''ਖਤਰੋਂ ਕੇ ਖਿਲਾੜੀ 12'' ਦਾ ਤੁਸ਼ਾਰ ਕਾਲੀਆ ਨੇ ਜਿੱਤਿਆ ਖਿਤਾਬ, 20 ਲੱਖ ਰੁਪਏ ਨਾਲ ਮਿਲੀ ਚਮਕਦੀ ਕਾਰ

ਨਵੀਂ ਦਿੱਲੀ (ਬਿਊਰੋ) : ਟੀ. ਵੀ. ਦੇ ਸਭ ਤੋਂ ਮਸ਼ਹੂਰ ਰਿਐਲਿਟੀ ਸ਼ੋਅ 'ਖਤਰੋਂ ਕੇ ਖਿਲਾੜੀ 12' ਦਾ ਵਿਨਰ ਚੁਣ ਲਿਆ ਗਿਆ ਹੈ। ਤੁਸ਼ਾਰ ਕਾਲੀਆ ਨੇ ਇਹ ਖਿਤਾਬ ਜਿੱਤਿਆ। ਇਸ ਵਾਰ ਫਿਨਾਲੇ 'ਚ ਤੁਸ਼ਾਰ ਕਾਲੀਆ, ਜੰਨਤ ਜ਼ੁਬੈਰ, ਫੈਜ਼ਲ ਸ਼ੇਖ, ਮੋਹਿਤ ਮਲਿਕ, ਰੁਬੀਨਾ ਦਿਲਾਇਕ ਨੇ ਚੋਟੀ ਦੇ ਪ੍ਰਤੀਯੋਗੀਆਂ 'ਚ ਆਪਣੀ ਜਗ੍ਹਾ ਬਣਾਈ।  ਤੁਸ਼ਾਰ ਨੇ 20 ਲੱਖ ਦੀ ਇਨਾਮੀ ਰਾਸ਼ੀ ਨਾਲ ਇਕ ਚਮਕਦੀ Maruti Suzuki Swift ਨੂੰ ਵੀ ਆਪਣੇ ਨਾਂ ਕੀਤਾ ਹੈ।

ਪਹਿਲਾਂ ਵੀ ਚਰਚਾ 'ਚ ਸੀ ਤੁਸ਼ਾਰ ਦਾ ਨਾਂ
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਜਦੋਂ ਮੁੰਬਈ 'ਚ ਫਿਨਾਲੇ ਦੀ ਸ਼ੂਟਿੰਗ ਹੋਈ ਸੀ ਤਾਂ ਤੁਸ਼ਾਰ ਦਾ ਨਾਂ ਸਾਹਮਣੇ ਆਇਆ ਸੀ। ਜੇਤੂ ਨੂੰ ਦਿੱਤੀ ਜਾਣ ਵਾਲੀ ਕਾਰ ਦੀਆਂ ਚਾਬੀਆਂ ਨਾਲ ਉਸ ਦੀ ਤਸਵੀਰ ਵਾਇਰਲ ਹੋਈ ਸੀ। ਕਿਆਸ ਲਗਾਏ ਜਾ ਰਹੇ ਸਨ ਕਿ ਉਹ ਸ਼ੋਅ ਜਿੱਤ ਗਿਆ ਹੈ।

ਇਹ ਸਨ ਫਿਨਾਲੇ ਦੇ ਮੁੱਖ ਮਹਿਮਾਨ
ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ 'ਖਤਰੋਂ ਕੇ ਖਿਲਾੜੀ 12' ਦਾ ਗ੍ਰੈਂਡ ਫਿਨਾਲੇ ਵੱਖਰਾ ਅਤੇ ਖ਼ਾਸ ਸੀ। ਰੋਹਿਤ ਸ਼ੈੱਟੀ ਨੇ ਆਪਣੀ ਆਉਣ ਵਾਲੀ ਫ਼ਿਲਮ 'ਸਰਕਸ' ਤੋਂ ਅਭਿਨੇਤਾ ਰਣਵੀਰ ਸਿੰਘ, ਪੂਜਾ ਹੇਗੜੇ, ਵਰੁਣ ਸ਼ਰਮਾ, ਸੰਜੇ ਮਿਸ਼ਰਾ, ਸਿਧਾਰਥ ਜਾਧਵ ਅਤੇ ਜੌਨੀ ਲੀਵਰ ਨੂੰ ਆਪਣੇ ਸ਼ੋਅ 'ਤੇ ਮਹਿਮਾਨ ਵਜੋਂ ਸ਼ਾਮਲ ਕੀਤਾ ਹੈ।

20 ਲੱਖ ਰੁਪਏ ਦੀ ਮਿਲੀ ਇਨਾਮੀ ਰਾਸ਼ੀ
ਤੁਸ਼ਾਰ ਕਾਲੀਆ ਨੇ ਸ਼ਾਨਦਾਰ ਟਰਾਫੀ ਨਾਲ 20 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਜਿੱਤੀ ਹੈ। ਇਸ ਤੋਂ ਇਲਾਵਾ ਇਕ ਮਾਰੂਤੀ ਸੁਜ਼ੂਕੀ ਸਵਿਫਟ ਵੀ ਇਸ ਦੇ ਨਾਂ 'ਤੇ ਹੈ। ਤੁਸ਼ਾਰ ਕਾਲੀਆ ਆਪਣੀ ਜਿੱਤ ਤੋਂ ਖੁਸ਼ ਹਨ।

ਤੁਸ਼ਾਰ ਕਾਲੀਆ ਦਾ ਵਰਕਫਰੰਟ
ਤੁਸ਼ਾਰ ਕਾਲੀਆ ਬਾਲੀਵੁੱਡ ਦੇ ਮਸ਼ਹੂਰ ਕੋਰੀਓਗ੍ਰਾਫਰ ਹਨ। ਉਹ 'ਇੰਡੀਆਜ਼ ਗੌਟ ਟੈਲੇਂਟ' ਅਤੇ 'ਡਾਂਸ ਦੀਵਾਨੇ' ਵਰਗੇ ਰਿਐਲਿਟੀ ਸ਼ੋਅਜ਼ ਨੂੰ ਜੱਜ ਕਰ ਚੁੱਕੇ ਹਨ। ਤੁਸ਼ਾਰ ਕਾਲੀਆ ਨੇ ਇਸ ਸਾਲ ਆਪਣੀ ਪ੍ਰੇਮਿਕਾ ਤ੍ਰਿਵੇਣੀ ਬਰਮਨ ਨਾਲ ਕੁੜਮਾਈ ਕਰਵਾਈ। ਤੁਸ਼ਾਰ ਦੀ ਮੰਗੇਤਰ ਤ੍ਰਿਵੇਣੀ ਬਰਮਨ ਅਸਾਮ ਦੀ ਇੱਕ ਮਾਡਲ ਹੈ। ਤ੍ਰਿਵੇਣੀ ਨੇ ਸਾਲ 2017 'ਚ 'ਫੇਮਿਨਾ ਮਿਸ ਇੰਡੀਆ' ਦਾ ਖਿਤਾਬ ਜਿੱਤਿਆ ਸੀ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।