਿਸ਼ਨ ਦਾਸ ਮੈਮੋਰੀਅਲ ਅਵਾਰਡ, 2017 ਵਿੱਚ ਗੰਗਾਧਰ ਰਥ ਮੈਮੋਰੀਅਲ ਅਵਾਰਡ, 2011 ਵਿੱਚ ਪ੍ਰਫੁੱਲ ਕਰ ਅਵਾਰਡ, 2010 ਵਿੱਚ ਬਿਗ ਉੜੀਆ ਐਂਟਰਟੇਨਮੈਂਟ ਅਵਾਰਡ ਅਤੇ 1997-98 ਲਈ ਓਡੀਸ਼ਾ ਸੰਗੀਤ ਨਾਟਕ ਅਕਾਦਮੀ ਪੁਰਸਕਾਰ ਸ਼ਾਮਲ ਹਨ।

ਇਹ ਵੀ ਪੜ੍ਹੋ: ਇਸ ਅਦਾਕਾਰਾ ਨੇ ਜ਼ਿੱਦ ਕਰਕੇ ਮੰਗਿਆ ਸੀ Bold ਰੋਲ, ਬਿਨਾਂ ਕਿਸੇ ਝਿਜਕ ਦੇ ਦਿੱਤੇ ਇੰਟੀਮੇਟ ਸੀਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e