ਦੁਰਗਾ ਬਣੀ ਨੁਸਰਤ ਜਹਾਂ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ, ਸ਼ਿਕਾਇਤ ਦਰਜ
09/30/2020 9:46:09 AM
ਸਹਾਰਨਪੁਰ (ਬਿਊਰੋ) : ਮੁਸਲਿਮ ਧਾਰਮਿਕ ਗੁਰੂ ਤ੍ਰਿਣਮੂਲ ਕਾਂਗਰਸ ਦੇ ਸੰਸਦ ਮੈਂਬਰ ਅਤੇ ਬੰਗਾਲੀ ਫ਼ਿਲਮ ਅਦਾਕਾਰਾ ਨੁਸਰਤ ਜਹਾਂ ਦੇ ਦੇਵੀ ਦੁਰਗਾ ਦੇ ਰੂਪ ਵਿਚ ਤਸਵੀਰ ਖਿੱਚਵਾਉਣ ਤੋਂ ਨਾਰਾਜ਼ ਹਨ। ਨੁਸਰਤ ਦੇ ਇਸ ਫੋਟੋਸ਼ੂਟ ਕਾਰਨ ਉਨ੍ਹਾਂ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ। ਇਕ ਯੂਜ਼ਰਸ ਨੇ ਨੁਸਰਤ ਨੂੰ ਧਮਕੀ ਦਿੰਦੇ ਹੋਏ ਲਿਖਿਆ ਤੇਰੀ ਮੌਤ ਦਾ ਸਮਾਂ ਆ ਗਿਆ ਹੈ, ਕੀ ਤੂੰ ਆਪਣਾ ਸਰੀਰ ਨਹੀਂ ਢੱਕ ਸਕਦੀ। ਇਸ ਤੋਂ ਇਲਾਵਾ ਇਕ ਹੋਰ ਯੂਜ਼ਰਸ ਨੇ ਨੁਸਰਤ ਨੂੰ ਆਪਣਾ ਨਾ ਬਦਲਣ ਲਈ ਕਿਹਾ। ਇਨ੍ਹਾਂ ਧਮਕੀਆਂ ਤੋਂ ਬਾਅਦ ਟੀ. ਐੱਮ. ਸੀ. ਸੰਸਦ ਮੈਂਬਰ ਵਲੋਂ ਅਧਿਕਾਰਿਤ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਉਹ ਖ਼ੁਦ ਅਜੇ ਲੰਡਨ ਵਿਚ ਹੈ, ਅਜਿਹੇ ਵਿਚ ਮੰਤਰਾਲਾ ਤੇ ਬੰਗਾਲ ਸਰਕਾਰ ਤੋਂ ਸੁਰੱਖਿਆ ਮੰਗੀ ਹੈ।
ਦੱਸ ਦਈਏ ਕਿ ਸਹਾਰਨਪੁਰ ਸਥਿਤ ਦੇਵਬੰਦ ਉਲੇਮਾ ਦਾ ਕਹਿਣਾ ਹੈ ਕਿ ਧਰਮ ਕਿਸੇ ਨੂੰ ਵੀ ਇਸਲਾਮ ਵਿਚ ਜਾਤੀਗਤ ਜੀਵਨ ਵਿਚ ਵਿਘਨ ਪਾਉਣ ਦੀ ਆਗਿਆ ਨਹੀਂ ਦਿੰਦਾ ਪਰ ਨੁਸਰਤ ਹਮੇਸ਼ਾਂ ਕਿਸੇ ਨਾ ਕਿਸੇ ਵਿਵਾਦ ਵਿਚ ਰਹਿੰਦੀ ਹੈ। ਲੋਕਾਂ ਨੂੰ ਨੁਸਰਤ ਜਹਾਂ ਦੇ ਕੰਮ ਨੂੰ ਲੈ ਕੇ ਇਤਰਾਜ਼ ਹੈ ਅਤੇ ਹੋਣਾ ਵੀ ਚਾਹੀਦਾ ਹੈ, ਕਿਉਂਕਿ ਜਿਸ ਕਿਸਮ ਦਾ ਕੰਮ ਉਹ ਕਰਦੇ ਹਨ, ਉਹ ਮੁਸਲਮਾਨ ਭਾਈਚਾਰੇ ਨੂੰ ਸ਼ੋਭਾ ਨਹੀਂ ਦਿੰਦਾ।
ਉਨ੍ਹਾਂ ਕਿਹਾ ਇਸਲਾਮ 'ਚ ਧਰਮ 'ਚ ਕੁਝ ਅਜਿਹੇ ਕੰਮ ਹਨ, ਜੋ ਇਕ ਮੁਸਲਮਾਨ ਭਾਈਚਾਰਾ ਨਹੀਂ ਕਰ ਸਕਦਾ ਪਰ ਉਹ ਕਰ ਰਹੀ ਹੈ। ਮੇਰੇ ਖ਼ਿਆਲ ਇਹ ਅਸਲ ਵਿਚ ਗਲਤ ਹੈ, ਨੁਸਰਤ, ਜਿਥੇ ਉਹ ਸੰਸਦ ਹੈ, ਉਸਨੂੰ ਅਜਿਹੀਆਂ ਕਾਰਵਾਈਆਂ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਨੂੰ ਅਜਿਹੀਆਂ ਗੱਲਾਂ ਕਰਨੀਆਂ ਚਾਹੀਦੀਆਂ ਹਨ, ਜੋ ਦੇਸ਼ ਦੀ ਤਰੱਕੀ ਲਈ ਲੋਕਾਂ ਦਾ ਦਿਲ ਜਿੱਤਣ ਦਾ ਕੰਮ ਕਰਨ।
ਮੁਸਲਿਮ ਧਰਮ ਗੁਰੂ ਦੇਵਬੰਦ ਦੇ ਮੌਲਾਨਾ ਇਸਹਾਕ ਗੋਰਾ ਨੇ ਨੁਸਰਤ ਜਹਾਂ ਨੂੰ ਸਲਾਹ ਦਿੰਦੇ ਹੋਏ ਕਿਹਾ ਕਿ ਨੁਸਰਤ ਜਹਾਂ ਨੂੰ ਅੱਲ੍ਹਾ ਤੋਂ ਤੌਬਾ ਕਰਨੀ ਚਾਹੀਦੀ ਹੈ ਅਤੇ ਉਸ ਨੇ ਜੋ ਗਲਤੀ ਕੀਤੀ ਹੈ ਉਸ ਲਈ ਵੀ ਉਹ ਅੱਲ੍ਹਾ ਤੋਂ ਤੌਬਾ ਕਰੇ।
