ਸ਼ਰਧਾ-ਟਾਈਗਰ ਦੀ ਫਿਲਮ ''ਬਾਗੀ'' ਨੇ ਤੋੜਿਆ ''ਹੀਰੋਪੰਤੀ'' ਦਾ ਰਿਕਾਰਡ

ਨਵੀਂ ਦਿੱਲੀ : ਬਾਲੀਵੁੱਡ ਅਦਾਕਾਰ ਟਾਈਗਰ ਸ਼ਰਾਫ ਅਤੇ ਸ਼ਰਧਾ ਕਪੂਰ ਦੀ ਹੁਣੇ ਜਿਹੇ ਰਿਲੀਜ਼ ਹੋਈ ਫਿਲਮ ''ਬਾਗੀ'' ਨੂੰ ਬਾਕਸ ਆਫਿਸ ''ਤੇ ਚੰਗੀ ਪ੍ਰਤੀਕਿਰਿਆ ਮਿਲ ਰਹੀ ਹੈ। ਜਾਣਕਾਰੀ ਅਨੁਸਾਰ ਇਸ ਫਿਲਮ ਨੇ ਰਿਲੀਜ਼ ਦੇ ਪੰਜਵੇ ਦਿਨ ਭਾਰਤ ''ਚ 50 ਕਰੋੜ ਤੋਂ ਵੀ ਵੱਧ ਕਮਾਈ ਕਰ ਲਈ ਹੈ। ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਟਵੀਟ ਰਾਹੀ ਦੱਸਿਆ, ''''ਫਿਲਮ ਦੀ ਕਮਾਈ ਸ਼ੁੱਕਰਵਾਰ 11.94 ਕਰੋੜ, ਸ਼ਨੀਵਾਰ 11.13 ਕਰੋੜ, ਐਤਵਾਰ 15.51 ਕਰੋੜ, ਸੋਮਵਾਰ 6.72 ਕਰੋੜ, ਮੰਗਲਵਾਰ 5.77 ਕਰੋੜ, ਕੁੱਲ—51.07 ਕਰੋੜ ਰੁਪਏ ਦੀ ਬਿਹਤਰੀਨ ਕਮਾਈ ਕਰ ਫਿਲਮ ''ਹੀਰੋਪੰਤੀ'' ਦਾ ਰਿਕਾਰਡ ਤੋੜ ਦਿੱਤਾ ਹੈ।'''' ਉਨ੍ਹਾਂ ਇਹ ਵੀ ਲਿਖਿਆ ਕਿ ਇਕ ਹਫਤੇ ਤੱਕ ਇਹ ਫਿਲਮ 60 ਕਰੋੜ ਦੀ ਕਮਾਈ ਕਰ ਸਕਦੀ ਹੈ।
ਇਸ ਬਾਰੇ ਸ਼ਰਧਾ ਨੇ ਕਿਹਾ ਕਿ ਫਿਲਮ ਦੀ ਚੰਗੀ ਕਮਾਈ ਹਮੇਸ਼ਾ ਸਾਨੂੰ ਹੋਰ ਵਧੀਆ ਕੰਮ ਕਰਨ ਲਈ ਪ੍ਰੇਰਿਤ ਕਰਦੀ ਰਹਿੰਦੀ ਹੈ। ਸ਼ਰਧਾ ਦੀਆਂ ਪਹਿਲੀਆਂ ਦੋ ਫਿਲਮਾਂ ''ਏਬੀਸੀਡੀ-2'' ਅਤੇ ''ਏਕ ਵਿਲੇਨ'' ਨੇ ਚੰਗੀ ਕਮਾਈ ਕੀਤੀ ਸੀ। ਇਸ ਵਾਰ ਵੀ ਸ਼ਰਧਾ ਕਾਫੀ ਰੋਮਾਂਚਿਤ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਫਿਲਮ ਦੀ ਚੰਗੀ ਕਮਾਈ ਦਰਸ਼ਕਾਂ ਵਲੋਂ ਬੇਅੰਤ ਪਿਆਰ ਅਤੇ ਹਮਾਇਤ ਦਾ ਪ੍ਰਤੀਕ ਹੈ।