ਕਿੰਗ ਖ਼ਾਨ ਤੇ ਥਾਲਾਪਤੀ ਵਿਜੇ ਨੂੰ ਵੀ IMDb ਰੈਂਕਿੰਗ 'ਚ ਪਿੱਛੇ ਛੱਡ ਗਿਆ ਹਰਿਆਣਾ ਦਾ ਇਹ ਮੁੰਡਾ

ਐਂਟਰਟੇਨਮੈਂਟ ਡੈਸਕ - ਤਾਪਸੀ ਪੰਨੂ ਦੀ ਫਿਲਮ 'ਸਾਂਡ ਕੀ ਆਂਖ', ਬੌਬੀ ਦਿਓਲ ਦੀ 'ਲਵ ਹੋਸਟਲ' ਅਤੇ ਰਣਬੀਰ ਕਪੂਰ ਦੀ ਫਿਲਮ 'ਸ਼ਮਸ਼ੇਰਾ' ਵਿੱਚ ਛੋਟੇ ਕਿਰਦਾਰਾਂ ਵਿੱਚ ਨਜ਼ਰ ਆ ਚੁੱਕੇ ਹਨ ਅਦਾਕਾਰ ਯੁਧਵੀਰ ਅਹਲਾਵਤ ਦੇ ਕਰੀਅਰ ਨੂੰ ਹਾਲ ਹੀ ਵਿਚ ਨੈਟਫਲਿਕਸ 'ਤੇ ਰਿਲੀਜ਼ ਹੋਈ ਕ੍ਰਾਈਮ-ਥ੍ਰਿਲਰ ਫਿਲਮ 'ਕਰਤੱਵਿਆ' ਨੇ ਇੱਕ ਨਵਾਂ ਮੁਕਾਮ ਦੇ ਦਿੱਤਾ ਹੈ। ਦਰਅਸਲ ਯੁਧਵੀਰ ਨੇ IMDb ਦੀ 'ਮੋਸਟ ਪਾਪੂਲਰ ਇੰਡੀਅਨ ਸੈਲੀਬ੍ਰਿਟੀਜ਼' ਦੀ ਹਫਤਾਵਾਰੀ ਸੂਚੀ ਵਿੱਚ ਪਹਿਲਾ ਸਥਾਨ ਹਾਸਲ ਕਰ ਲਿਆ ਹੈ। ਉਨ੍ਹਾਂ ਨੇ ਇਸ ਰੈਂਕਿੰਗ ਵਿੱਚ ਬਾਲੀਵੁੱਡ ਦੇ ਕਿੰਗ ਖ਼ਾਨ (ਸ਼ਾਹਰੁਖ ਖ਼ਾਨ), ਸਾਊਥ ਦੇ ਸੁਪਰਸਟਾਰ ਥਾਲਾਪਤੀ ਵਿਜੇ, ਐਸ਼ਵਰਿਆ ਰਾਏ ਅਤੇ ਜੂਨੀਅਰ ਐੱਨਟੀਆਰ ਵਰਗੇ ਦਿੱਗਜ ਕਲਾਕਾਰਾਂ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ।

ਇਹ ਵੀ ਪੜ੍ਹੋ: "ਮੈਂ ਜਲਦੀ ਵਾਪਸੀ ਕਰਾਂਗੀ..."; ਬ੍ਰੈਸਟ ਕੈਂਸਰ ਨਾਲ ਪੀੜਤ ਮਾਸਟਰਸ਼ੈੱਫ ਪੰਕਜ ਭਦੌਰੀਆ, ਸਰਜਰੀ ਤੋਂ ਪਹਿਲਾਂ ਹੋਈ ਭਾਵੁਕ

