Tiger Shroff ਫਾਇਰਿੰਗ ਮਾਮਲੇ ''ਚ ਵੱਡੀ ਅਪਡੇਟ ! ਪੁਲਸ ਨੇ PC ''ਚ ਕਰ ''ਤੇ ਵੱਡੇ ਖ਼ੁਲਾਸੇ

ਐਂਟਰਟੇਨਮੈਂਟ ਡੈਸਕ : ਅਦਾਕਾਰ ਟਾਈਗਰ ਸ਼ਰੌਫ ਦੀ ਗੱਡੀ 'ਤੇ ਹੋਈ ਫਾਇਰਿੰਗ ਦੇ ਮਾਮਲੇ ਵਿੱਚ ਮੁੰਬਈ ਕ੍ਰਾਈਮ ਬ੍ਰਾਂਚ ਨੇ ਮੁਸਤੈਦੀ ਦਿਖਾਉਂਦੇ ਹੋਏ ਵੱਡੀ ਸਫਲਤਾ ਹਾਸਲ ਕੀਤੀ ਹੈ। ਮੁੰਬਈ ਪੁਲਸ ਨੇ ਹੋਰਨਾਂ ਸੂਬਿਆਂ ਦੀ ਪੁਲਸ ਨਾਲ ਸਾਂਝਾ ਆਪ੍ਰੇਸ਼ਨ ਚਲਾ ਕੇ ਤਿੰਨਾਂ ਮੁਲਜ਼ਮਾਂ ਨੂੰ ਰਾਜਸਥਾਨ ਦੇ ਕੋਟਾ ਤੋਂ ਗ੍ਰਿਫ਼ਤਾਰ ਕਰ ਲਿਆ ਹੈ।
ਡੀ.ਸੀ.ਪੀ. ਰਾਜ ਤਿਲਕ ਰੌਸ਼ਨ ਨੇ ਪ੍ਰੈੱਸ ਬ੍ਰੀਫਿੰਗ ਦੌਰਾਨ ਦੱਸਿਆ ਕਿ ਘਟਨਾ ਤੋਂ ਤੁਰੰਤ ਬਾਅਦ ਕ੍ਰਾਈਮ ਬ੍ਰਾਂਚ ਦੀਆਂ 20 ਵਿਸ਼ੇਸ਼ ਟੀਮਾਂ ਦਾ ਗਠਨ ਕਰ ਕੇ ਜਾਂਚ ਆਰੰਭੀ ਗਈ ਸੀ। ਪੁਲਸ ਨੇ ਫੀਲਡ ਵਰਕ, ਸੀ.ਸੀ.ਟੀ.ਵੀ. ਫੁਟੇਜ ਅਤੇ ਟੈਕਨੀਕਲ ਵਿਸ਼ਲੇਸ਼ਣ ਦੀ ਮਦਦ ਨਾਲ ਹਮਲਾਵਰਾਂ ਵੱਲੋਂ ਛੱਡੀ ਗਈ ਬਾਈਕ ਨੂੰ ਅੰਧੇਰੀ ਵੈਸਟ ਰੇਲਵੇ ਸਟੇਸ਼ਨ ਨੇੜਿਓਂ ਬਰਾਮਦ ਕੀਤਾ। ਪੁਲਸ ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਹਮਲੇ ਵਿੱਚ ਵਰਤੀ ਗਈ ਬਾਈਕ 11 ਸਤੰਬਰ ਨੂੰ ਰਿਤਿਕ ਨਾਮ ਦੇ ਵਿਅਕਤੀ ਨੇ ਖਾਸ ਤੌਰ 'ਤੇ ਖਰੀਦੀ ਸੀ।

#WATCH | Mumbai firing incident targeting actor Tiger Shroff | DCP Raj Tilak Roushan, Mumbai Police says, "Around 7 pm last evening, there was a firing on the car of a popular film actor. There were 3 people on a bike; two of them fired and then fled on the bike. Around 20 special teams of the Crime Branch were formed. On the basis of field work and technical analysis, the bike was traced near Andheri West Railway Station. On the basis of CTV footage and other technical analysis, we found out the path of the three. It was found that they had headed toward Northern Mumbai and left for Surat. We then found out that they had left on the Pune-Jaipur Express. We found out which compartment they were on and informed Kota Police. The Kota Police nabbed them and then we took them into our custody. The procedure to bring them to Mumbai is underway. Delhi Police, Gujarat Police and Rajasthan Police have helped us in this matter...Section for attempt to murder and section under Arms Act have been invoked initially. As we get to know more, we will take further action and more people will be arrested."

