ਹਾਸੇ, ਭਾਵਨਾਵਾਂ ਤੇ ਮਨਮੋਹਕ ਤਸਵੀਰਾਂ ਨਾਲ ਭਰਿਆ ‘ਹੇ ਸਿਰੀ ਵੇ ਸਿਰੀ’ ਫ਼ਿਲਮ ਦਾ ਟਰੇਲਰ ਰਿਲੀਜ

ਜਲੰਧਰ (ਬਿਊਰੋ)– ਬੈਸਟੈੱਕ ਸਕੁਏਅਰ ਮਾਲ ਵਿਖੇ ਸਿਨੇਪੋਲਿਸ ਅੱਜ ਉਤਸ਼ਾਹ ਨਾਲ ਗੂੰਜ ਉਠਿਆ ਕਿਉਂਕਿ ਚਿਰਾਂ ਤੋਂ ਉਡੀਕੀ ਜਾ ਰਹੀ ਪੰਜਾਬੀ ਫ਼ਿਲਮ ‘ਹੇ ਸਿਰੀ ਵੇ ਸਿਰੀ’ ਦਾ ਟਰੇਲਰ ਅਧਿਕਾਰਤ ਤੌਰ ’ਤੇ ਲਾਂਚ ਕੀਤਾ ਗਿਆ। ਜ਼ੀ ਸਟੂਡੀਓਜ਼ ਤੇ ਵੇਵਬੈਂਡ ਪ੍ਰੋਡਕਸ਼ਨਜ਼ ਵਲੋਂ ਨਿਰਮਿਤ ਫ਼ਿਲਮ ਦੇ ਇਸ ਸਮਾਗਮ ਨੇ ਫ਼ਿਲਮ ਦੀ ਪ੍ਰਤਿਭਾਸ਼ਾਲੀ ਕਾਸਟ ਤੇ ਕਰਿਊ ਨੂੰ ਇਕੱਠਾ ਕੀਤਾ, ਜਿਨ੍ਹਾਂ ਨੇ ਦਰਸ਼ਕਾਂ ਦੇ ਸਾਹਮਣੇ ਟਰੇਲਰ ਲਾਂਚ ਕਰਕੇ ਜਸ਼ਨ ਮਨਾਇਆ।ਇਸ ਦੌਰਾਨ ਆਰੀਆ ਬੱਬਰ, ਸ਼ਵੇਤਾ ਕੁਮਾਰ, ਹਰਦੀਪ ਗਿੱਲ, ਅਨੀਤਾ ਦੇਵਗਨ ਤੇ ਨਿਰਦੇਸ਼ਕ ਅਵਤਾਰ ਸਿੰਘ ਹਾਜ਼ਰ ਸਨ, ਜਿੰਨਾ ਨੇ ਪ੍ਰਸ਼ੰਸਕਾਂ ਨਾਲ ਸ਼ੂਟਿੰਗ ਪ੍ਰਕਿਰਿਆ ਦੌਰਾਨ ਆਪਣੇ ਅਨੁਭਵਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ। ਹਾਸੇ, ਭਾਵਨਾਵਾਂ ਤੇ ਮਨਮੋਹਕ ਤਸਵੀਰਾਂ ਨਾਲ ਭਰਿਆ ਟਰੇਲਰ ਸਿਨੇਮਾਘਰਾਂ ’ਚ ਫ਼ਿਲਮੀ ਦਰਸ਼ਕਾਂ ਲਈ ਇਕ ਆਨੰਦਮਈ ਟ੍ਰੀਟ ਹੋਣ ਦਾ ਵਾਅਦਾ ਕਰਦਾ ਹੈ।

‘ਹੇ ਸਿਰੀ ਵੇ ਸਿਰੀ’ ਇਕ ਵਿਲੱਖਣ ਕਹਾਣੀ ਨੂੰ ਦਿਖਾਉਣ ਲਈ ਤਿਆਰ ਹੈ, ਜੋ ਸਮਕਾਲੀ ਵਿਸ਼ਿਆਂ ਨੂੰ ਅਮੀਰ ਪੰਜਾਬੀ ਸੱਭਿਆਚਾਰ ਨਾਲ ਜੋੜਦੀ ਹੈ, ਜਿਸ ਦਾ ਉਦੇਸ਼ ਪੀੜ੍ਹੀ ਦਰ ਪੀੜ੍ਹੀ ਦਰਸ਼ਕਾਂ ਨਾਲ ਜੁੜੇ ਰਹਿਣਾ ਹੈ। ਫ਼ਿਲਮ ਨਿਰਮਾਤਾਵਾਂ ਨੇ ਪ੍ਰਾਜੈਕਟ ਤੇ ਟਰੇਲਰ ਨੂੰ ਸਕਾਰਾਤਮਕ ਹੁੰਗਾਰੇ ਬਾਰੇ ਆਪਣੀ ਉਤਸੁਕਤਾ ਜ਼ਾਹਿਰ ਕੀਤੀ। ਇਸ ਕਹਾਣੀ ਨੂੰ ਸਕ੍ਰੀਨ ਤੱਕ ਲਿਆਉਣ ਲਈ ਸਖ਼ਤ ਮਿਹਨਤ ਤੇ ਰਚਨਾਤਮਕਤਾ ਨੂੰ ਉਜਾਗਰ ਕੀਤਾ।ਇਹ ਫ਼ਿਲਮ 22 ਨਵੰਬਰ, 2024 ਨੂੰ ਰਿਲੀਜ਼ ਹੋਣ ਵਾਲੀ ਹੈ ਤੇ ਪ੍ਰਸ਼ੰਸਕਾਂ ਤੇ ਫ਼ਿਲਮ ਪ੍ਰੇਮੀਆਂ ’ਚ ਪਹਿਲਾਂ ਹੀ ਉਤਸੁਕਤਾ ਸਿਖਰਾਂ ’ਤੇ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।