'ਕਰਤੱਵਿਆ' ਫਿਲਮ ਵਿੱਚ ਸੈਫ ਅਲੀ ਖ਼ਾਨ ਇੱਕ ਪੁਲਸ ਅਫਸਰ ਦੇ ਕਿਰਦਾਰ ਵਿੱਚ ਹਨ, ਜੋ ਯੁਧਵੀਰ ਦੇ ਕਿਰਦਾਰ 'ਹਰਪਾਲ' ਦੀ ਰੱਖਿਆ ਕਰਦੇ ਹਨ। ਫਿਲਮ ਵਿੱਚ ਯੁਧਵੀਰ ਨੇ ਇੱਕ 14 ਸਾਲ ਦੇ ਮਾਸੂਮ ਬੱਚੇ ਦਾ ਕਿਰਦਾਰ ਨਿਭਾਇਆ ਹੈ, ਜੋ ਹਾਲਾਤਾਂ ਦਾ ਮਾਰਿਆ ਜੁਰਮ ਦੀ ਦਲਦਲ ਵਿੱਚ ਫਸ ਜਾਂਦਾ ਹੈ। ਸੋਸ਼ਲ ਮੀਡੀਆ 'ਤੇ ਬਹੁਤ ਸਾਰੇ ਲੋਕ ਉਨ੍ਹਾਂ ਨੂੰ ਸੱਚਮੁੱਚ ਦਾ ਇੱਕ 'ਬਾਲ ਕਲਾਕਾਰ' ਸਮਝ ਰਹੇ ਹਨ, ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਯੁਧਵੀਰ ਅਹਲਾਵਤ ਦੀ ਅਸਲ ਉਮਰ 33 ਸਾਲ ਹੈ। ਆਪਣੇ ਛੋਟੇ ਕੱਦ-ਕਾਠ ਅਤੇ ਮਾਸੂਮ ਚਿਹਰੇ ਕਰਕੇ ਉਹ ਪਰਦੇ 'ਤੇ ਬਿਲਕੁਲ ਇੱਕ ਨਾਬਾਲਗ ਬੱਚੇ ਵਰਗੇ ਦਿਖਾਈ ਦਿੰਦੇ ਹਨ।

ਇਹ ਵੀ ਪੜ੍ਹੋ: ਮਸ਼ਹੂਰ ਪੰਜਾਬੀ ਗਾਇਕ ਨੇ ਲਾਈਵ ਆ ਕੇ ਚੁੱਕ ਲਿਆ ਵੱਡਾ ਕਦਮ, ਕੁੱਝ ਦਿਨ ਪਹਿਲਾਂ ਕੀਤਾ ਸੀ ਗਾਇਕੀ ਛੱਡਣ ਦਾ ਐਲਾਨ

IMDb ਦੀ ਇਹ ਰੈਂਕਿੰਗ ਦੁਨੀਆ ਭਰ ਦੇ ਕਰੋੜਾਂ ਯੂਜ਼ਰਸ ਦੁਆਰਾ ਕਲਾਕਾਰਾਂ ਦੇ ਪ੍ਰੋਫਾਈਲ 'ਤੇ ਕੀਤੇ ਜਾਣ ਵਾਲੇ ਸਰਚ ਅਤੇ ਵਿਜ਼ਿਟਸ ਦੇ ਆਧਾਰ 'ਤੇ ਤੈਅ ਹੁੰਦੀ ਹੈ। 15 ਮਈ ਨੂੰ 'ਕਰਤੱਵਿਆ' ਦੇ ਰਿਲੀਜ਼ ਹੋਣ ਤੋਂ ਬਾਅਦ, ਯੁਧਵੀਰ ਦੀ ਦਮਦਾਰ ਅਦਾਕਾਰੀ ਦੇਖ ਕੇ ਲੋਕਾਂ ਨੇ ਇੰਟਰਨੈੱਟ 'ਤੇ ਉਨ੍ਹਾਂ ਬਾਰੇ ਇੰਨਾ ਸਰਚ ਕੀਤਾ ਕਿ ਉਨ੍ਹਾਂ ਦਾ ਪ੍ਰੋਫਾਈਲ ਟ੍ਰੈਂਡਿੰਗ ਵਿੱਚ ਸਭ ਤੋਂ ਉੱਪਰ ਪਹੁੰਚ ਗਿਆ। ਯੁਧਵੀਰ ਅਹਲਾਵਤ ਮੂਲ ਰੂਪ ਵਿੱਚ ਹਰਿਆਣਾ ਦੇ ਝੱਜਰ ਜ਼ਿਲ੍ਹੇ ਦੇ ਪਿੰਡ ਸ਼ੇਰੀਆ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਦੇ ਪਿਤਾ BSF ਵਿੱਚ ਸੇਵਾ ਨਿਭਾਅ ਚੁੱਕੇ ਹਨ। ਯੁਧਵੀਰ ਪਿਛਲੇ ਕਰੀਬ ਇੱਕ ਦਹਾਕੇ ਤੋਂ ਥੀਏਟਰ (ਰੰਗਮੰਚ) ਨਾਲ ਜੁੜੇ ਹੋਏ ਹਨ ਅਤੇ ਕਈ ਵੱਡੇ ਨਾਟਕਾਂ ਦਾ ਹਿੱਸਾ ਰਹਿ ਚੁੱਕੇ ਹਨ।

ਇਹ ਵੀ ਪੜ੍ਹੋ: ਪੂਜਾ ਭੱਟ ਨੇ ਬੌਬੀ ਦਿਓਲ ਨਾਲ ਬ੍ਰੇਕਅੱਪ 'ਤੇ ਪਹਿਲੀ ਵਾਰ ਤੋੜੀ ਚੁੱਪ, ਕਿਹਾ- ਪਿਆਰ ਸੀ ਪਰ...

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e