— ANI (@ANI) October 19, 2026

 ਮੁੰਬਈ ਪੁਲਸ ਦੀ ਟੈਕਨੀਕਲ ਜਾਂਚ ਵਿੱਚ ਹਮਲਾਵਰਾਂ ਦੀ ਮੁੰਬਈ ਤੋਂ ਫਰਾਰ ਹੋਣ ਦੀ ਪੂਰੀ ਕੜੀ ਸਾਹਮਣੇ ਆਈ। ਗੋਲੀਬਾਰੀ ਤੋਂ ਬਾਅਦ ਦੋਸ਼ੀ ਲੋਕਲ ਟ੍ਰੇਨ ਰਾਹੀਂ ਬੋਰੀਵਲੀ ਪਹੁੰਚੇ, ਜਿੱਥੋਂ ਰਿਤਿਕ ਨੇ ਐਪ ਰਾਹੀਂ ਕੈਬ ਬੁੱਕ ਕਰਕੇ ਸੂਰਤ ਤੱਕ ਦਾ ਸਫ਼ਰ ਤੈਅ ਕੀਤਾ। ਇਸ ਤੋਂ ਬਾਅਦ ਮੁਲਜ਼ਮ ਪੁਣੇ-ਜੈਪੁਰ ਐਕਸਪ੍ਰੈੱਸ ਟ੍ਰੇਨ ਵਿੱਚ ਸਵਾਰ ਹੋ ਗਏ। ਮੁੰਬਈ ਪੁਲਸ ਨੇ ਟ੍ਰੇਨ ਦੇ ਡੱਬੇ ਦੀ ਸਟੀਕ ਲੋਕੇਸ਼ਨ ਕੋਟਾ ਪੁਲਸ ਨਾਲ ਸਾਂਝੀ ਕੀਤੀ, ਜਿਸ ਤੋਂ ਬਾਅਦ ਕੋਟਾ ਪੁਲਸ ਨੇ ਉਨ੍ਹਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਇਸ ਪੂਰੇ ਆਪ੍ਰੇਸ਼ਨ ਵਿੱਚ ਦਿੱਲੀ, ਗੁਜਰਾਤ ਅਤੇ ਰਾਜਸਥਾਨ ਪੁਲਸ ਨੇ ਮੁੰਬਈ ਪੁਲਿਸ ਦਾ ਪੂਰਾ ਸਹਿਯੋਗ ਕੀਤਾ। ਮੁੰਬਈ ਪੁਲਸ ਦੀ ਅਪਰਾਧ ਸ਼ਾਖਾ ਦਾ ਕਹਿਣਾ ਹੈ ਕਿ ਕੋਈ ਵੀ ਨਾਬਾਲਗ ਨਹੀਂ ਹੈ।
 ਗ੍ਰਿਫ਼ਤਾਰ ਕੀਤੇ ਗਏ ਮੁਲਜ਼ਮਾਂ ਵਿੱਚੋਂ ਦੋ (ਰੇਹਾਨ ਅਤੇ ਫੂਲ ਸਿੰਘ) ਹਰਿਆਣਾ ਦੇ ਸੋਨੀਪਤ ਦੇ ਹਨ ਤੇ ਇੱਕ (ਰਿਤਿਕ) ਬਿਹਾਰ ਦਾ ਰਹਿਣ ਵਾਲਾ ਹੈ। ਰੇਹਾਨ ਤੇ ਫੂਲ ਸਿੰਘ ਮੁੱਖ ਸ਼ੂਟਰ ਸਨ। ਡੀ.ਸੀ.ਪੀ. ਨੇ ਦੱਸਿਆ ਕਿ ਦੋਸ਼ੀਆਂ ਖ਼ਿਲਾਫ਼ ਇਰਾਦਾ-ਏ-ਕਤਲ ਅਤੇ ਆਰਮਜ਼ ਐਕਟ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਮੁਲਜ਼ਮਾਂ ਨੂੰ ਹਿਰਾਸਤ ਵਿੱਚ ਲੈ ਕੇ ਮੁੰਬਈ ਲਿਆਉਣ ਦੀ ਕਾਨੂੰਨੀ ਪ੍ਰਕਿਰਿਆ ਜਾਰੀ ਹੈ।